تفسير احلام يوم الاربعاء الموافق 12\ 23ان شاء الله

الحلم رقم ٦ 
انا حلمت ان واحده صاحبتي اسمها ساره هي مسافره حلمت انها جت وسلمت عليا و حضنتني و كان معانا بنت كمان بس مش عارفه مين 
شكرًا جزيلا انا أنسه

toti كتب:

السلام عليكم  ممكن حضرتك تفسري الحلم دا لصاحبتى هى انسه

انا اعرف واحد بيعلمنى تركي وبينتكلم علي النت بس حلمت انه هنا في مصر واني المفروض هو حيجلي علشان نخرج تقريبا 


فنزلت تحت العمارة لقيته منتظر وكان لابس بدله شبه بدله العريس جاكيت ابيض وبنطلون اسود


وركبت معاه العربية وكانت حالتها تعتبر متوسطه لكن الازاز اللي كان جنبي كان شبه مكسور فانا كنت عايزة اقفل الشباك بس خايفه الازاز يقع عليا بس في الاخر قفلته ومن غير ما يحصل حاجه 


وروحنا زي مكان اثري هو ودهولي وكان مصمم هو يدفع كل حاجه حتى لما طلبت منه انه ادفع اتضايق اوى

esraa289 كتب:

حلم رقم 2
حلمت ان انا واختى واخت تانبة كمان زوجها متوفى وكنا فى بيت زوجها اللى فى البلد (هما ليهم بيت فى قرية فى بلد زوجها غير الشقة اللى كانو عايشين فيها وهى حاليا عايشة فى الشقة لوحدها ومش بتروح بيت جوزها اللى فى البلد ده الا فى المناسبات )
كنا احنا التلاتة فى المطبخ بنعمل اكل واخويا قاعد مع ابويا وعمى (ابويا وعمى متوفيين )والموبايل بتاعى رن لقيت جوز اختى المتوفى بس فى الحلم اكنه موجود عادى مش ميت ولا حاجة فرديت عليه قولتله ايوة يافلان ازيك هندهلك اختى اهو قام قالى لا انا عايزك انتى وفى الوقت ده اخويا كان موجود وقاعد يقولى هاتى اما اكلمه هاتى اما اكلمه وبيلغوش عليا ومش عارفة اسمع قام عمى المتوفى قالى اديله التليفون يابنتى خليه يكلمه وبيقولها وهو بيشاور بايده كده وانه زهق من زن اخويا يعنى بس وصحيت على كده ياتري تفسير الحلم ايه

toti كتب:

دا حلم لقريبتي لو ممكن تفسريه يا ماما هى انسه وأهلها بعيد و عايشه لوحدها 
رأيت شخص اعرفه بيني وبينه ما يقرب للخصومة وانا ابتعدت عنه تماما لكن بداخلي أحبه وجدته في مطبخ منزلي يحاول اطفاء حريق علي البوتاجاز 
هو متزوج

هيبة وثقل كتب:

حلم رقم ٤
السلام عليكم
اختي الكريمة كيفك؟
عمري٤٠ متزوجة عندي عيال.فيه مشاكل بيني وبين زوجي.والان يتجاهلني ولا يكلمني ويبحث له على عروس.
حلم ولدي عمره ١٣ انا ذهب مع والده للبر ولقى خضره وزرع يوصل للركبه في مكانهم الدائم فيذالبر مكان الجاخور. وكان ولدي فرحان وابوه بعد. فقاله ابوه اتشوف ياخالد الطليين ورا الشجرة ؟وشافهم خالد.وكان مستانس وانتهى الحلم
وفي الحقيقه الاب عنده خرفان كثيره.

كمان بنتي عمرها ١٦ حلمت ثلاث مرات بانها وزوجي،يبنون لي مسجد. ارجو التفسير.
وشكرا لك على وقتك

toto كتب:

الحلم رقم 5

حلمت ان انا كنت راكبة طيارة هليكوبتر وكان فى واحدة قاعدة جنبى بس مش فاكرة مين هى والطيارة كانت طايرة بينا ولإنها طيارة هليكوبتر كانت بتتحرك بسهولة والبنت اللى جنبى كانت خايفة وانا مكنتش خايفة كنت حاسة ان انا راكبة سيارة يعنى مكنتش خايفة من الارتفاع وبعد كده لقيت باب الطيارة مفتوح بس كان فى اكتر من باب فى الطيارة وكانوا مفتوحين انا اول ما شوفت ابواب الطيارة مفتوحة حسيت بالخوف وقلت للبنت اللى جنبى ازاى الطيارة تتحرك بينا من غير ما يقفلوا الابواب والشبابيك كويس كده خطر علينا وبعدين حاولت اقفل ابواب الطيارة بس كان صعب تتقفل بقيت مسكاها بإيدى وبعدين البنت اللى كانت معايا مشيت وانا بقيت لوحدى فى الطيارة وكنت خايفة ان الطيارة تميل جامد علشان انا مش متأمنة ومفيش حزام امان والطيارة من جوه كانت فاضية مفيهاش كراسى ولا اى حاجة وانا كنت قاعدة على الرف بتاع الشنط اللى بيبقى فى الطيارة وكنت بقول فى نفسى لو الطيارة مالت انا اكيد هقع جوه الطيارة وكنت خايفة

انا آنسة وحالتى الدينية متوسطة

Aya Ahmed كتب:

الحلم رقم ٦ 
انا حلمت ان واحده صاحبتي اسمها ساره هي مسافره حلمت انها جت وسلمت عليا و حضنتني و كان معانا بنت كمان بس مش عارفه مين 
شكرًا جزيلا انا أنسه

جزيرة كتب:

السلام عليكم انا حلمت اني في يوم الاثنين و كانه بكره الثلاثاء يوم فرحي فكنت احضر نفسي و اقوم بنزع الشعر الزائد و بعدها افتكرت اني حائض فقلت كيف ساتزوج و انا حائض و بعدها قلت مش مشكلة حاعمل فرحي و اروح عند العريس و يستنى حتى ينتهي مدة الحيض . انسة- اعاني من تعطيل الزواج - العريس شخص اعرفه كان بيننا موضوع زواج و لكنه لم يتم.

toto كتب:

الحلم رقم 8

حلمت ان انا صحيت الصبح بدرى وبصيت من الشباك لقيت واحد جارنا اسمه عادل ومعاه بنته كان بيركب السيارة بتاعته وكان معاه واحدة حامل وشايلة سجادة هى قريبته تقريبا وانا كنت مستغربة انهم خارجين بدرى اوى 

وبعدين انا كنت هروح اسخن مياه علشان اغسل بيها وجهى فدخلت المطبخ لقيت والدتى حاطة حلة على النار فيها مياه وكانت بتغلى وشكلها كانت بتغلى من فترة لانها كانت بدأت تتبخر وتنقص فأنا كنت هاخد منها شوية بس خوفت يكون والدتى عايزة المياه فقلت هستأذنها الاول

واستنيت والدتى لما تدخل المطبخ علشان استأذنها وعلى ما تيجى فتحت الفريزر بتاع التلاجة علشان كنت عايزة اشرب لقيت كوباية زجاج زى اللى بنشرب فيها شاى

كان فيها مياه شربت منها لقيتها سخنة فرجعتها الفريزر تانى ودورت على كوباية يكون فيها مياه ساقعة  ولقيت كوباية فيها مياه ساقعة كنت هشرب منها وانتهى الحلم على كده

انا آنسة وحالتى الدينية متوسطة