تفسير احلام يوم الخميس الموافق 9\1 ان شاء الله

حلم رقم 2

حلمت انه ميعاد قبض المرتبات و اتناقش مع زمائل لى فى العمل مين حينزل يقبضلنا فقولتلهم انا حاخد بطاقات الصرافة بتاعتنا كلنا و انزل اقبض و فى واحدة زميلتى قالتلى انى لسه جديدة مش حعرف اتعامل مع ماكينة الصرف فستأتى معى و هى جاية معايا ظهرها تقوس للامام و تعبت و هى فعلا عندها مشكلة فى ضهرها فى الحقيقة فاخدت انا البطاقات و ذهبت للماكينة و كان فى زحمة و كنت بفكر ازاى حوصل لكن لقيت نفسى قدامها بالظبط و كنت بفكر ازاى اتعامل مع المكاينة فكان هناك سيدة قالتلى انا حساعدك ادينى اسم اسم و انا حعطيكى الفلوس و بقيت انا اقولها الاسم و هى تعطينى فلوس و كان معايا بطاقات كتير حتى وصلت لأسمين قالتلى دول مرتبهم مش هنا و بعدين قرات بطاقة مكتوب عليها سمك مشوى استغربت و ركزت فى الاسم و اتاكدت انه فعلا مكتوب عليه سمك مشوى و شوفت نفسى بوصف طريقه عمله لموظفة و فى اخر الحلم شوفت ايدى لابسه فيها دبلة ذهب

انسة

حلم 3
ماما انا حلمت اني نزلت مع ماما و نينه و خالتي و جوز خالتي و رحنا نششتري دهب ليا و الراجل بيفرجني و بعدين جبنا حاجه و روحنا و انا في البيت كنت زعلانه جدا و مش عاوزه الدهب ده علشان مش انا اللي اخترته جوز خالتي و خالتي اللي جيبنهولي كان خاتم بفص كبير لبني و قسوره كبيره و فيها فص كبير دهبي بردو .. و اعيط و اقول لماما انا مخترتهاش جوز خالتي و خالتي هما اللي جبوه من الراجل .. واقول لماما شوفي الخاتم واسع ازاي .. بس

انا متجوزه و عندي ولد متوسطه التدين

٤

حلمت بالشخص اللى كان هيخطبنى قاعد معايا فى البيت ، وابن خالى اللى رفضته جه عندنا هو واخته الكبيرة  ، وبسلم عليها سلمت عليا وحش ، والشخص اللى كان هيخطبنى لما شاف ابن خالى قعد يبكى وجرى على الباب وانا نزلت وراه وقلتله انى هشوفه على سطوح العمارة 
ماما فرحت لما شافت ابن خالى وقالتلى 
مش انتى كنتى خارجة ،  طب ابن خالك يوصلك ، وبلاش الاسود اللى على طول لابساه خدى العباية دى البسيها ، ماما طلعتلى عباية جديدة  من دولابها وكانت جديدة لونها اصفر ،  طويلة اوى عليا وواسعة وكمها طويل ، انا قلتلها لأ انا بحب الاسود
طلعت فوق سطوح العمارة مع بنت معرفهاش بدور على اللى كان هيخطبنى
وعمالة الف وادور عليه ، وفجاة لقيت تعبان كوبرا لونه اسود قدامنا وطوله حوالى متر ونص او مترين ، البنت اللى معايا جريت ، انا لما جيت اهرب منها وانط فى مكان لقيت الكوبرا بتنط فى نفس المكان اللى بنط فيه ونطت عليا ، بس محستش باى حاجة ولا كانها نطت عليا ، واللى استنتجته فى الحلم ان السطح كله فى العمارة فيه كذا كوبرا 
اسفة جدا على الاطالة
انا متقدملى شخص غريب وامى بتقولى انا عايزة اخطبك لابن خالك مش عايزة حد غريب وانا رفضت ابن خالى ، بس هو مستنى اوافق عليه تانى 
والشخص اللى كان هيخطبنى ماليش اى علاقة به
والشخص الغريب اللى متقدملى لسه مشفتوش ولا اعرفه 
الحمدلله ملتزمة وبحفظ قرآن ومواظبة على الصلاة

ماما انا عندي حلمين 
الاول اني احنا كاننا عايزين شقه وفعلا لاقينا شقه كانت من ناس من الامارات وكان مدخلها زي القصر ولون الباب فضي وحواليه دهبي وكانت كانها ب2 مليون جنيه ودخلت اتفرج عليها وكانت صاحبتها موجوده وانا بلف فيها كانت كلها غرف ودخلت المطبخ كان كبير وكانت الست صاحبه الشقه ناشره غسيلها فيه وكان غسيل بيبيهات واستغربت ده جداااا ولفيت في الشقه كانت الاؤض واسعه جداااااااااااااا ومنها اوضه فيها اربع سراير بس مش بنفس فخامه المدخل 

الحلم التاني لحماتي كانت حلمت اني حامل في تلات شهور وكنت مبسوطه في الحلم بالرغم اني لاافكر في الخلفه حاليا

معلش ياماما حلم اخير 
انا حلمت كاني كنت مع بنات عمتي وكل واحده فيهم متجوزه المهم اني كنت ببص في المرايه لاقيت وشي كله حبوب كبيره وبقشره وكان فيها ميه وبعد مابصيت في المرايه طلعت ابكي وبنت عمتي قالتلي ماتخافيش هاتروح والله وبعدها كنت لبست فستان فرح وكان شكلي جميل جداااا وماسكه بوكيه ورد المهم اني بعدها قلعت الفستان وعلقته وقولت عشان البسه تاني في مناسبه جت عمتي بعدها وفتحتلها خزانه ولاقيت تلات ببرونات ببرونتين لونهم ازرق للاؤلاد وببرونه بمبى للبنات المهم اديت عمتي واحده من بتاعت الاؤلاد تديها لحد جارتي وقالتلي انها ولدت ولد فقولتلها اديهالها لانها غلبانه وظروفها صعبه