تفسير احلام يوم الاحد الموافق 7\5 ان شاء الله

حلمت انى فى محل ملابس ورايت عبايات و بلوزه وكنت بسأل عن المقاس انسه 

لجين كتب:

السلام عليكم
رؤيا رقم1
اختي حلمت ان مجنون يجري وراها والمجنون هي متعودة تشوفو بالطريق بالحقيقة

ان شاء الله خير وشكرا على تفسيراتك جعلها الله في ميزان حسناتك

وصحة فطورك.

ام حسام كتب:

الحلم رقم (٢)
الحلم ده واحدة صاحبتى حلمته باخويا الله يرحمه 
حكتبه لحضرتك زى ما هى بعتتهولى 

حلمت خير اللهم اجعله خير انى كنت راكبه مع احمد الله يرحمه ميكروباص صغير كده وكان احمد لابس جلابية بيضة وبدقنه زى ما كان فى الحقيقة وكان معانا ناس فى الميكروباص لابسه ابيض برده بس ملامحهم مش واضحة ... واحمد الله يرحمه كان بيوزع كنب دينية صغيرة كده ... وشوية ونزلنا انا واحمد من الميكروباص وروحنا نشتري من محل كده ميه وأكل .. بس كده

س للحياة كتب:

الحلم رقم 3
السلام عليكم
بنت خالتي حلمت انها ضحت ببقرة صغيرة وادبحت قدامها هي واختها  ومشفتش اي دم رغم ان كان فيه دبح ...بس شافت ان اللحمة كانت حلوة اوي ونضيفة وجاهزة على الطبخ وقسمتها كلها لوحدها

بنت خالتي بتصلي وانسة ...واختها متزوجة ومعاها بنتين ...وباباهم متوفي ووالدتهم عايشة

kokoadam كتب:

الحلم 4
السلام عليكم ماما نجية
حلمت باخويا المتوفي جاى يزورني في شقتى واول مرة احلم بية عندى دايما احلم بية في شقة ماما
وكان كويس ومزاجو حلو وقاللي امسحي لى الجزمة بتاعتى جبت فانلة جوزى كان قالعها ومسحت لة جزمتة ودخلت الحمام اغسل الفانلة البيضا دي علي ايدى 
لقيت اخو جوزي بينادي قلت تعالى ياعبدة سلم على على اخويا هنا وانا فرحانة سلم علية ولبس اخويا الجزمة  ونزل قعد معاهم في المحل وقلت انة لازم يفطر معانا وكنت عاملة كشري مصري وطلعت فراخ كمان اطبخها عشان باكل معانا

نهر الحياه كتب:

حلمت انى فى محل ملابس ورايت عبايات و بلوزه وكنت بسأل عن المقاس انسه 

الأمل فى الله كتب:

حلم رقم 6
ان في شقتنا صراصير صغيرة في الاوضة بتاعتنا وبعدين بابا كان عايز يسيبهم مايموتهمش بس لما لاقاهم كتير قام جايب فليت علشان يرشهم ويموتهم وقعدنا موتناهم وبعدين اختي لقيت ميه كتير في اوضة بابا وماما فبتقول المية جات من الفليت الكتير اللي رشيناه 
وبعدين افتكرت ان بنتها مش  معاها وعند جدة البنت وبتقول لنفسها ياتري هي عاملة ايه من غيري طول اليوم وانا كنت مشغولة في قتل الصاصير دي ام باباها وسالت ابو البنت قالت له امال فين فريدة قالها ماتخافيض هي عند ماما هي كويسه فقالت له خلاص طالما كويسة هبقي اروح اشوفها 
وشكرا على تعبك معانا

toti كتب:

7
انا متزوجة و عندي طفل  حلمت اني مع ابني في شقة اول مرة أكون فيها وان علامات يوم القيامه بدأت بالظهور و انا قاعدة لقيت الآن من بره ب تمسك في الشبابيك ونا قعدت اقرأ سور من القرآن علشان تهدي وكنت خايفه عليي ابنى علشان مفيش حاجة تانية بس من جوايا كنت حاسه اني هادية وثابته وكل شويه النار تمسك في حاجه وانا اقرأ فيكتور لغاية ما جيه جوزي من الشغل وكان خايف و العلامات عامله تزيد و زي ما يكون في حقنه للمؤمنين بس علشان تثبتهم بس لو خدها حد في قلبه ذرة كفر حتنقلب عليه فجوزي قال أنا مش حاخدها قولتله أثبت احنا مؤمنين

شيكولاه كتب:

الحلم رقم 8


السلام عليكم انا حلمت اني بسلك شعري بصوابع ايدي ...هو مكنش متعقد بالعكس كان كويس زي الحقيقة بالظبط وزي ما متعودة اعمل ...وكان اسود وطويل زي الحقيقة
حلمت اني وانا بسلك شعري بايدي لقيت جنيه فضة فاستغربت وقلت لاخويا ايه ده استنى بص انا لقيت ايه و طلعت الجنيه  ومفروض مفيش اي حاجة تاني في شعري...وانا بطلعه حسيت بحاجة تاني ..قلت لاخويا امسك كدة ....وببص لقيت نص جنيه وبعدين ربع جنيه وبعدين جنيه وبعدين فضة كتير بخرجها من شعري ...وكنت بطلع واخويا واقف بيمسك مني 


انا انسة وبصلي الحمد لله 

ميمى كتب:

الحلم رقم(9)

حلمت انا واخويا كنا قاعدين على السطوح وجاء صقرين صقر وقف عليا والتانى وقف على اخويا الصقر اللى وقف عليا كان جائع وعضنى فى ايدى وانا قعدت انادى على امى علشان تلحقنى
حلمت حلم تانى حلمت بواحدة صاحبتى قديمة اسمها مروة قابلتها وسلمت عليها وهى جات تبوسنى على خدى  راح ضرسها طق لكن موقعش راحت قالتلى مش هقدر ابوسك علشان ضرسى طق واسنانها مكنتش نظيفة

انسه الحالة الدينية متوسطة

الأمل فى الله كتب:

حلم رقم 10
انا حلمت ان عندنا كلب كبير اسود عالى بس هو مش بتاعنا بس كان موجود عندنا فى الحمام وشوفته في البلكونة برده وبابا كان بيطلعه من الحمام وهو ماسكة يطلعه يأكله ويدخله يحبسه تاني في الحمام بس احنا كنا بنخاف منه وفي يوم كنت قاعدة في الطرقة مع اختى لقيت بابا بيطلعه من الحمام فقلت له مش تقول يابابا وطلعنا نجرى من الخوف منه 
وبعدين بابا قال لماما انا لقيت له بيعه لابو اسلام هبيعهولهه بحوالي 30 ج
طمنيني بالله عليكي

ايناس انوسه كتب:

11

حلمت خير اللهم اجعله خير يارب انى ماشية ولابسة فستان بمبى كده بس ورايحة احضر فرح اخويا وبعدين كنا فى رمضن فلما سمعت اذان المغرب قولت للى معايا انى عليا الدورة وكنت حاسة بيها بتنزل كتييييير ومش هينفع بقا اصلى معاهم وبعد كده كنت ماشية فى طريقى ورايحة الفرح فببص على شعرى لقيت حبة منه واقفين وعايزين يتسرحوا فدخلت حمام كده وببص فى المرايا لقيتهم واقفين ومش عارفة اظبطهم ومش عارفة احط سوتيت بمبى كده بسبب نكشة شعرى دى فبتدور ورايا لقيت مشط رمادى كده عندى فى الحقيقة لقيته موجود ورايا صدفة فقولت حلو اوى وروحت واخداه اسرح بيه شعرى واساويه فلقيت فى المشط بقايا شعر اصفر كان متعلق فيه فقولت ده الظاهر حد اشقر كان متسرح بيه قبلى وقلت مش مهم وساويت شعرى والمشط ده اللى قدرت اساوى بيه شعرى وكويس وظبطته وبعدين لقيت بنت كده بتقوللى ممكن تساويلى شعرى بالمشط اللى معاكى وكانت شقرا كده فقولت يبقى اكيد دى اللى استخدمت المشط قبلى فروحت عملت نفسى بسرحلها شعرها بيه كده اى كلام كأنى باخدها على قد عقلها ومشيتها وحطيت بقا السورتيت على راسى وخرجت بشعرى متساوى لفرح اخويا بس مكنتش حاطة ميكب وكان الفرح هادى وقرايبنا فيه ... مع العلم ان اخويا متزوج وحضرتك عارفة ظروفى 


ومعلش منام كمان خير يارب 
حلمت خير اللهم اجعله خير انى زى ما يكون مريضة بالجنون وقاعدة فى مكان بيعالج المرضى بالجنون دول والناس بتتعامل معايا على انى مجنونة فعلا ومش طبيعية فجم شوية ناس يضربونى فى المكان اللى كنت قاعدة فيه وعايزين يدخلوا الاوضة اللى انا قاعدة فيها غصب عنى فدخلت بسرعة وسكيت عليا الباب بالمفتاح وكانت خالتى الكبيرة معايا بتطردهم وبتدافع عنى !! بس كده