تفسر احلام يوم الاثنين الموافق 8\31 ان شاء الله

جدتي شافة ابويه معاه كرتون فيه عطور وطلبت من بابا يديها عطر قالها ان شاءالله

حلم 3

حلمت اني عند ماما انا وجوزي وحصل احداث كتير مش فاكراها الا اني دخلت اوضة نوم بابا لقيت فيها فاكهة موز وبرتقال وفتحت الدولاب بدور علي حاجة لقيت بسكوتات وشمع ولقيت شيكولاتة اخدت واحدة ورحت الاوضة التانية لقيت بطني كبيرة كأني حامل ولقيت جوزي وبنات اختي قاعدين واحدة بتقولي الشيكولاتة دي جميلة بس صغيرة بتخلص بسرعة .وفجاة لقيت اخويا المتوفي قاعد وماما جابت لة سندوتش يتغدي اكل حتة وقالي سيبي ااباقي لو ماباظش هاكلة بكرة قلت لة هايحمض كل قال لا شبعان دلوقتي سيبة لبكرة ومشي فببص ف المراية لقيت شعري تقيل وحلو وفرحت بية جدا وقعدت اسرح فية ولميت االي وقع منة ع الارض

إ

الحلم رقم 5
السلام عليكم ورحمه الله وبركاته
ازيك يا ماما عامله ايه
اختى حلمت خير انا ماما وبابا الله يرحمه كانو بيتكلمو على حد اختى مش عارفه هوه مين بس ماما كانت بتقول لبابا ده فلان ده مسبناش لا وانت فى المستشفى ولا وبنتك بتتجوز وقف جمبنا فبابا قالها منا عارف فقالتله طيب ما تروحله عيب ده مسبناش قالها انا معرفوش هروحله اقوله ايه انا معرفوش بس اختى معرفتش هما بيتكلمو على مين
مع العلم ان بابا متوفى الله يرحمه وماما الحمد لله موجوده

ماما انا حلمت من كام يوم حلم مش فاكره منه غير انى اتجوزت المدرس اللى كنت بشتغل معاه بس كان جواز مصلحه بس مش عارفه مصلحه لمين بس تقريبا هوه اللى كان ليه مصلحه فكنت معرفش فمكان شغل ولا ايه بس تقريبا ده المكان اللى كنت هبقى معاه فيه فقلت لما يجى انا هقوله ان الجواز اخره كده يعنى احنا مش هندخل لانى مبحبش الشخص ده فطلع اخد حاجه ومشى ومفتحناش الموضوع ده كان الموضوع ده مفروغ منه
مع العلم انى انسه ومش مخطوبه والمدرس ده انا سبت شغل معاه من زمان وكان حابب ارجع اشتغل معاه بس انا رفضت

الحلم رقم ٦

السلام عليكم ورحمه الله وبركاته

ازيك يا ماما يارب تكونى بألف خير وسعاده يااااااااارب

ماما حلمت انها بتزعق مع واحده جارتنا وبتقولها كل شويه تيجى عايزة نعملك خدمه وفى الاخر تعملى فينا كده وضربتها جامد
وجارتنا وقعت على الارض وبابا دلق عليها ميه وماما بتجيب الست من الارض ملقتهاش لكن لاقيتها تحت السرير قالعه وليستها هدومها وكانت جلابيه مقطعه
وشافت بابا قاعد مع ناس راحت تسلم عليهم واحد منهم سلمت عليه بأيده وسلمت عليه مره تانيه بأيده التانيه وسلمت على بابا وسلمت على واحده ست كانت موجوده وراجل بتسلم عليه قالها مش بسلم على ستات
وقعدت جنب بابا وطفل صغير جه قعد بينها وبين بابا وماسكه دره بتاكل فيه والطفل كان بيقطع حبات الدره بأيده وهى تاكل منه والست اللى سلمت عليها كانت عايزة تاخد الطفل وماما قالتلها لا خليه 

وشافتنى انا وهى فى محل واخويا جه يحاسب ويدفع الفلوس وركبنا معاه عربيه نص نقل وانا اللى كنت قاعده مكان اللى بيسوق واخويا قاعد على الكرسى اللى جنبى بس هو اللى كان بيسوق
وماما بتتكلم مع اخويا وانا قولتلها عيب كده يا ماما الناس تقول علينا ايه لان كان صحابه موجودين ورا فى العربيه

ماما حلمت بكل ده امبارح 
معلش يا ماما بتعبك معايا ربنا يديكى الصحه ويجازيكى كل خير يااااااااااارب

7
الحلم ده لخطبي
حلم ان اشتي عربية جديدة والنوع اللي هو عاوزه وكان راكب معاه في العربية والده ووالداته وبعدين راحوا عند راجل عشان يشتروا جدي فسألوا الراجل عن سعره قالهم بكرة انا هحضرلكم واحد كويس اووي ولماتاخدوه بكرة هتعرفه سعره حاولوا تاني يعرفوا قالهم برضه بكرة بعدين خطيبي رجع يركب العربية هو ووالده ملقهاش فقال لوالده لازم ندور عليها دي ماما فيها فبصوا لاقوا انهم عدوها  وهما ماشيين من غير ما ياخدوا بالهم فرجعولها تاني وركبوها
وخلص الحلم علي كدة مع العلم ان خطيبي لسة بدأ شغل جديد بقاله شهر بس للاسف حالته المادية صعبة جداا ومفيش اي شغل والمفروض اننا هنبدأ نوضب الشقة الشهر ده

الحلم رقم 8

انا ياماما حلمت اني فمكان زي شقة لسة بتتبني فيها الجدران بس لسة السقف
وعلي كل جدار عسكري واقف وماسك كلب بوليسي متوحش وانا كل مااروح مكان الاقي الكلاب عمالة تهوهو جامد وتقرب عليا وانا اصرخ وخايفة منهم اوى وكمان انا فالحقيقية بخاف جدا من الكلاب
المهم كمان كان في كلاب سايبة بس بلدي مش بوليسي ورايحة جاية فالشقة
كل الكلاب بقت عايزة تعضني وتجري عليا كل مااروح مكان الاقيهم وانا اصوت بس الحمد لله مفيش كلب عضني ولا عرف يقربلي وصحيت من النوم علي كدة

حلم ٩ السلام عليكم 
انا حلمت انى فى مكان مش عارفاه ومعايا خالتى وولادها وامى وفى ناس واقفين بيسافره لعمره او حج وبعدين لقيت واحد بيقولى اطلعى ادعى فوق استغلى الفرصه طلعت مسجد فضلت ادعى فيه كتير وبعدين بسئل هو ايه دا وادعى ليه هنا قالولى دا المسجد النبوى بس من ضهرو اللى بيشوفو من وشو الناس اللى بتعمل عمره بس انتى عشان مع الناس دى فادخلتى من ورا يعنى انا مش مشفتش الكعبه ولا حاجه انا بس شوفت سور ابيض وفعلا كان زى كأن دا ضهر السور وسجاد احمر وفضلت واقفه ادعى واعيط وصحيت على كدا

ماما هو كان ينظر الي و يبتسم يعني ما كانش فرحان اني سبته

رقم 11 ..حلمت انى باتوضا و شفت نفسي وانا باغسل ايديا و رجليا بالماء و كنت بادعى و انا باتوضا