تفسير احلام يوم الخميس الموافق 3\24 ان شاء الله

والدتي حلمت ان معاها دبوس دهب و في نهايته في ريشه وواحده أخدته منها و ماما كانت زعلانه 

بعد إذن حضرتك يا ماما نجيه 
هو انا ايه علاقتي بالحلم ماما مشافتنيش خالص و كمان ان واحده اخدت الدبوس الدهب ده معناه المشكله هتتشل ولا لأ شكرًا جزيلا 

لجين كتب:

السلام عليكم ورحمة الله تعالى وبركاته

البارحة حلمت اني احمم امي اضن ببيت جدي القديم حمام كامل بس ماشفتها عارية كنت احطلها مية دافئة وكان يمكن ثلاث مواعين بيها مية اخذت من احداهن كانت باردة سكبتها عليها قالت لي لا هاي باردة فرجعت شطفتها بمية دافئة وحطيتلها مناشف ومسحت راسها وغطيته بالمنشفة ابتديت انشفلها قالت لي لا انتضري باقية شوية حنة براسي مااتغسلت مليح قلت لها اشطفي شعرك لوحدك وكأني كنت مشغولة بشي او رايحة اشتغل شيء وخلصت الرؤيا

sasoloveyou كتب:

رقم 2 
انا حلمت حلمين ورا بعض اني عايشه ف بيت جديد الاولاني حلمت اني ف بيت جديد وكان فيه زي جنينه كدا برا وخضره كتيره وكان جميل والمطره مطرت وانا خرجت ادعي ف المطره كتير اوي والتاني حلمت اني ف بيت بس ف مكان سياحي او مصيف وكان فيه ناس كتيره وبيسين وبحر والمكان كان حلو اوي

Aya Ahmed كتب:

والدتي حلمت ان معاها دبوس دهب و في نهايته في ريشه وواحده أخدته منها و ماما كانت زعلانه 

حبيبتى فيه مشكلة مع ماما وانت هتشاركيها فيها 


انا كتبت الحلم ده و ده كان رد حضرتك 

بعد إذن حضرتك يا ماما نجيه 
هو انا ايه علاقتي بالحلم ماما مشافتنيش خالص و كمان ان واحده اخدت الدبوس الدهب ده معناه المشكله هتتشل ولا لأ شكرًا جزيلا 

روح وريحان كتب:

الحلم رقم 4

جزاك الله خيرا يا امي 

بعت لحضرتك علي الخاص حلم فيه تفاصيل محرجه بعد الاستخاره علي نفس الموضوع

طيب يا ماما وحلم زيارتهم لنا في البيت وانا مش مستعده معناه ايه؟

وحلم بابا وهو بيغير السرير الكبير باتنين صغيرين؟

انا منفصله واتقدملي عريس وصليت استخاره علي الموافقه وفعلا وافقت وجه زارنا في البيت مرتين مره لوحده ومره هو واهله وبعدين صليت استخاره تاني بس علي الرفض

حلمت ان هو واهله هيجوا يزورونا تاني وانا كنت برتب البيت وبجهز للزياره وفجاه جه هو واهله قبل ميعادهم وانا مكنتش لسه لبست ولا جهزت نفسي فدخلت غرفه وقفلت علي نفسي بس ملقتش الهدوم والحاجات الي انا كنت محضراها علشان اقابلهم بيها  فكرت البس اسدال واطلع اسلم عليهم وبعدين اروح ادور علي هدومي والبس بس وانا بفتح الباب لقيت اخته وولادها الصغيرين بيتجولوا في البيت عندنا ... دخلت الغرفه تاني بس لقيت اخويا قاعد فيها قلتله انا هكتب في ورقه اسماء الهدوم والحاجات بتاعتي علشان يطلع يدورلي عليها ويجيبهالي البسها. 

وحلمت ان انا ووالدي في مكان واسع زي ميكون بنك وحطيت كارت سحب الفلوس في ماكينه السحب وفجأة صفارات انذار اشتغلت في المكان كله ولقيت الناس كلها بتبص عليا فقعدت علي الارض اعيط بس بدون صوت.

بعدين انتقل المشهد في الحلم لغرفه والدي في بيتنا وكان والدي جايب واحد فك السرير الكبير وخرجه من الغرفه ولما سالته قالي انه هيجيب سريرين صغيرين واحد لنفسه وواحد لوالدتي وفعلا واحد دخل الغرفه ونصب سرير جديد صغير وصحيت من النوم قبل ما الواحد ده يدخل ينصب السرير التاني.

حبيبتى رؤياك فيها انذار لك ياريت تتانى شوية قبل الرفض وصلى الاستخارة تانى

حبيبتى قلت لك فى انذار لك ولذلك لاتتتسرعى فى الرفض صلى تانى باذن الله

داليا سمير كتب:

الحلم رقم 5

السلام عليكم ورحمة الله

حلمت بالاسد مرتين 

الاولى من شهر

حلمت خير اني رايحه الدكتور لاني( اكتشفت اني حامل في الحقيقه) ووجدت عيادة الدكتور مليانه سيدات وكنت وانا طالعه السلم سامعه زاير اسد و طلعت وجد شقه الاستراحه بتاعه المرضى فاضيه دخلت الاستراحه وقفلت على نفسي ولما واحده تيجي خايفه افتحلها وبعدين الاسد خرج من العياده وهجم على الممرضه وانا قفلت الباب عشان ميجيش عندنا 

الحلم التاني اليوم

حلمت اني نايمه انا وجوزي واولادي عند امي وبعدين دخل عليا اسد وكان عايز يهجمني بس جوزي خوفه ومشاه وجوزي قالي ان الاسد بينتقم لابنه لاني اذيت ابنه 

يا رب خير انا متزوجه وحامل 

داليا سمير كتب:

الحلم رقم6

حلمت ان في قطه شكلها حلو ولونها مشمشي واقفه عند باب مطبخي وانا كنت بنضف المطبخ وقربت منها وبطبطب عليها بقولها انتي جميله لاقيتها رجعت لورا وهجمت عليا ومسكتني من ايديا الاتنين وقالتي ( اكفينا شرك عشان نكفيكي شرنا ) انا خفت منها وقولتلها انتي ايه عايزه ايه مني وكانت بتبص في وشي ومبرقه ومخيفه يا رب استر

toti كتب:

السلام عليكم انا متزوجة وحامل يا ماما انا مش فاكرة الحلم بالتفصيل بس فاكرة انى في بيت أهلي و كنت عايزة اعمل حاجة في أوضة النوم مش فاكرة ايه هيا بس كان فيه علي السرير أنثي النمر وكانت نايمه ولما دخلت صحيتها بصوت فتح باب الاوضة و صحيت وكانت متضايقة شوية لقيتني بتكلم معاها عادى زى البشر و بقولها معلش انا عايزة حاجة من الاوضة و حولها و ارجعي كلي نوم و راحت هى ردت عليا انى أخلص الحاجة دى علطول و ماذتنيش و انا مكنتش خايفه منها

mokaa كتب:

حلم رقم 8


حلمت انى قابلت شخص اول مرة اشوفه و المفروض انه عريس ، و لقيته اعجب بيا جدا و انبهر ، و اتخطبنا من قبل ما نعرف عن بعض اى حاجة لانه كان نفسه يخطبنى ، و لبست دبلة دهب فى ايدى اليمين ، و كانت عجبانى جدا و على مقاسى بالظبط و مريحانى اوى و ناعمة ، و دى الدبلة اللى طول عمرى بحلم بيها ،( مع العلم ان الدبلة كانت عجبانى جدا بس العريس مش عاجبنى اوى ) و بعد كدة مشيت مع واحدة صاحبتى و كانت بتقولى خبى الدبلة و متعرضهاش للشمس عشان مش تبوظ من الشمس ، و فعلا خبتها ورا الشنطة ( مع العلم ان صاحبتى دى كانت مخطوبة قبل كدة وفسخت ) و قالتلى فى الحلم انا مامتها قالتلها انها مكنتش مطمنة لما اتخطبت وفعلا محصلش نصيب , ف انا مردتش عليها ,
 و بعد كدة روحنا مكان شبه سنتر كورسات نضيف كدة ، و اول ما دخلت كان فى راجل كبير و بنت قاعدين مع بعض ، و اول ما البنت شافتنى ابتسمت و قالتله هيا دى و شاورت عليا ، و كلمونى و الراجل جابلى ورقة كبيرة مكتوب عليها اسمى و طلبى منى اتكلم فى حاجة زى مؤتمر كدة ، قالى فكرى و كلمينى ، و كنت بحاول اخبى الدبلة فى الاول عن الناس و بعد كدة بينتها ، و صحيت بعدها


مع العلم انى انسة 


و كنت نايمة على وضوء و صليت قيام الليل و قرأت الرقية الشرعية قبل ما انام 

رودي طه كتب:

حلم 9
رايت خيرا ان كان في امراة ورجلين زي بيتهم وقع المهم انهم محتاجين الي المال بشدة وموجودين قاعدين تحت مسجد قريب من بيتنا فالمهم رحت علشان اتصدق عليهم وقلت فعلا انا كنت محتاجة دول وقلت ياربت كان معايا فلوس اكتر وباطلع اللي معايا وباشوف هاديهم لمين رحت اخترت الست وانا باديها وقلت اعد هاديها كام لقيت نفسي باطلع لها جزء كبير وباديه لها لقيت الراجل اللي جمبها عايز من الفلوس فانا مكنتش حبة عديله هو رحت ادتله عشرين جنيه ورحت ادي الفلوس البتقية معايا للراجل اللي فاضل
انسة
اعمل
انا كنت حلمت وقلتي لي عليكي بصدقة
وفعلا خصصت جزء ونويت اني هاتصدق به وفعلا بدات وباقي معايا جزء لسه هاطلعه وجه في بالي المبلغ كبير كنت قللته شوية وبعزين طبعا تذكرت فوائد الصدقة وانها مش بتقلل وكده

ام حسام كتب:

الحلم رقم (١٠)
الحلم ده بنت عمتى اللى حلمت بيه وحكتبه لحضرتك زى ماهى حكته

انا حلمت انى الناب السفلى الايسر اتلخلخ وكنت زعلانه اوى عليه حتى ماما الله يرحمها زعلت كمان ان الناب بتاعى اتلخلخ

toti كتب:

ماما لي صديقة دايما اغلبية أحلامها بتدور عن أنها علي علاقة بمغني مشهور وأنها حبيبة ليه

^بكرة أحلى^ كتب:

12

السلام عليكم 

يارب تكوني بخير يا ماام نجيه 

و جزاكى الله خيا على تعبك معانا 

انا حلمت انهارده بين العصر و المغرب خير يارب 

اني مخطوبة لانسان جميل و اخلاقه حلوة و بيعمل خير و كنت بحبه اوي في الحلم و حبيت اوي فيه فعل الخير و بعدين لقيت نفسي اتجوزت و معايا ولد و كان جميل و عنيه ملونه بس منطقة الانف عنده مختلفه او غريبه , أنفه كانت مش حلوة اوي او مختلفه كدا  و حمرا شويه  و كان اللي حواليا بيعلقوا على كدا و انا بقولهم ااه مناخيره مختلفه بس كانو فرحانين بيه و كنت فرحانه بيه اوي و فرحانه بجوزي و حياتي الجديده و كان جوزي في الحلم بيقولي و هو خارج رايح شغله خلي بالك من أمي و اهتمي انك تكوني صاحيه بدري , اللي بتاسعدها حاتنضف بس انتي خليكي موجوده عشان هيا ماتحسش انك مش مهتمه  و مش موجوده و تزعل و كنت مش مدايقه من كدا بالعكس  و بعدين لقيت ناس داخله الاوضه تصورني مع ابني و ناس تانيه داخله مش عارفه بيصلحوا او بيشتغلوا في البيت , و بعدين لقيت نفسي شايله ابني و رحت لمامته و بوست راسها و قلتلها حقك عليا و كانت طيبه معايا و خلص الحلم على كدا 

آنسه و ملتزة الحمد لله