تفسير احلام يوم الجمعة الموافق 5\15 باذن الله

الحلم رقم (٢)
الحلم ده لواحدة صاحبتى ياماما نجيه ...

حلمت انى لابسه فستان أبيض هو مش حلو او وحش عادى يعني ... وكنت ماشية في الشارع لقيت فرح واحدة صاحبتي دخلته بفستاني الأبيض .. فصاحبتي قالتلي مش حينفع احنا الاتنين نبقي لابسين ابيض ده فرحي انا مش فرحك ... فصاحبتى العروسة غطت نص فستانى اللى فوق بقماشة ذهبي وكل ما القماشة تتحرك ترجعهالى تانى

انا مطلقه وطليقي عاوز يرجعي بس هوا اتجوز بعدي واحده تانيه فانا صليت صلاة استخاره كتير محتاره ارجعله ولا لا فحلمت الحلم ده

3
انا حلمت ان كان يوم فرحي بس مكنش في زغاريط ولا كده وكنت لابسة فستان فرح ابيض واعدة عشان اعمل ميكب وكانت بتعملي الميكب بنت كوافيرة انا عارفاها وكنت مضايقة اوي اوي علشان كنن عايزة اروح لكوافير مشهور بس قولت مش مشكلة هعديها وبعدين المكان اتحول لشارع وكنت ماشية فيه بفستان الفرح ومعايا شخص عرفت انه عريسي بس كنت مضايقة لاني معرفهوش واول مرة اشوفه وكان من جوايا نفسي كان يكون حد اعرفه ويعرفني وبعد كده ركبنا انا زهو عربيته ومشينا بيها علشام نلحق الفرح والناس وكان ببسوق بسرعة جدا وعربيته كانت قديمة بس حلوة واحنا ماشيين اعدت اقول في نفسي انا اتجوزت خلاص بس متجوزتش رامي يا تري لما يعرف اني اتجوزت هيزعل ولا هيبقي عادي وكش هيفرق عنده رامي ده شخص النفروض اننا كنا بنتكلم ومتفقين علي الارتباط بس انا قاطعته من كام يوم ومش عارفة حاليا هو نيته يكمل معايا علي اساس ارتباط او لا المهم ووانا بفكر فيه وبقول كده شوفت عربية شبه عربية رامي ده فقولت كان زماني رامبة في دي معاه مش هنا مع اللي معرفهوش ده وبعدين وصلنا الفرح وفجاة لقيت عريسي الغريب ده اتغير لشكل ابن عمتي وكنت خلاص اتجوزته اتكتب المتاب يعني اضايقت اكتر وبعد كده لقيت الميكب اللي عملاه مش اد كده نديت ماما وقولتلها بزعيق فين راندا الكوافيرة تيجي تظبطني مش كقاية كوافيرة اي كلام راحت جت وزبطتت الميكب شوية وبردوة مكنش عجبني وروحت مع عريسي اللي هو ابن عمتي وهو كان مبسوط جدا اننا اتجوزنا وكانه بيقول اخيرا فجيت دخلت الشقة معاه فوجئت ان انا وهو هنعيش مع اهله يعني هنام انا وهو وصاحبه وامه وابوه واخوه واخويا هنام في اوضة واحدة انا وهو علي سرير وامه وابوه واخوه علي سريرواخويا وصاحب ابن عمتي علي سرير قولتله ازاي يعني مينفعش واعتىضت ومن جوايا قولت اخيرا لقيت سبب افركش بيه الجوازة وجيت اكلم اخويا لقيت اخو ابن عنتي بيقولي علي صاخبهم انه شاذ فوجئت بكلامه ده ورجعت لعريسي اللي هو ابن عمتي قولتله مش هكمل معاك كده انا عايزة شقة لوحدي انا مكنتش اعرف ان ده هيحصل حاول يراضيني بس انا مكنتش طيقاه لقيته بيقولي معلش خوديني في حضنك اوي اخدته في حضني بس بعد كده بعدته عني وقولتله لا انا مش عايزاك وسيبته وروحت لاهلي قولتلهم علي الوضع دع وقولتلهم هطلق الطلاق هو الحل ومش هسمع كلام حد هطلق يعني هطلق ولقيت ابن عمتي جاي ورايا وبيحاول يقنع اهلي يرجعوني ليه وان الوضع ده مش بايده اهله اللي عايزين كده بس انا قولت لا يعني لا ووهو بيقنعني ببص جمبي لقيت في سوداني قشره لونه ازرق استغربت ومسكته اشوفه كده وانتهي الحلم وانا مبسوطة من جوايا ان الجوازة هتتفركش وانا زي ما انا يعني محصلش بيني وبينه حاجة يعني محصلش دخلة
مع العلم ان في مشاكل مع عمتي امه دي ومنعرفش عنهم خاجة من اكتر من سنة وهو فعلا امه كانت عايزة تجوزهولي بس احنا موافقناش

الحلم رقم ٥

السلام عليكم ورحمه الله وبركاته

ازيك يا ماما نجيه يارب تكونى بخير وسعاده دايما

ماما حلمت انها عند تيتا فى محافظه تانيه وراجعه البيت تانى فى المنوفيه وخالتى قالتلها انا هاجى معاكى 
ماما قالتلها طيب هنركب ازاى فى العربيه كده هنبقى كتير لان جدى قال هيجى معايا 
اركبى بقى قدام مع اولادك وشافت جدها واقف معاهم لكن مكن جدها كان فى شكل واحد جارنا متوفى وهى كانت بتتكلم على اساس ان هو ده جدها 
وفى الحقيقه جدها متوفيه والراجل جارنا متوفى

اخويا مسجون بقاله ٧ شهور ومحكوم عليه ب ٣ سنين سجن وحالتنا كلنا صعبه جدا