تفسير احلام يوم الاربعاء الموافق 610 ان شاء الله

اختى متزوجة حلمت انى ارتدى فستان سهره لونه سيمون وكان جميل عليا وبتقولي لو خسيتى هيكون احلى انسه 

ام حسام كتب:

الحلم رقم (١)
الحلم ده لصاحبتى ياماما
حلمت خير اللهم اجعله خير حلمت اني برضع بنت اخويا وهي رضعت مني بس قولت هرضعها من ناحيه واحدة عشان الناحيه التانيه أرضع منها ابني وياخد السرسوب واختي جت قالتلي رضعتيها ليه قلتلها كانت بتعيط وجعانه وانا ماشبعتهاش اوي


صاحبتى دى حامل فى ولد ياماما وقربت تولد خلاص

ام حسام كتب:

الحلم رقم (٢)
الحلم ده حماتى اللى حلمت بيه حكتبه على لسانها هى كانها هى اللى بتحكى

حلمت خير اللهم اجعله خير ان ابنى ( محمد ) داخل قاعة المؤتمرات وهى قاعة كبيرة وواسعه جدا وسايق عربية وهو اصلا فى الحقيقة مبيعرفش يسوق .. ومراته ( هند ) داخله وراه بس ماشية على رجليها ومعاها زي طبق كبير ( طشت ) كده فيه جوز حمام وفرخه محشيين رز بس نيين مش مستويين فانا استغربت انها بتعرف تحشي حمام وفراخ لانها فى الحقيقة مبتعرفش ... وفضلت مرات ابنى طول الحلم تقولى خدى الحمام والفراخ وموصرة انى اخد

مرات ابنى بينها وبين ابنى مشاكل

اليقن بالله كتب:

الحلم رقم 3
السلام عليكم ورحمه الله وبركاته
ازيك يا ماما عامله ايه
اختى حلمت خير ان عندنا فرح والعيله كلها عندنا وبابا الله يرحمه كان مسجون وهيه كان نفسها تشوفه وناس قالولها ده كل ما حد يروحله يسئل عليكى انتى بالذات وقلقان قوى عليكى وخايف فقعدت تعيط فانا كنت رايحاله ازوره وماما قالتلى خوديها معاكى هيه نفسها تشوفه وهيه اختى  قعدت على جمب تعيط بس وصحيت من النوم ومحدش رحلو بس الفرح مكنش فيه طبل ولا زمر وهيه كانت بتهزر وتضحك مع الموجودين وتهز فى جسمها وبس
مع العلم ان بابا متوفى واختى دى متزوجه وعندها ولد وبنت وعايشه خارج مصر

محلوة كتب:

4
مساء الخير يا ماما و كل سنة وانتي طيبة و عقبال ما نبارك لك على الحج قريبا ان شاء الله

مبارح يا ماما نمت و انا تعبانة من غير ما افكر في اي حاجة و حلمت حلم خير اللهم اجعله خير اول مرة اشوف احداث زي دي استغربتو اوي

حلمت اني في فرح حد من اهل جوزي على اساس اني مجوزة الانسان لي بحبه و مخلفة منه ولد كنت جميلة لابسة عباية بيضا و مطرزة بالذهبي و راسمة حنة على ايدي و شعري طويل اسود و مفرود و كأن الولد ابني خرج من المكان لي كنا قاعدين فيه قمت لحقتو عشان اجيبو و انا خارجة التفت ورايا لقيت راجل على اساس انه سلفي و وراه باب الشقة و جوزي (الانسان لي بحبه) داخل من الباب دى شافني زعل عشان كنت خارجة كدى بشعري واخوه شافني و خلص المنام و انا بحاول اهديه و اصالحه بس البيت لي كان معمول فيه الفرح كان بيت خالتي في الواقع اسمها جمعة بس في المنام كان بيت حد من اهله

للعلم يا ماما انا و لا بعرف اخواته ولا بفكر فيهم

toto كتب:

الحلم رقم (5)

حلمت ان انا دخلت المنور بتاعنا والدنيا كانت ليل لقيت حاجات على الارض شيلتها على ايدى كانت كرتونة  مستطيلة ومغلفة بالورق الابيض زى الهدية  بس معرفش  جواها ايه وكان فى لفتين من الورق جواهم لحمة ملفوفين بنفس نوع الورق الابيض
كل لفة تقريبا كيلو انا مشوفتش اللحمة بس انا كنت عارفة ان جواهم لحمة نيئة بس العلبة المستطيلة معرفش فيها ايه وانا بشيلهم لقيت الجو بيمطر وكنت حاسة بسقعة وسمعت صوت رعد قلت لازم اشيل الحاجات دى بسرعة واخرج برة المنور لان واضح ان فى سيل جاى
شيلت العلبة المستطيلة وحطيت فوقيها لفتين اللحمة وكان كل شوية تقع لفة منهم على الارض كنت اشيلها تانى بس كانت بتقع  فأنا قلت خلاص مش مشكلة هبقى ارجع اجيبها وكنت حاسة بفرحة

انا آنسة وحالتى الدينية متوسطة

dooora2012 كتب:

الحلم رقم ٦

السلام عليكم ورحمه الله وبركاته

كل سنه وحضرتك بألف خير وسعاده ياااااااااااااااارب

ماما حلمت انى كنت ماشيه معاها وجايين من السوق ومعانا شنطه فيها خضرة وقابلنا واحده جارتنا وبناتها ماما سألتهم رايحين البين علشان نرجع سوا وجارتنا قالت اه بس التوكتوك مش هياخدنا كلنا
وماما قالتلى طيب تعالى نتمشى احنا مش معانا شنط كتير ومشينا بس مشينا فى طريق مختلف عن طريق بيتنا الطريق اللى مشينا فيه هو اللى بنمشى فيه واحنا رايحين لاخويا السجن
وانا لما كنت ماشيه كنت خايفه وماما قالتلى انتى خايفه من قصص الرعب اللى بتقريها يلا لما نركب علشان متخافيش
وبتبص على رجليها لاقيتها لابسه فرده شبشب واحده والتانيه مقطوعه وسابت من رجليها بعيد شويه

ده اللى ماما فكراه من الحلم

اخويا مسجون بقاله ٨ شهور وعندنا امل فى الله انه هيفرجها علينا قريب باذن الله

نهر الحياه كتب:

اختى متزوجة حلمت انى ارتدى فستان سهره لونه سيمون وكان جميل عليا وبتقولي لو خسيتى هيكون احلى انسه