حلم رقم 2
كان فى شخص بيحبنى و عايز يتقدملى بس قبل ما يتقدم حصلت بنا مشاكل و مشى وماشوفناش بعض تانى بعدها ..
و امبارح نمت على وضوء و حلمت الحلم دا
..
حلمت ان الشخص دا ( اللى كان هيتقدملى ) كان قاعد مع اصحابه فى مكان زى جامعة او مول كدا , كانوا قاعدين على الارض , وانا كنت ماشية مع صاحبتى ( معرفهاش فى الحقيقة ) و احنا ماشيين شوفته ف روحنا ناحيتهم, و كان بيبتسم و انا كمان كنت مبسوطة اوى , روحت قعدت على الارض قدامه بالظبط و مستبرعين , و صاحبتى و اصحابه قاعدين حولينا ,
بعدها الشخص (اللى كان هيتقدملى ) قال لصاحبه : انت تعرف مين دى ؟ ,, و كان بيشاور عليا زى ما يكون بيعرفوا بيا , ف صاحبه بصلى و ابتسم بس ( مع العلم انى صاحبه دا معايا فى الجامعة و عارفنا احنا الاتنين فى الحقيقة بس مفيش بينا اى علاقة ولا عمرنا اتكلمنا قبل كدا حتى )
بعدها الشخص دا ( اللى كان هيتقدملى ) قال لنفس صاحبه : تدينى كام سنة ؟ ,, ف صاحبه قاله : 10 سنين ,, ف الشخص دا قاله : فعلا انا شكلى صغير عشان كدا مش قبلونى فى فريق كرة القدم ,, ( مع العلم ان اهو فلا بيحب لعب كرة القدم جدا فى الحقيقة )
بعدها كان عايز ياكل مع اصحابه و هما على الارض و جابو صوانى فيها اكل , و هوا بيحرك الصينية عشان يحطها قدامه خبطت فى رجلى و الحديدة اللى فى طرف الصينية جرحت صباع رجلى اليمين ( الصباع الكبير ) , عملت جرح طويل شوية وجعنى اوى , و ظهر عليه خط دم مكان الجرح بس منزفش , و بعدها الجرح ورم جامد و كان بيوجعنى ,
و اتصايقت جدا عشان الشخص دا مهتمش بوجودى طول ما انا قاعدة معاه و فضل يكلم صحابه و طنشنى و مهتمش بيا ولا كلمنى , و كمان اتضايقت اكتر فى الحلم لما جرحنى بالصينية و مهتمش نهائى ولا سأل عليا حتى
و الشخص اللى كان هيتقدملى دا كان لابس تى شيرت ابيض و بنطلون اسود,, و انا كنت لابسة بلوزة ابيض فى اسود و بنطلون اسود
و انتهى الحلم على كدا
مع العلم انى لسة انسة
