تفسير احلام يوم اللاحد الموافق 5\3 ان شاء الله

الحلم رقم 1
***********
حلمت اني كنت ع واحده زميلتي و ولدت طبيعي بدون الم و جبت بنت اموره قوي و مش عارفين من جمالها نقول ولد و لا بنت و فرخانه بيها و روخت عند بيت بابا القديم و اللي يسئلني مين دي اقوله ده يوسف ابني و هي لابسه لبني قولت لاء دي بنت و الجيران مكانوش عايزين حد يشوفني ع لسه والده فا دخلت عندهم البيت و كلعت الجران اللي تحت ندهو عليا نزلتلهم بالبنت بس البنت كانت مولوده يسنان و ضروس منهم ضروس ف مكانها و جمب بعض كده عند اللسان و معورها بس بابا شالهم و قال هي بس فطريات او تسوس ممكن ينتشر ف بقها و كنت و قولت مش مشكله و البنت عينها كانت غريبه و قولت ايه ده هي عميه هتشوف بواحده بس و بعد كده لاقيت عنها بقت عادي بس كنت فرحانه بيها و قلت اللبني اللي هي لابساه تفلعه و تلبس اللي باباها جابه
***************************
يوسف ابني ده مات و حملت بعده
انا بولد قيصري مش طبيعي
جوزي فعلا جاب للبنت لبس
انا كده ف الشهر الخامس

2
حلمت بخطيبي بعتلي دعوة فرحنا بس مش مكتوب فيها التاريخ وخلص الحلم علي كدة
مع العلم اني مخطوبة وعندنا مشكلة في موضوع الشقة
ومعلش يا ماما من يومين حلمت حلم وحضرتك فسرتيهولي
حلمت ان فيه قطة لونها اصفر في ابيض عديت من جنبي وتقريبا خبطت فيها من غير ما اقصد فضلت عمالة تبصلي بقيت اهوشها عشان تبعد عني وهي مش راضية وبتبصلي بصة كأنها عايزة تموتني وبقت عمالة تقرب عليا وشكلها متوحش عندها سنتين في بوقها بس بعدين لاقيت اختي عمالة تقولي علي دعاء اقوله عشان تبعد عني بقيت مش عارفة انطق واقوله وكل اما احدف عليها حاجة عشان تسيبني وتمشي الحاجة متجيش فيها بعدين فضلت تقرب عليا وفجأة اتحولت لبنت بس ماعرفهاش وفضلت تقولي خوفتي ليه مش كنتي بتحدفيني دلوقتي واختي مسكتها وتقريبا انا كمان والحلم كله عند بيت عمة ماما الله يرحمها انا كنت بروح كتير هناك وانا صغيرة
وخلص الحلم علي كدة مع العلم اني مخطوبة وكل يوم اتخانق مع خطيبي من غير سبب واخترع اسباب عشان اتخانق معاه وابقي مبسوطة بكدة مش عارفة ليه كدة واسفة جدا للتطويلحبيبتى عليك قبل نومك ان تتوضئ وتقرئ الفاتحة ثم اية الكرسى ثم سورة الاخلاص ثم المعوذتين ثلاث مرات وكرريهم صباحا وشغلى سورة البقرة فى حجرتك وان شاء الله هتكونى بخير
النهاردة حلمت اني رايحة شقتنا القديمة ومقيمة فيها وطلعت قدام الشقة انا واختي لقيت القطة دي برضه واقفة قدام الشقة ولما انا واختي دخلنا الشقة حاولت تدخل وانا واختي قفلنا الباب بس هي هي نفس القطة اللي كانت في الحلم اللي فات
وخلص الحلم علي كدة

حلم رقم 3
حلمت اني عندي فراولة كتير وبهرسهابالخلاط الكهربائي عشان اعمل منها عصير وكنت  كل شوية اضيف فراولة عالخلاط
وقبل بكم يوم شفت برضو اني بطهو حليب مع فراولة وكان حجمها وشكلها روعة 
متزوجة عندي ولد مش حامل
-

4

حلمت اول امبارح خير اللهم اجعله خير انى قاعدة على ترابيزة مع واحدة صاحبتى اسمها سالى ( هى مخطوبة ) وقاعد معانا على نلفس الطرابيزة واحد نعرفه فى الحقيقة اسمه عمر ( متزوج وهو ظابط جيش) وقاعد جنبه بسيونى اللى موضوعه خلص ده وبعدين كنت قاعدة انا جنب سالى وكنت قاعدة باكل من سمكة لحمها طرى وابيض كده وجمييييل جدااااااا وبعد ما خلصت اكل روحت وقفت معاها وقعدت اتكلم معاها ولقيتنى لابسة فى رجلى شراب طويل كريستال بيلمع ولابسة جزمة لونها نحاسى على الشراب ده ولقيت بسيونى قاعد يبص للشراب والجزمة اللى فى رجلى فانا مكلمتوش ووقفت وكملت كلام مع سالى صاحبتى ... بس كده 


ومعلش منام  كنت شوفته اول امبارح كمان حلمت خير اللهم اجعله خير انى واقفة قدام حمام سباحة انا وواحد معايا وكان فيه مسابقة سباحة رايح جاى فى الحمام فانا كنت خايفة فى الاول بس قلت خلاص هنزل المياة واتوكل على الله بس المية كان فيها بعض ذباب اسود طافى على سطح المياه كده فقلت مش مشكلة هستحمل عشان اعدى المسابقة دى وبعدين لقيت فى ايدى خاتم دهب كبيييييييير وعااالى وانسيال فخوفت لا يقعوا منى فى حمام السباحة فاتأكدت ان الخاتم مش واسع فى ايدى ولقيته مظبوط وفعلا نزلت وكنت بعوم بمهارة كويسة جدااااااااا وكنت بكاد بسبق الشاب ده وبسبح اسرع منه وبوصل لنهاية المسبح اسرع وكان الخاتم والانسيال فى ايدى الحمد لله مش بيقعوا وبعد ما خلصت المسابقة طلعت من المية مش لابسة اى حاجة خاااالص  وروحت بسرعة اتنشف واتغطى بفوطة فاخترت بشكير ابيض كبير لفنى كلى واتنشفت بيه ولقيت والدتى من بعيد بتنده عليا وماسكة هدومى وبتقوللى تعالى بقا يا ايناس البسى هدومك اهى معايا اهى وخلص المنام على كده .... مع العلم انى لسه عارفة من شوية ان اتحددلى ميعاد لعرض خطة الماجستر انا وطالب معايا وربنا يعدى اليوم ده على خير ويقبلوا الخطة بتاعتى .... ادعيلى يا طنط الله يخليكى