تفسير احلام يوم الجمعة الموافق 5\6 ان شاء الله

الحلم رقم 1
السلام عليكم ورحمة الله وبركاتة
بابا حلم انى والدة المتوفى بيقولة قلم النخليات
النخل دة موجود فى ارض بتعتة هو واخواتة وفية مشاكل على الارض دى
اخت جوزى دايما بتحلم أن خاتم جوازها اتكسر اودبلة جوازى اتكسر حلمت بيه كتير

والحلم التانى حلمت انها بتتجوز جوز ضرتها المتوفى وانها قاعده معاه فى الكوشه ولابسه فستان فستقى وهو المتوفى لابس بدله زيتى وبليزر طوبى وهى  فرحانه و المتوفى فرحان وصحيت

2
حلمت اني كنت ماشيه لوحدي ف الشارع وكنت تعبانه وبعدين لقيت خطيبي جالي وقالي ماشيه ف الشارع ليه ...قلتله مخنوقه فمشي معايا وانا مسكت ايده كنت بسند عليه وبعدين الطريق كأن في تجديدات وانا بقوله كأني بقالي سنين ممشتش وعديت ادام محلين اصاد بعض واحد فساتين فرح وانا بقوله الله ع الفساتين واصاده محل فساتين خطؤبه لونها نبيتي وانا مبهوره اوي بجمالهم..حط دراعه علي كتفي .وبعدين قعدنا علي مكان مرتفع في الطريق..مش مرتفع اوي يعني وسط.. وبعدين كنا مبسوطين وكأن في اولاد جم يغتتو علينا وانا كنت بضربهم في عنيهم وانا عماله اقول اللهم اكفنيهم بما شئت وكيف شئت انك علي ما تشاء قدير فضربت الاربعه مع انهم كانو ضخام ..وخرجنا من المكان كان راكب موتسيكل وانا وراه ضهري ف ضهره وكان في بنت راكبه ورايا وسانده راسها ع صدري يبدو انها صديقتي في الحلم ..
جزء اخر شفت بنت سلفتي اسمها رقيه اخدتها شلتها كانت حلوه اوي وبعدين ابوها جالي قالي اخدتيها ليه يا ايناس قلتله انا عجبتني البيبي مكنتش اعرف انها بنتك وبعدين كنت شايلاها ورفعاها لفوق اوي وناس بالالاف محوطاني عشن البنت الصغيره وماشيه وهما حواليا لحد ما بعدت عنهم ولقيت ام البنت جايه ورايا اخدتها مني ..فجسمها اتعري فانا غطيت بنتها..وهي حامل وكانت لابسه كعب فانا مسكت بايدها عشن اعديها ..وقعدت جنبي
جزء تاني..حلمت ان حمايا عمل نتايج جديده وعليها اسماء واحده باسم احمد ..ده ابني المنتظر ... وواحده باسم ابن سيلفتي ...وبس وصحيت.
سيلفتي معاها بنت اسمها رقيه وهي حامل وعلي وش ولاده
علاقتي بيها طيبه
حالتي قبل النوم كنت بدعي ربنا يعجل كتب كتابنا وزواجنا وبالذريه الصالحه كنت بدعي بولد صالح واسميه احمد
خير طمنيني

السلام عليكم ورحمة الله وبركاته 


-----------------------
[rtl]حلمت ان انا وماما وبابا (متوفى)..... ودينا وشيماء اخواتى في بيت بابا[/rtl]
[rtl]المهم لقيت بيت قصدنا بيتملئ ميه من بره ومن جوه[/rtl]
[rtl]طلعت[/rtl]
[rtl]فبقول لماما وبابا تعالوا نمشي من هنا[/rtl]
[rtl]لقيتهم بيتكلموا ومشغولين ببناء وتصليحات في البيت عندنا[/rtl]
[rtl]قولت. لدينا وشيماء انا خايفة[/rtl]
[rtl]لازم نمشي من هنا[/rtl]
[rtl]وفجأة لقيت كل البيوت بتتملئ ميه وهتغرق[/rtl]
[rtl]واحنا معاهم وميه نظيفة بس بتظهر فجأة[/rtl]
[rtl]المهم جر يت اخدت داوود(ابنــى) بايدي يلا يا ماما يلا يابابا لقيت بابا مش قادر يمشي بس بيتعجز ع عصا كده[/rtl]
[rtl]وفجأة الميه اختفت طلعنا كلنا البلكونة وبنبص لقيت المية اختفت من كل البيوت[/rtl]
[rtl]بس انا شوفت بالبيت اللي بوشنا شرررخ ملحوم بلز ق ابيض والشرخ ده بيتحرك[/rtl]
[rtl]قولت لماما وبابا وشيماء ودينا[/rtl]
[rtl]يلا نمشي بسرعة بيتهم هيقع علي بيتنا دينا جريت ورايا[/rtl]
[rtl]وبابا وماما مسألوش وكانوا وقفين بيتكلموا مع بعض [/rtl]
[rtl]وفضلت انده علي شيماء انا ودينا جت[/rtl]
[rtl]جت بس كانت تعبانة معرفش مالها وبنده علي بابا وماما مش بيردوا عليا[/rtl]
[rtl]المهم احنا هربنا من شباك المطبخ واقعدنا علي البيت اللي جنبنا وانا كنت بمبني اعلي من بتاع دينا وشيما[/rtl]
[rtl]وقولت لدينا اندهي ع ماما وبابا[/rtl]
[rtl]فضلت تنده مردوش وهما مشغولين وقاعدين بيتكلموا مع بعض[/rtl]
[rtl]قولت لدينا امسكي داوود هروح اجيبهم لقيت البيت اللي قصادنا وقع ووقع بيتنا و البيت اتملي ميه مش نظيفة[/rtl]
[rtl]وفي حائط وقع ع شيماء[/rtl]
[rtl]دينا شالت الطوب وطلعت شيماء قولت لشيماء ما انا قولتلك تعالى فوق وكده غلط [/rtl]
[rtl]وانا قولت لدينا اختى خدي داوود هروح اجيب ماما وبابا[/rtl]
[rtl]اخدت داوود وانا بجري عشان الحقهم[/rtl]
[rtl]لقيت الميه ببترجعني وبحاول والميه ترجعني عيطت وفضلت انده عليهم[/rtl]
[rtl]ندهت عليهم كتير اوي[/rtl]
[rtl]وفضلت احاول انزل في المية بس المية بترجعني[/rtl]
[rtl]وماما كانت صغيرة بالحلم[/rtl]
[rtl]في الحلم كنت عماله اقول انا ملحقتش انقذهم[/rtl]
[rtl]معرفتش انقذهم واعيط صحيت من النوم بردد الكلام ده

انا سنى 27 سنة -- عندى ولد اسمه داوود عنده 8 شهور - بسعى انى اقرب لربنا
ماما : بتصلى الحمدلله عندها 58 سنة وموظفة
بابا : متوفى
اختى دينا متزوجة وعندها ولدين وبنتبن سنها 34 سنة 
اختى شيماء متزوجة عندها ولد وبنت سنها 32 سنة[/rtl]

5
الحلم ده كنت مصلية قبليه استخارة
وانا حلمت ان يوم خطوبتي بس مكنتش عارفة علي مين وكنت رايحة الكوافير بس فوجئت ان الكوافيرالي رايحاه نش هو اللي في دماغي وكان نفسي اروحه فقولت خلاص مش مشكلة بس كنت مضايقة ودخلت الكوافير قولتلها عايزة اغير لون شعري واعمله اصفر بلاتيني قالتلي حاضر دخلت علشان تحضر لون الصبغة وجت قولتلها عرفتي توصلي لدرجة اللون قالتلي اه فبتحط الصبغة علي شعري بقولنا لونها ايه فضحكت بهزار معايا وقالتلي موف بس كانت بتهزر وبعد كده لقيت شعري بقي بني فاتح وكأنه اشقر قولتلها خلاص ده جميل اوي ومغير شكلي وحلو عليا مش لازم اصفر وكان في بنت شغاله معاها كلمتها تجيلي البيت علشان تعملهولي اصفر لانعا جت وشوشتني وقالتلي انا هعرف اعملك الاصفر اللي انتي عايزاه بس جتلي وبردوة طلع بني فاتح نفس اللون بس كان جميل عليا ورضيت بيه وكان مغير شكلي خالص وروحت للكوافير اللي مكنتش عايزاه ده تاني عشان يعملي الميكب فقولت هيطلعني وحشة زي ما طلع بنت عمتي وحشة وكنت زعلانة ان يوم خطوبتي اللي بتمناه من زمان مروحش للكوافيرة اللي كان نفسي فيها بس فوجئت لما خلصتلي المكياج لقيت نفسي امورة اوي اوي وببص لنفسي قولت ايه الجكال ده مكنتش بحسب كده وكنت لابسة فستان مفتوح ولوته ابيض وماسكة بوكيه ورد وجسمي ارفع من دالوقتي بس جميل وشعري لونه تحفة وطويل اوي عن حقيقته كمان وكنت مبسوطة بنفسي جدا طلعت من الكوافير اخواتي قالولي انتي زي القمر وشوفتي الكوافيرة اللي كنتي خايفة منها طلعتك قمر روحنا القاعة عشان نستني العريس وجه وكان لابس بدلة لونها ازرق بس مليان قولت ايه دهوهو ده عريسي بس خلاص مش مشكلة مش عجبني بس المهم انه هو ده اللي دخل من الباب واختارني فانا لازم اتقبله زي ما اختارني بس قبل ما احط ايدي في ايده عرفت ان بابا وماما هما اللي دفعوا حق الكوافير واضايقت قولت ازاي ده علي العريس المفروض هو اللي يدفع فقالولي ان العريس عيدفعلهم الفلوس اللي دفعوها بس هو مكنش موجود وقتها وحطيت ايدي في ايده وفضلنا ماشيين في القاعة علشان نوصل للكوشة ويطبلولنا وفرحانين بينا وكل الناس عمالة تبصلي من جمالي وشكلي وانا فرحانة بنفسي اني جميلة كده ومستغربين وكانهم بيقولوا دي اجمل من عريسها بكتير ازاي وافقت بيه وهي اجمل منه بكتير كده بس كنت مبسوطة بنفسي
وبعد كده المكان اتحول لزي اوضة انا واسرتي اعدين فيها بس الاوضة كانت مكركبة لاننا اعدين فيها بقلنا اسبوع فطبيعي تتكركب وعرفت ان الاوضة دي في مكة وان انهرده اخر يوم لينا فيها وهنمشي نروح بلدنا وكنت فرحانةةاننا راجعين بلدنا فخرجنا من الاوضة علشان نمشي بس قبل ما نمشي قولنا نعاكس الناس شوية وناخد حاجة تخلي وشنا مخيف علشان نزاول الناس ويخافوا مننا كنا بنضحك يعني وطلعنا برة الاوضة ولفت نظري جدا ان فوق الاوضة اللي كنا اعدين فيها برواز كبير لونه اخضر مكتوب عليه ايه قرانية بالدهبي ومنظرها كان حلو اوي وكل شوية عمالة ابصله من جمالها وببص علي باقي الاوض لقيت الاوضة اللي كنا فيها الوحيدة اللي عليها البرواز ده والاية دي

حلم رقم 6
حلمت أن انا واخويا كنا راكبين موتوسيكل كبير زى موتوسيكلات الصحراء هو كان قدام وانا وراه بس انا اللى كنت متحكمة فى الاتجاهات بس احنا كنا واقفين قدام بيت واحد جارنا اسمه يسرى وكنا مستنيين يسرى علشان كان هيركب معانا وانا كنت بتحرك بالموتوسيكل شوية قدام وشوية ورا على ما ييجى يسرى لأنه اتاخر علينا اوى فانا كنت بتسلى وبتحرك شوية قدام وشوية ورا وبعدين سمعت دوشة ف الشارع ولقيت مجموعة جواميس بتجرى وسمعت من الناس أن فى جاموسة بتولد بس مش عارفين يمسكوها لأنها بتجرى فأنا جريت وراها بالموتوسيكل
علشان اقفل عليها الطريق ويقدروا يمسكوها وبعد ما الجاموسة ولدت رحت أسأل عليها قالولي أن الولادة كانت متعثرة والجاموسة ماتت بس المولود عايش فأنا زعلت عليها
انسة حالة الدينية متوسطة

الحلم 07: