تفسير احلام يوم الاثنين الموافق 8\29 ان شاء الله

الحلم رقم ٩ 
ماما حلمت انها لقت قميص نوم لبني و أخدته و بعدين لقت انسيال دهب و قالت لنفسها الشيخ رمضان عبد المعز قال الي يلاقي حاجه في الحرم مياخودهاش و انا مش في الحرم فأكيد لو حد لقاها هياخدها بردو و بعدين اخدته 
انا أنسه 

nooraa كتب:

رأيت أنني اسكن مع فتاة بشقة و في اليوم التالي وجدت حجرة سفرة و صالون كبيرين و لم اعرف إن كان هذا جزء من الشقة ثم رأيت البنت دعت صديقاتها للطعام فكن يتحركن بسرعة و رأيت عددا من الصواني مملؤة فاصوليا خضراء مطبوخة بالصلصة و انزعجت لأن هذا سيؤثر على نظافة المنزل و بالفعل وجدت أثار الصلصة في المطبخ و الحمام و قد تم تنظيفها بطريقة غير جيدة ثم رأيت أنني مع البنت في محاضرة و أخذت انظر إلى المباني حولي فوجدت أن المباني العالية ليست شقق بل مكونة من غرف كثيرة بها نباتات كبيرة فقالت الفتاة أنها تريد أن ترى بسم الله الرحمن الرحيم و قالت أن هذه زهرة على شكل التسمية. انسة اعمل

هل تعرفى هذه الفتاة
كلا لا أعرف أي شخص أو أي مكان في هذا الحلم 

cappuccino كتب:

حلم ٢
حلمت خير يارب ان انا مع بابا وماما تقريبا وكنا بنحضر او بنجهز جهازي وانه بينقلولى ورقة كتب كتابي من ورقة كتب كتاب تانية بس نقل ورقتى بنفس الاسم وكان حسناء وغالا كانوا بينقلوا من ورقة كتب كتاب محمد اخويا لان مراته اسمها حسناء ولنا قولتلهم ازاي الاسم متغير قالولى عادي وكده وانا بمضي بقى قولت اكتب نفس الاسم عشان ميبقاش مختلف فكتبت حسناء لله وقولت اتلخبطت وغالبا ماما قالتلي عادي اكتبي وغالبا شخبط عليها وروحت قولت لبابا او جدو وقال ولا يهمك وكتبلي ورقة تانيه باسمي جميلة والورقة كانت فلوسكاب القديمة بس الجديدة كانت بيضاء وحلوة واتكتب باسمي وغالبا مضيت وكنت مبسوطة وفتحنا البوم صورنا وشوفت محمد اخويا كان لابس طوق عليه اكسسوارات اطفالى خرز كده وهو كان صغير ولعبت ف طوق ده يعني كان شيفاه فى الحقيقه وقولتله هصور الصورو دي واوريها للناس حاجة كده وقعدنا نضحك ونهزر وكان فى هوا جميل كده وكان فى راحة وزي مانكون بنجهز جهازي وبس محمد اخيا فى الحقيقه مراته اسمها حسناء وربنا رزقه بتؤام بنات بس مولودين قبل ميعادهم وفى حضانات خايفين عليهم ربنا يشفيهم ومكناش نعرف انه تؤام كانوا مشيمة واحدة وانا بحاول التزم وبدعى بالزوج الصالح ماما وجدو متوفيين وجدو مش متاكده من وجوده فى الحلم لو خير ياماما فسريهولي لو شر بلاش
وحلم تانى قبله بكام يوم كنت فى مستشفي مع مجموعة كده وجت مروة صاحبتى سلمت علي جامد وقالت خلو ا بالكم فى عفريت او شيطان بيبان بهيئة انسان وبيبقى شكله جميل وشعره اصفر متتخدعوش فيه واحنا واقفين فى المستشفي دي وهي كلها باللون اللبيض ونضيفه كده وكنت انا واقفه قدام شباك الوميتال البنات او الستات دول فى ضهرى يمكن واقفين ضهري فى ظهرهم ولقيت نقط صفرا بتنقط على الارض قدامي وقولتلهم نقك صفرا خلوا بالكم هيظهر زي مايكونوا ما اهتموش بكلامي كده وانا فضلت اكرر فى اية وجعلنا من بين ايديهم سدا ومن خلفهم سدا فاغشيناهم فهم لا يبصرون كتيررر ومظهرش واتكرر الموقف ده فى اماكن مختلفة فى المستشفى كان باين عليها نضيفه ومدهونة بالابيض وكل مره اخد بالى واكرر لايه واخر مره ظهر من غير النقط دي سعره اصفر وحذرتهم مانتبهوش لى فضلت اقول الايه واتلخبط وانسي تكملتها واعيد من الاول وهو غالبا بيقرب منى لحد ما فصلت اقول اولها كتير ولقتني بكملها وبقول كتير بعدها بس مش فاكراه وصحيت وكررت نفس الايه ومش عارفة معناه ايه لو وحش بلاش تفسريه ياماما وادعيلي بالستر والزوج الصالح والسعادة 

بسمه رضى كتب:

حلم رقم ٣
حلمت خير اللهم اجعله خير اني مع صديقه ليا من ايام المدرسه هي اسمها شيماء واحنا الاتنين في المدرسه وبس انا اتاخرت على حصه الرياضه وبنتي كانت معايا وانا بكلمها عشان اخد منها الكشكول وطلعنا برة المدرسه بس في واحد اداني حاجه بس مش عارفه ايه هي وانا طلبت منها تستني اني اجيب لشخص ده حاجه ورحت زي بيت ولفيت فيه كتير اوي وفي الاخر جبت كتاب ومعاه حاجه كمان اديتها ليه بس شرط عليا ادخل حلبه مصارعه ولازم افوز فيها ودخلت فعلا ولقيت زي خمس او ست ثعابين بيضاء يعني عامله زي الفصوص كلها فصوص بيضه وفي الوسط كام وحده سودة وفي راجل ماسكهم من الذيل وبيحدفهم عليا بس انا بنط واتفاداهم ويجي عليا من سمهم على رجلي واستحمل الالم لحد ما قدرت اتخلص منهم وطلعت برة حلبه المصارعه

هو في مشاكل مابيني ومابين ابو بنتي ومع زوجي الجديد كمان مش طيقاه خالص ولا حتى اولاده وانا حامل منه وحتى الحمل مش عيزاه ادعيلي يا ماما

اليقن بالله كتب:

الحلم رقم4
اختى حلمت اللهم اجعله خيران هى  فى عماره واحد قريبا اسمه عبد السميع وان هى كانت قاعده فى شقه منها وكان معاها حد مش عارفه مين قرايبنا او المدرسين اللى بشتغل معاهم تقريبا ورحت فتحت الباب لقيت بابا الله يرحمه وكانى كنت عارفه انه جى ولما فتحت الباب ولقيته حضنته وقعدت اعيط وفضلت حضناه كتير وانا بعيط وخلص الحلم وانا حضناه وبعيط                 اختى انسه

صوت روح كتب:

5

السلام عليكم و رحمة الله

رأيت كاني في آخر السنة الدراسية ، و سآخذ دفتر الدراسة و به علاماتي الدراسية ، كان الدفتر بيد فتاة لا اعرفها ، قالت لي ان معدلي في الثلاثي الاول 17 من 20 اي اني الاولى ، ففرحت لذلك ، و نظرت الى الدفتر فوجدت 10 في الثلاثي الاخير ، فقلت في نفسي لا بد اني نجحت حتى لو تراجعت معدلاتي في الاخير و انتهت الرؤيا

انا اتممت دراستي من سنين و اعمل

آنسة موظفة مهمومة

toto كتب:

الحلم رقم 6

انا عندى مشكلة وكل ما اسعى لحل المشكلة بشوف فى الحلم ان انا بتفرج على برنامج فى التليفزيون وتحديدا برنامج دمية متحركة يعنى فى واحد بيحرك الدمية ومع الدمية مذيع او مذيعة وفى الحقيقة البرنامج ده انا فعلا كنت بشوفه من كام سنة 

المهم كان اخر مرة احلم بالموضوع ده حلمت ان انا كنت بقول لاخويا ان البرنامج بتاع الدمية مبقاش ييجى فأخويا قالىلا بييجى بس اسم البرنامج اتغير وبقى اسمه الوصل

مش عارفة ايه علاقة الحلم ده بالمشكلة دايما كل ما اسعى لحلها بحلم بالدمية معرفش ليه 

معلش فى حلم تانى حلمت ان انا كنت ماسكة كراسة رسم وكنت بتفرج على رسوماتى لقيت فى اول صفحة كنت راسمة وردة واحدة راسماها فى نص الصفحة بطول الصفحة مش بعرضها وبعدين قلبت الصفحة التانية بردو لقيت نفسى راسمة فيها وردة واحدة فى نص الصفحة بس نوع الوردة

يختلف اختلاف بسيط عن الوردة اللى فى الصفحة الاولى وكانوا بدون الوان كنت رسماهم بالرصاص بس كنت بقول هلونهم بعدين وكنت بقول فى نفسى ان رسوماتى مش اى حد يقدر يفهمها لازم حد يكون بيفهم فى الرسم وانتهى الحلم

فى الحقيقة انا مش برسم

انا آنسة وحالتى الدينية متوسطة

ميوش كتب:

حلم رقم 7
اختي حلمت انها لابسه فستان فرح وجينا اخدناها انا واختي التانيه وخالتي من الكوافير وكانت حلوه اوي والفستان كان جميل جدا وركبنا عربية الزفاف انا وهي واللي كانوا معانا وكان اخويا سايق وقولنلها احنا هنروح شقتك بقي عشان عريسك وماما ومحمد وخالتي التانيه هناك مستنينك وفعلا روحنا الشقه وهي انبهرت بالشقه اوي ومكنتش مصدقه ان دي هتبقي شقتها وكانت كبيره وجميله اوي وكلنا كنا فرحانين بيها في الحلم

مع العلم ان اختي بتدرس في المرحله الجامعيه والعريس كان واحد هي عرفاه بس من بعيد وهو ميعرفهاش ومتجوز ومفيش بينهم اي حاجه ومحمد ده اخويه

sweetheart كتب:

السلام عليكم يا ماما
بنت خالتي حلمت ان ابن خالتي المتوفي اسمه خالد بيغسل هدومه في الغساله وكان قاعد في بيت بنت خالتي القديم وهي كانت قاعده جمبه انا دخلت لهم ماسكه بوكسر  بتاع خالد.. ملابس داخليه رجالي .. بقوله هتلبس دا قالي لاء دا بيشكني ومش هلبسه 
ملحوظه بنت خالتي كانت هتتخطب لابن خالتي اللي توفي دا وهي حاليا مش متجوزه ولا مرتبطه وانا انسه ومش مرتبطه عمرى33 وخالد الله يرحمه مات وهو عمره 27 سنه وهو صيدلي وبنت خالتي اسمها ايه خريجة تربيه فنيه وكانت بتحبه جدااا وهو كمان

Aya Ahmed كتب:

الحلم رقم ٩ 
ماما حلمت انها لقت قميص نوم لبني و أخدته و بعدين لقت انسيال دهب و قالت لنفسها الشيخ رمضان عبد المعز قال الي يلاقي حاجه في الحرم مياخودهاش و انا مش في الحرم فأكيد لو حد لقاها هياخدها بردو و بعدين اخدته 
انا أنسه