تفسير احلام يوم الاحد الموافق 9\25 ان شاء الله

الحلم رقم ١

انا صليت استخاره قبل كده على شخص و حضرتك قولتيلي عيدي الاستخاره
ماما صلتها و حلمت ان عندنا بنت صغيره عندها ٣ سنين و ماما كان معاها دباستين(٢دباسه ورق ) ماما اداتها واحده و كانت البنت زعلانه مأخدتهاش فماما أداتها بتاعتها(بتاعه ماما يعني ) بردو مأخدتهاش و مشيت شويه صغيرين بس فضلت في الاوضه

انا أنسه شكرًا جزيلا

الحلم 3

حلمت بأني عاملة عجينة لكحك او بسكوت وماما جت وقالت لي احنا مش محتاجينها انا هارميها زعلت جدا وافتكرت انها هاتاخد بالها اني زعلانة ومش هاترميها بس راميتها فضلت اكسر ف الحاجة وارمي حاجات ف الارض من غيظي وسبتها ونمت جنب شباك مفتوح لقيت واحدة ف الشقة فوق بتزعق عشان حرامي سرقهم وطلعت الشارع مالحقناهوش كان مشي وقلت لا انا اقفل الشباك بقي لا يسرقنا قفلت الشباك وببص ف الدولاب لقيت فلوسي ودهبي اتسرق عيطت وجوزي قالي احنا لازم نسافر المغرب وهانرجع بيهم ونمسك الحرامي هناك وجوزي حضر اوراقنا وكنا هانسافر وحماتي جت توصلنا وقابلنا واحدة كانت بتولد ولدت فجأة ومكانش معاها هدوم لفيت الولد في هدومي وقلت لها سمية علي علي اسم اخويا الله يرحمة بس جوزوها ماوافقش واديتها الولد ومشيت

حلم رقم 4

انا حلمت اني ف بيت كبير اوي وفخم كدا قصر يعني من كذا دور وانا طلعت لدور عالي وكنت عماله ادور علي السلم بتاعه عشان انزل تحت ومكنتش لقياه

حلم رقم ٥
حلمت خير اللهم اجعله خير اني عند ماما في الشقه وجوزي جي يا خدني و معاه عياله الثلاثه ونزلت معاه وماشيه وعيزة اشتري عنب احمر وموز وكان عجبني التين وبعدين مشيت والعيال عمله دوشه و ابوهم هيجيب زي سبرتوا ابيض راح ابنه مولع في فرده وحده من شبشبه ورماها عليا انا كل ده سكته وماعملت شئ بس النار ما جت فيا وقمت على كده
في مشاكل مابين وبين زوجي جامده دعواتك ليا يا ماما وانا حامل

الحلم رقم6
اخويا حلم خير ان بابا الله يرحمه رجع وعايش معاه وكان حنين عليه اوى وكل شويه يطبطب عليه وحس ان هوه يسرله اموره يعنى لما جه كانت اموره كلها متيسره وبعد كده مات فاخويا كان شايله فى النعش على كتفه وكان بيعيط جامد جامد انه بعد ما جه وكل اموره بعد ما اتصلحت سابه ومشى تانى وفضل يعيط عليه جامد لحد ما صحى من النوم مع العلم ان بابا متوفى واخويا ده وحيد وبقى مسؤل عننا بعد ما بابا توفى