تفسير احلام يوم الاثنين الموافق 11\30 ان شاء الله

اختى الصغيره انسه حلمت ان امى ارمله ترتدى خاتم ذهب ابيض فى الواقع ملكها يوجد عندها وانا ايضا انسه و باقى اخوتى متزوجين

حلمت ان اخويا كان نايم و بعدين تبول على المرتبه وبعدين قام و غسل المرتبه 

اخويا متزوج و عنده طفلين

بوسى 123 كتب:

رقم 1  حلمت انى راكبة العربية مع ابنى و بنتى الكبيرة وكان ابنى هو اللى بيسوق و اخته جنبه وانا قاعدة ورا و بعدين زى بندور على محل وولادى قالو انه فى الشارع ده و ابنى ركن العربية على ناصية الشارع و انا نزلت ابص مش لاقية المحل و تقريبا كنت عايزة محل ملابس داخلية فانلات و كده يعنى و ابنى نزل يبص برضه معايا بس مافيش المحل اللى انا عايزاه و ابنى و بنتى مصممين انه هنا و طلعت ابص ع الشارع الرئيسى و لقيت واحدة ست قاعدة تشحت وانا ما اديتهاش مع انها عمالة تطلب و بعدين ركبت العربية و مشينا و كاننا ع الكورنيش و الجو حلو و لقيت الكافيتيريات و المطاعم فيهم ناس و منهم ستات اجانب قاعدين ..حلمت كمان ان بنت عمى عندى فى البيت و انا زى بافرجها على كراسى و اديتها كرسى صغير و بعدين لقيت كرسى تانى متطبق عندى زيه فى الحقيقة و باقول لها الكرسى ده كمان كويس قالتلى بس عالى شوية بنت عمى ارملة وعندها بنت انسة غير مرتبطة ..كمان حلمت ان معايا اطباق بلاستك غويطة وكبيرة زى اللى بنحط فيها فاكهة و كانو كتير و كل شوية الاقى واحد و كانو اكتر من لون اخضر و اصفر و باقول كل دول احطهم فين ..شكرا

نهر الحياه كتب:

اختى الصغيره انسه حلمت ان امى ارمله ترتدى خاتم ذهب ابيض فى الواقع ملكها يوجد عندها وانا ايضا انسه و باقى اخوتى متزوجين

toto كتب:

الحلم رقم (3)

حلمت ان انا نزلت الدور الارضى وكنت ماسكة عود بخور وبقيت ماسكاه لغاية ما خلص وكنت بتكلم مع نفسى بس نسيت الكلام وبعدين اختى جات تشوفنى بعمل ايه لوحدى فى الدور الارضى انا متكلمتش معاها وجبت كتاب قرآن وقرأت سورة مش فاكرة سورة ايه بس قرأت كام ايه من اولها وكام آية من اخرها واختى كانت قاعدة بتستمع وقالت لى السورة دى لطرد الجن وانا مرديتش عليها بس وانا بقرأ حسيت ان جسمى قشعر وحسيت كإن فى ارواح حوليا قلت فى نفسى اكيد ده جن وخرج لما قرأت السورة وبعد كده اختى التانية ووالدتى نزلوا عندى فى الدور الارضى وكان معاهم اكلة كانوا عاملين بيض بالثوم الاخضر والخضار واختى قالت لى الوصفة دى تحطيها على شعرك انا كنت مستغربة لان الاكلة مستوية ازاى هحطها على شعرى قلت لها انا هأكلها واخدت منها الساندوتش اللى هى كانت عملاهولى وسيبتهم وطلعت الدور التانى 

انا آنسة وحالتى الدينية متوسطة

اخواتى آنسات

يارب خير يارب كتب:

4
حلمت اني انا وخطيبي بنشتري بنجر وكنا محتاجين 8 كيلو والراجل كان عايز يدينا الكيلو ب 17 جنيه وانا فاصلت معاه وقلتله هناخده ب 14 جنيه ووافق وبقيت باخد وانضفه في نفس الوقت وبعدين الموجود خلص وكنت حاسة انهم ميعملوش 8 كيلو وخطيبي قالي لا هيكمله واللي فهمته في الحلم ان الراجل عنده تاني جوة وبعدين وانا بقشر واحدة لقيتها من جوة شبه الباذنجان وهو مقلي 
وخلص الحلم علي كدة مع العلم ان خطيبي حاليا حالته المادية صعبة وبنوضب في شقتنا كمان

Aya Ahmed كتب:

الحلم ٥ 

حلمت ان اخويا كان نايم و بعدين تبول على المرتبه وبعدين قام و غسل المرتبه 

اخويا متزوج و عنده طفلين

mira hamada كتب:

الحلم رقم 6
سلام عليكم ياماما 
ده حلم لواحدة قريبتى
هى حلمت اللهم اجعله خير ان جوزها المتوفى ماسك ورق وعمال يقلب فيه وبعدين قالها فين الطاقية بتاعتى وخى قالتله بدور عليها مش لاقياها زعق وقالها انا عايز الطاقية بتاعتى هى كمان زعقت وقالتله والله مالقياها ولو لقيتها والله مانت واخدها وزعقو مع بعض زعيق جامد عمرهم ماوصلو للدرجة دى فى الحقيقة 
وانتهى الحلم
وفى حلم تانى ياماما بخصوص نفس الشخص المتوفى الحلم انه كان رجله وارمة وهو لابس جلابية بيضه وفارد رجله وبيقول لبنته هاتى ماية عشان اتوضى وانتهى الحلم

kokoadam كتب:

الحلم 7

بنت عمي حلمت بأخويا المتوفي ويقولها انا عمري مااذيت حد لية الناس بترشني بالمية قالت لة دا رش المية خير وحلو قال لعا لا قامت راحة جايبة مية وبترش علية قال ا لها حتي انتي ياامل قالت لا والله انا بهزر معاك وانا اسفة وهو زعلان بالله عليكي قوليلي هل معناة ان حد بيجيب في سيرتة بالوحش ولا لا


وحلمت ان انا عند اختي بنرتب شقتها الجديدة وفي مصحفين برتب المصاحف دي لقيتهم مفكيين وجزء من المصحف وقع ورا الكومدينو ولقيت اختي التانية جاية هي واخويا الله يرحمة وبتعاتبة انة ازاي يقول كدة وهو واخد كلامها هزار وتريقة
اخني صاحبة الشقة ناقلة ف شقة جديدة من اسبوع متجوزة وعندها بنت وولد في الجامعة وولد ف ابتدائي كويسة مع جوزها الحمد لله

^بكرة أحلى^ كتب:

8 

السلام عليكم يا ماما نجية 

جزاك الله خيرا على تعبك معانا و شكرا ليكي جدا 

كنت أرسلت لك رسالة من يومين تقريبا  و فسرتي الحلم  بس أرسلتلك استفساار  بعد إذنك :)

رودي طه كتب:

حلم 9
رايت خير اللهم اجعله خير
اني رحت محل بقالة صاحبه اسمه مختار وكان عجوز وباشتري من عنده بسكويت وحاجات من دي فعايز يخليني اشتري بزيادة وانا اقوله ماشي هات وعايزيني اشتري كيكة بالشيكولاتة وانا اقوله ماشي لحد ما قولت له كفاية علشان هيبقي كتير
مختار ده كان محل باشتري من عنده وانا صغيرة معرفش شكله دلوقتي عامل ازاي علشان عزلنا من المنطقة
انسة
اعمل

بوسى 123 كتب:

رقم 10.....حلمت ان جوزى لقى 6000 جنيه تحت المخدة بتاعتى و مسكهم و زى ماتكون الفلوس دى انا عايزة اتبرع بيهم و سالته لو هو اللى هيروح يطلعهم تبرعات ولا اروح انا فقال لى انه المرة اللى فاتت كان جاب اطفال و اداهم الفلوس و بعدين لقيت اننا فى اوضة النوم و هو بيقوللى انه ما دفعش لسلفتى و اهلها تمن المخدة و قاللى المخدة بعشرين جنيه و انا اتضايقت انه لسه ما كانش دفع الفلوس ليهم و المفروض فى الحلم ان المخدة دى سلفتى و اهلها كانو دفعولى تمنها وانا عايزة ارد لهم الفلوس و بعدين قعدت جنب جوزى ع السرير و قلت له ايه ده النهاردة انا معزومة على الفرح بتاع صاحبة بنتى و المفروض اروح الكوافير احط ماكياج و اعمل شعرى و معرفش قلت انه فرح مغربى و جه فى بالى فى الحلم انى البس العباية الخضراء اللى عندى زيها فى الحقيقة صاحبة بنتى دى اصلا مخطوبة ....حلمت كمان انى فى اوضة بناتى و لقيت شمعة منورة وهى اصلا زى جوة حاجة ازاز و بعدين مسكت الحاجة الازاز و لقيت الشمعة خلاص سايحة و يادوب فيه شعلة منورة فى وسط الشمع السايل و جبت ازازة صغيرة بلاستيك عندى زيها فى الحقيقة باشتريها من عند بتاع العطور و بيبقى فيها عطر مسك او عود او ياسمين و مسكت غطا الازازة البلاستيك و كان فيه عطر العود و قعدت احط على الشمعة السايحة و كمان لقيت شمعة تانية مش منورة و حطيت عليها برضه من الغطا و فضلت احط على الشمعتين و انا مستغربة انه العطر اللى فى الغطا كل ده لسه ما خلصش لان الغطا صغير قوى و فى الحلم كنت عايزة احط عطر فانيليا بس لما شميت ريحته لقيته عود و قلت برضه العود ريحته حلوة ....شكرا

sweetheart كتب:

الحلم رقم 11
السلام عليكم يا ماما 
انا عندى حلم وتقريبا عارفه تفسيره 
انا حلمت انى نقلت فى شقه زى الاوضه صغيره جدااااا وفى دور ارضى وبدل ما يكون ليها حيطه على الشارع ليها باب صاج كدا زى بتاع المحلات اللى بيترفع لما يتفتح وينزل لما يتقفل وكنت عايشه فيها لوحدى يا ماما بس الشارع اللى كانت فيه كان جميل وراقى 
وكنت بكلم صاحبتى اسمها ايمان وانا واقفه فى الشارع وكان معاها تلات بنات ولادها يعنى بس ايمان كانت خاسه جدا عن الواقع وكانت رفيعه وفى منتهى الرشاقه وانا بقولها خسيتى يا ايمى وكان جمبنا عربيه لونها اسود بس مش عارفه هى بتاعة مين وكانت موديل حديث وشكلها فخم 
انا انسه وعمرى 32 سنه ومش متجوزه ووالدتى متوفيه وعايشه مع والدى بس واحنا كلنا تلات بنات واخوانى الاتنين متجوزين واحنا اصلا عايشين فى بيت ملك وانا ديما بقعد فى الدور التانى وبيتنا كبير ووالدى ديما قلقان انه يموت ويسيبنى فى الدنيا لوحدى بس انا مش قلقانه ولا فارق معايا الموضوع دا 
تفسير الرؤيا يا ماما اللى جه فى بالى ان بابا هيموت قبل ما انا اتجوز
او انا هتجوز جوازه اقل من المستوى اللى انا عايشه فيه 
الحلم كان قبل الفجر مع العلم ان ما فكرتش فى موضوع موت بابا دا ولا حتى هو شاغلنى بالمره ولا حتى موضوع الجواز 

Possy كتب:

حلم ١٢
السلام عليكم انا حلمت حلو ومستغرباه جدا لانو كان مقزز الحقيقه حلمت انى كنت ماشيه فالشارع اللى جنب بيتنا ومعايا بنتى بليل وشوفت اتنتين شباب بيتخانقو خوفت وجيت ارجع شوفت فى عربيه اتنين ولاد اطفال حوالى ٤ سنين واحد نايم والتانى اسفه جدا جدا فاللفظ نايم فوقيه وبيعمل فيه حاجات مش كويسه بس انا شوفت اعضاء الولد اللى بيعمل كدا بالتفصيل المنظر كان صعب ومؤلم جدا فضلت اقول ازاى اطفال يعملو كدا وصحيت يارب خير