lor=red]]ماما نجيه حلمت اليوم خير اللهم اجعله خير انى كنت خارجه من المنزل وبلبس هدومى ومشيره صحبتى جت علشان نخرج تقريبا علشان نروح المدرسه هههههههه انا كبيره طبعا على المدرسه
وبعدين انا كان عندى فى الحقيقه فى الثانويه العامه جيبه كان لونها رصاصى غامق كنت بروح بيها المدرسه وبعدين لقيت نفسى بطلعها من الدولاب علشان البسها فى الحلم لقيت لونها بقى رصاصى فاتح وفيها شكل زى التطريز او شىء من قبيل زلك وبعدين لبستها وقلت لاختى لو عندك بلوزه بمبى لشان هتليق عليها او خصوصا من الحته المنقوشه بها وبعدين لقيت نفسى بلبس خمار تقريبا ابيض مش فاكره او الصراحه بس الغالب ابيض
انا كنت فى الحقيقه بلبس خمار ونا صغيره لكن الان البس الاسدال وليس الخمار
المهم لبستهم ونزلت لقيت نفسى كأنه يوم خطوبتى واهل خطيبى موجودين عندنا وقرأنا الفاتحه وخطبونى ليه بس انا مش شفته فى المنام بس بابا كان بيقول انا شاكك ان والده دكتور صيدلى وخايف لو والده عنده صيدليه ولا بيشتغل فيها بس فانا سألت بنوته صغيره كده تقريبا كنت اخت العريس وسألته هو باباكى بيشتغل فى الصيدليه ولا هى بتاعته باسمه قالتلى لا هو صاحبها وبتاعته فاطمنا
وبعدين لقيت نفسى بسأل ابى وامى على العريس بقولهم انا مشفتش العريس ولا اعرف شكله هو طويل قالولى ايوه طويل قلتلهم طول محمود زوج اختى قالولى لا اقصر منه شويه صغيرين قلتلهم يعنى طول محمد اخويا قالولى لا اطول من محمد كمان يعنى طوله تقريبا182 قلتلهم طيب كويس ماما لقيتها بتوبخنى وبتقولى يعنى انتى كنتى رفضتى خطيبك اللى قبل كده علشان قصير قلتلها ياماما انتى عارفه انى مش بظلم حد وعلى الرغم من انه قصير وانتى عارفه انى بحب الراجل الطويل وليس القصير لكن استحملت علشان مظلمش حد قالتلى طيب وبعدين صحيت من نومى على كده
على فكره دى تانى مره فى فس الشهر تقريبا احلم بوظيفة الصيدلى هو دا معناه ايه
انى هتجوز دكتور صيدلى ولا ايه ههههههههههههههه ياريييييييييييييت
وبعدين مش فسرتيلى تفسير لاقم 12 فى المنام ياماما وان هتجنن واعرف تفسيره ايه وهل ان نصيبى هيجى فى شهر 12 اويوم 12 او ايه بالظبط
وكله من عند الله طبعا
معلش انا عارفه انى طولت عليكى بس دا عشمى فيكى
الله يباركلى فيكى يارب[/size]
