تفسير احلام يوم الاربعاء الموافق 12\2 ان شاء الله

الحلم رقم ١ 
شكرًا يا ماما نجيه على تعبك معانا 
انا حلمت اننا مسافرين وكنا انا و ماما و بابا في فندق و كنت انا مع ماما و شفت اتنين من زمايلي من الكليه اسمهم محمود واحد متزوج و التاني خاطب وانا اعرف زوجته و خطيبه التاني فأنا و ماما قعدت مع الي متزوج ده في الريسيبشن بتاع الفندق و بعد كده مشي و ماما مقدرتش تطلع الأوضه 
فقعدت في الريسيبشن و جبنالها بطانيه و بعدين عرفت انها ولدت ولد وانا مكنتش اعرف انها حامل أصلا و بقول لاخويا هي ازاي حملت و خلفت و هي عندها ٦٧ سنه يعني الفرق بيني و بينه ٢٧ و الفرق بينك وبينه ٣٠ و قلت لبابا ابتسم  
و ده حلم لوالدتي معلش بتعبك معايا 
حلمت انها لابسه فستان خفيف و عايزه تشتري عبايه من واحده فارشه في الارض حطت أيدها في جيبها لقت ١٠ جنيه 
شكرًا جزيلا 
انا انسه و اخويا متزوج 
وماما شايله هم زواجي بس لان الي بيتقدموا مش مناسبين 

السلام عليكم حلمت انى بنقى من ققفص طماطم نقيت حوالى 5 كيلو طماطم و كان ثمنهم 200 جنيه و لكن كان معى 5 جنيه فقط  وكنت انتظر قدوم اخواتى البنات واحده متزوجه و الاخرى انسه وبنظر عليهم من بعيد  كانوا واقفين امام قفصان كتيره مليانه طماطم فقولت خلاص مش هنقى تانى انسه 

الحلم رقم ٩
والدتي حلمت ان في راجل عندنا في الشقه و كانت عارفه انه عايز فلوس فقالتله عايزكام وتمشي قالها ٥٠٠٠ قالتله مش معايا يكمل فخرجته من الشقه من غير ما تديله حاجه و بعدين شافت ٢ رجاله واقفين بره الشقه و عايزين يدخلوا بس الباب كان مقفول و بيحاولوا يدخلوا بس مدخلوش 
شكرًا جزيلا 
انا انسه

Aya Ahmed كتب:

الحلم رقم ١ 
شكرًا يا ماما نجيه على تعبك معانا 
انا حلمت اننا مسافرين وكنا انا و ماما و بابا في فندق و كنت انا مع ماما و شفت اتنين من زمايلي من الكليه اسمهم محمود واحد متزوج و التاني خاطب وانا اعرف زوجته و خطيبه التاني فأنا و ماما قعدت مع الي متزوج ده في الريسيبشن بتاع الفندق و بعد كده مشي و ماما مقدرتش تطلع الأوضه 
فقعدت في الريسيبشن و جبنالها بطانيه و بعدين عرفت انها ولدت ولد وانا مكنتش اعرف انها حامل أصلا و بقول لاخويا هي ازاي حملت و خلفت و هي عندها ٦٧ سنه يعني الفرق بيني و بينه ٢٧ و الفرق بينك وبينه ٣٠ و قلت لبابا ابتسم  
و ده حلم لوالدتي معلش بتعبك معايا 
حلمت انها لابسه فستان خفيف و عايزه تشتري عبايه من واحده فارشه في الارض حطت أيدها في جيبها لقت ١٠ جنيه 
شكرًا جزيلا 
انا انسه و اخويا متزوج 
وماما شايله هم زواجي بس لان الي بيتقدموا مش مناسبين 

sweetheart كتب:

الحلم رقم 2
استفسار

الحلم رقم 11
السلام عليكم يا ماما 
انا عندى حلم وتقريبا عارفه تفسيره 
انا حلمت انى نقلت فى شقه زى الاوضه صغيره جدااااا وفى دور ارضى وبدل ما يكون ليها حيطه على الشارع ليها باب صاج كدا زى بتاع المحلات اللى بيترفع لما يتفتح وينزل لما يتقفل وكنت عايشه فيها لوحدى يا ماما بس الشارع اللى كانت فيه كان جميل وراقى 
وكنت بكلم صاحبتى اسمها ايمان وانا واقفه فى الشارع وكان معاها تلات بنات ولادها يعنى بس ايمان كانت خاسه جدا عن الواقع وكانت رفيعه وفى منتهى الرشاقه وانا بقولها خسيتى يا ايمى وكان جمبنا عربيه لونها اسود بس مش عارفه هى بتاعة مين وكانت موديل حديث وشكلها فخم 
انا انسه وعمرى 32 سنه ومش متجوزه ووالدتى متوفيه وعايشه مع والدى بس واحنا كلنا تلات بنات واخوانى الاتنين متجوزين واحنا اصلا عايشين فى بيت ملك وانا ديما بقعد فى الدور التانى وبيتنا كبير ووالدى ديما قلقان انه يموت ويسيبنى فى الدنيا لوحدى بس انا مش قلقانه ولا فارق معايا الموضوع دا 
تفسير الرؤيا يا ماما اللى جه فى بالى ان بابا هيموت قبل ما انا اتجوز
او انا هتجوز جوازه اقل من المستوى اللى انا عايشه فيه 
الحلم كان قبل الفجر مع العلم ان ما فكرتش فى موضوع موت بابا دا ولا حتى هو شاغلنى بالمره ولا حتى موضوع الجواز 

حبيبتى معلش انت هتتزوجى جوازة اقل من مستواك بس ربنا هيعمر بيتك بسرعة ان شاء الله

يا ماما هو ممكن يكون معناه انى هاخد واحد اصغر منى فى السن مثلا ؟ لان المكان بصراحه كان نضيف وشيك حتى الشارع كان شكله شيك ونضيف منطقه راقيه بصراحه ونوع الشقق اللى مساحتها محدوده دى انا بحبها لان بيتنا كبير وانا مش حابه الاماكن الكبيره بس انا اللى قالقنى الباب اللى كان بره دا 

ولا الرؤيا بتقول حاجه غير كدا؟

اليقن بالله كتب:

الحلم رقم 3
السلام عليكم ورحمه الله وبركاته
ازيك يا ماما عامله ايه
ماما جوز اختى حلم انه لقى فى مكان شغله خاتم دهب حريمى واخده ولبسه

وانا حلمت حلم اتكرر عليا مرتين حلمت انى شفت مرات المدرس اللى بشتغل معاه كانت لبسه حاجه زى كاش مايوه وكانت تخينه اوى وسمره وشكلها مش حلو خالص وهوه كان واقف جمبى وانا ببصلها ومستغربه وبقول معقول دى مرات استاذ اشرف ومره تانيه حلمت تانى انى شفتها وكانت بردو سمره وشكلها مش حلو وانا ببصلها ومستغربه انها وحشه كده بس كانت لابسه فى الحلم التانى طرحه
مع العلم انها فى الحقيقه بيضه وحلوه

معلش يا ماما اخر حاجه ماما حلمت ان ودنها بيخرج منها صديد وهيه بتقول دى اكيد من العلاج اللى الدكتور ادهولى
مع العلم انها فى الحقيقه مبتخدش علاج لودنها

kokoadam كتب:

الحلم 4

حلمت اني واخدة ابني الصغير وراحة ازور اخويا الله يرحمة في المقابر ولقيت واحدة جارتنا اسمها ام ياسر معاها مفتاح مقبرتة وفتحاها وبتقولي تعالي بصي انا رفضت ورجعت بضهري وببص ورايا لقيت كان حد لسة مدفون ومعمول علية بالاسمنت وفوقها مقبرة مفتوحة وكبيرة وواسعة وكانها اوضة ومفروشة مصليات عشان لو حد دخل المقابر يصلي فيها ولقيت بابا جي قلت لها اقفلي مقبرة اخويا ماينفعش قامت قافلة بالقفل

toto كتب:

الحلم رقم (5) حلمت ان انا كنت فى الامتحان وكان واقف مراقب علينا الرئيس السيسى وانا كنت خلصت الحل ومستنية الوقت ينتهى علشان اسلم الورقة فالرئيس كلمنى مش فاكرة قال ايه وانا رديت عليه بطريقة بسيطة كإنه حد عادى لقيته اتضايق بس كتمها فى نفسه وكان فى كيس جواه حاجات بس معرفش الكيس بتاع مين لقيت الرئيس بيسألنى قالى الكيس ده بتاع مين قلت له ميخصنيش هو اتضايق اكتر من طريقة ردى عليه وكمان لانى مكنتش خايفة منه قالى بتكلمينى كده ليه قولتله عادى انا بتكلم ببساطة ايه المشكلة خليك انت كمان بسيط قام اتضايق منى اوى وكان عايز يسحب منى ورقة الاجابة وعايز يسقطنى فى المادة وفجأة لقيت والدتى جنبى وكانت راكعة على رجلها وبتترجى الرئيس علشان يسامحنى وكانت منهارة وبتعيط وكانت بتقول للرئيس متضيعش شقا عمرها هى ذاكرت وتعبت وبعدين انا قربت من والدتى وقومتها وقلت لها متعيطيش ومتطلبيش منه حاجة وبوستها عى دماغها وحضنتها وقلت لها انا ميهمنيش يسقطنى فى المادة انا لو عايزة اقطع ورقة الاجابة هقطعها بنفسى وبعدين هو لما شافنى خايفة على والدتى وببوسها على دماغها سامحنى علشان خاطر بحترم والدتى وكمان كان فى ناس بتترجاه يسامحنى وفى الاخر سامحنى انسة الحالة الدينية متوسطة

نورعينى95 كتب:

---

الحلم رقم 6 الحلم على لسان خطيبه اخويا انا كنت قاعده انا واخوات خطيبى البنتين وخطيبى قاعد معانا وصحبتى كانت بعيد وكنت متزوجه انا وخطيبى فى الحلم بس كنا زعلانين مع بعض واخت خطيبى بتصالحنا وقعدت اعيط انا وهى لحد ما جات صحبتى طبطبت علينا انا واخته وادت لكل واحده تفاحه اخته اكلتها وانا ادتها لخطيبى اخت خطيبى دى متزوجه ومعاها ولد وبنت

Loudy كتب:

الحلم رقم 7 
السلام عليكم يا ماما 
انا حلمت ان انا وبنات كنا رايحين اوتيل كدا بس على شكل كوخ فى قرية سياحية المهم يا ماما كنا واقفين بره الاوضه وبنبص من شباكها على اللى جوه وكان فى حد غالبا بنت فى الاوضه دى وهربت وكان فى ظابط طيار  جوه الاوضه هو كان طويل وكتفه عريض ومحترم جداااااا وكان بيدور على حاجه دليل ادانه للبنت اللى هربت دى وواقف محتار رحت انا دخلت اساعده والاوضه دى كان فيها انتريه جلد ومكتب بس سورى يا ماما فى اللى هقوله انا لما جيت اقعد قعدت على جحره قعدت يعنى على جحر الظابط دا بس مش مثلا ضهرى كان فى صدره لا دا كنت قاعده على جحره بالجمب وانا وزنى 100 وهو رشيق بس لم يتأفف او يحسنى تقيله عليه دا كان مبسوط وكان معاه موبيل شكله غريب جدا كانت سابته البنت دى اللى هربت وهو كان بيفتحه عشان يشوف فيه ايه وانا اخدته وفتحته بس الموبيل دا كان شريحته بره وكان بيتفتح لما تبوسى الشريحه دى كانها كود سرى كدا وكان الموبيل دا رفيع جدا فى ضعف جحم السكينه المهم انا لما بوست الشريحه دى هو بعدها على طول باسنى فى شفايفى ودخلت بنت من البنات اللى كانوا معايا بس انا ما اعرفهاش فى الحقيقه بس كنت اعرفها فى الحلم وخدت منى الموبيل وقعدت تقلب فيه بس انا لما شفتها ما قمتش ولا اتخضيت كانى بالظبط قاعده على رجل جوزى وهى لقت البنت اللى هربت دى كانت مصوره الظابط الطيار دا وهو مش عارف يعنى مصوراه وهو قاعد على ترابيزه فى كافتريا ومصوراه وهو قالع الجاكيت ولافحه على كتفه اليمين بس وبعيدن لقيته بيقولى انه ناوى يسيب الشغل هنا فى الاوتيل هو كان بيشتغل ظابط برضه بس زى امن كدا وكان عاوز يرجع يشتغل ظابط طيار زى الاول وانا قلت له انت بتاخد كام قالى 3000 او 5000 مش فاكره بس هى غالبا 3000 وقلت له انا باخد 1200 بس انت بتقعد تشتغل من 8 الصبح لحد الساعه 5 ويا امى انا من اول ما قعدت على رجله فى الرؤيا ما قمتش لحد ما خلصت 
على فكره هو مش شبه اى حد انا اعرفه هو طويل جداااااا وكتفه عريض بشكل واضح بس انا كنت مبسوطه بيه جدا ومرتاحه معاه 
على فكره يا ماما 
انا كنت مرتبطه بظابط فى الاول بس مكنش ظابط طيار وهو اختفى وانا ما فكرتش فيه نهاااااااائى ومسلمه امرى لله ومش فارق معايا يكون من نصيبى ولا لاء انا بقولك الكلام دا يمكن يساهدك فى تفسير الرؤيا وهو مش شاغل بالى نهائى انا بفكر فى دراستى وبس 
انا انسه ومش مخطوبه ووقت الرؤيا كان قبل الفجر

نهر الحياه كتب:

السلام عليكم حلمت انى بنقى من ققفص طماطم نقيت حوالى 5 كيلو طماطم و كان ثمنهم 200 جنيه و لكن كان معى 5 جنيه فقط  وكنت انتظر قدوم اخواتى البنات واحده متزوجه و الاخرى انسه وبنظر عليهم من بعيد  كانوا واقفين امام قفصان كتيره مليانه طماطم فقولت خلاص مش هنقى تانى انسه 

Aya Ahmed كتب:

الحلم رقم ٩
والدتي حلمت ان في راجل عندنا في الشقه و كانت عارفه انه عايز فلوس فقالتله عايزكام وتمشي قالها ٥٠٠٠ قالتله مش معايا يكمل فخرجته من الشقه من غير ما تديله حاجه و بعدين شافت ٢ رجاله واقفين بره الشقه و عايزين يدخلوا بس الباب كان مقفول و بيحاولوا يدخلوا بس مدخلوش 
شكرًا جزيلا 
انا انسه

عتاب كتب:

رقم 10

حلمت انى قعده انا واحمد زوجى فى البيت لكنه مخلتف شويه واحمد حس ان فى حاجه بتتحرك جمب الحيطه ومدريه فقال فى حاجه هنا لقيت صوت غريب شويه رد عليه مش فكره قاله ايه لكن الحاجه دى بتدارا عنا اكن فى كرتونه مثلا فقولت انا بسم الله الرحمن الرحيم لقيت اكن الكرتونه دى بتنشع ميه ولما اسكت بتنشف تانى فقولت قران مش فكره ايه يمكن سوره قصيره فظهرت تانى انها اتبلت ميه  ونشفت تانى وبردواكن الحاجه دى بتدارا مننا مش عيزانا نشوفها واكن مكان الكرتونه بقى فى فرن (الهى بامبوبه) واكننا هنولعها لقيت هناء بنت اخت احمد جيه تسلم علينا اول مره بعد متجوزت راحت الفرن دى اختفت والحاجه المكنها دارت نفسها

 وهناء شكلها مدايق ووشها مغمق شويه احمد قالها ملك مش مبسوطه مع جوزك ولا ايه هزت رسها كده اكنها بتقول عادى 
ودخلت اخت احمد عزيزه قالت جيه اسلم عليكم ودخلت وراها بنت اكنها من قرايب بيت جوز عزيزه جيه تسلم علينا بردو وبتسمت وسلمت وقالتلى انا عرفاكى او فكراكى وانا قولت فى بالى ايه الجايب البنت دى ملناش علاقه بيها ودخلت وراها ام البنت لبسه اسود وبعد شويه لقيت البنت تعبت وقالت لازم اروح قولتلها استنى قولى بسم الله الرحمن الرحيم قالتلى لا قولتلها قولى سوره قرانيه مش فكراها مرديتش بردو روحت قولت جزء من الاذان بنغمه اذان صلاه العيد الهو الله الكبر الله اكبر لا اله الاالله وبعيد فيها لكن صوتى مش عالى صوتى واطى يدوب مسموع لقيت البنت بدات تبقى افضل شاورت لعزيزه ولام البنت يقولوا معايا بردو الله اكبر الله اكبر لا اله الا الله

هناء عروسه جديده لسه مخرجتش من بتها بس انا وجوزى بنعزها وبنهتم بامرها

البنت والست الجم بعد عزيزه معرفهمش فى الحقيقه

وكلهم سلمو عليا 

فى الحقيقه فى رغى هنا ان فى ناس بتلاقى اثار انا مش مهتمه بالمساله دى خالص ولو لقيت فرصه اسكن فى بيت تانى

انا عيشه مع زوجى فى الصعيد 

عندنا ولد وبنت وممكن اكون حامل 

الحاله الدينيه يدوب ملتزمه بلفرائض