تفسير احلام يوم الاربعاء الموافق 9\9 ان شاء الله

الحلم رقم (١)
حلمت خير اللهم اجعله خير ان انا واختى وزوجها قاعدين فى بيت خالتى (نجوى ) وخالتى عماله تتريق على شعري وتقولى شعرك هايش شعرك وحش ... فجوز اختى قال لاختى هاتى شيرين وتعالوا ورايا ونزلنا روحنا على كوافيره ... فقالى ادخلى ظبطى شعرك متخليش حد يتريق عليكى .. قولتله انا شعرى حلو انا شيفاه حلو قالى لا برده ادخلى ظبطيه ... ساعتها اختى كانت دخلت للكوافيره تقولها تعمل ايه فى شعرى .. بس الكوافيره قالتلها ان فيه زى مادة كده فى شعرى مينفعش انها تظبطهولى وان لازم المادة دى تروح من شعرى الاول ... ومشيت من عند الكوافيرة من غير ما تظبطهولى ... بس اختى قالتلى حنرجعلها تانى وحنظبط شعرك متخافيش

رقم 2 ..انا فيه واحدة بتيجى تنضفلى الشقة و كان فيه واحدة تانية بتجيلي تنضف بس من كام سنة و خﻻص دلوقتى مش بتيجى ...حلمت انى باقول ان انا اتفقت مع الشغالة القديمة تيجى تنضف الشقة بتاعتى و بعدين قلت دى الشغالة الجديدة كمان هتيجى طب اعمل ايه ..قلت مش مشكلة لو جم هما اﻻتنين اخليهم يشتغلو مع بعض و ننضف حلو قبل العيد ..و بعدين لقيت الشغالة الجديدة موجودة و بتنضف و بنتى الكبيرة بتقول لها تنضف حاجة بس مش فاكرة ايه ..و بعدين قلت دى الشغالة مشيت من غير ماتاخد فلوسهاو كلمتها و قلت لها اسيب لك الغلوس مع البواب ععلشان يمكن اسافر

حلم 4
معلش يا ماما حلم طويل شويه
حلمت ان انا موجوده في مكان زي السنتر كده في ولاد و بنات خرجت منه و كان معايا بنت المفروض اي هي صحبتي بس انا مش عارفاها كان شعرها اصفر و لابسه كاعب عالي اوي المهم فضلت ماشيه انا و هي نروح اماكن شويه زرع و شويه شوارع المهم قلتلها انا جعانه رحنا حته كده لقيت ناس بتعمل حاجه زي المهلبيه او الايس كريم في ابيض و في برتقالي قلتله لو سمحت عاوزه طبق بدا يغرفلي بعدين قلتله بكام قالي 10 جنيه ببص في جيبي ملقتش غير 5 جنيهات فكه و انصاص قلتله خلاص نص طبق زعقلي و فكر مش معايا فلوس قلتله انا صاحبه محل جمبك هنا انا معايا فلوس
بعدين مشيت مع البنت علشان نرجع نجيب فلوس المهم نزلنا سلم عالي البنت دي كعب الجزمه اتكسرت قلتلها هسعديك و شلتها شويه علشان نقف في مكان مفهوش عربيات علشان كانت واقعه في و سط الشارع ..وانا و البنت ماشين بتحكيلي ان هي بتحب واحد من الولاد اللي في السنتر دول
المهم قامت ورجعت السنتر ده تاني و قابلت ماما حكتلها ادتني فلوس اجيب .. رجعنا تاني لقيت الراجل و ابنه قلتله ممكن اقول كلمه ل باباك خرجلي بره اديتوا الفلوس و قلتله علي فكره انا معايا فلوس تعرف عمو حلمي انا باباي صحبه قله بس ساره هو هيقلك احنا مين و انا بقفل شنطيطي فيها اقلام كتير اوي .. بعدين الراجل ده جه يرجعلي الفلوس في الشنطه لمس صدري اتضايقت جدا و بعدت ايدو و مشيت ..
رجعت لقيت ماما قاعده علي طربيزه طويله و ناس قاعده و في اقلام كتير احجام مختلفه بس لونين احمر و اسود بس الاسود بيكتب ازرق ..المهم قلت لماماانا معايا كتير قلتلي مش مهم ده جمييل قلتلها ماشي مسكت واحدملت بيه العلامه دي *ازرق لقيته جميل .. قلت للراجل بسببك الناس انا مخليه الناس دي كلها تجرب الاقلام و قاعده بس ..

عمو حلمي اصحب بابا و لاتنين متوفين وبته صحبتي و لسه متجوزه من شهرين
انا متجوزه و عندي ولد

الحلم 5

حلمت ان انا عند ماما وببص من الشباك لقيت حد بينط من علي السور في شقة اخويا قلت لماما دي نهي مرات اخويا شكلها ناسية المفتاح وبتنط ع السور قالت لي نهي مش هنا دا اكيد حرامي قلنا لبابا مسك حديدة طويلة وطلع لة واحنا مستخبين ف الاوضة شوية ولقينا الحرامي نزل ومعاة شنطة فيها دهب وكأنة دهب ماما ولقينا دهب كتير لماما وهي ماعندهاش ف الحقيقة كل دة وبدانا ناخد من دهبها ونحطة مع شنطة الحرامي ومسكناة وطلعنا البلكونة ونزعق ونصرخ ان حد يبجي ياخد الحرامي اللي مسكناة وماحدش جة يبصو علينا وخلاص


وحلم تاني معلش ياماما مامتي حلمت باخويا الله يرحمة انة داخل يستحمي وقال لها تعالي حميني دخلت معاة وغسلتة كويس قوي وجامد ولبس هدومة وخرج قالت لة رايح فين قالها ورايا درس هاروح واجي تاني