تفسير احلام يوم الخميس الموافق 4\30 ان شاء الله

الحلم رقم 2
انا حامل وحلمت ان جوز خالتي هو راجل كبيىر عالمعاش حلمت انه قابلني فسوبر ماركت بيدور علي ملح وان الملح مبقاش موجود خالص والناس كلها بتدور عليه انا قعدت ادورله ولقينا ملح بس مش كتير هو اخد المعظم وانا اخدت كيسين بس مكنتش عايزة اخد كتير وكان غالب جدااااا تقريبا الكيس ب40ج وكلمت ماما قالتلي انا بجيبه بليل رخيث خالص وجوز خالتي كان جاي من محافظة تانية ..خير يارب

3 
حضرتك نسيتى تفسرلى المنام ده امبارح 

حلمت خير ان شاء الله انى لابسة فى ايدى اليمين دبلة دهب وجنبها خاتم بفص اسود من اللى هوه فص الياقوت ده وكان فصه كبير ولابسة معاهم اسزرة دهب ابيض وبعدين كنت جايبه معاهم علبة شبكة فبها قال ايه باقى شبكتى ولقيت بابا جايبلى فوق سبكتى كهدية منه عقد بفصوص نبيتى كده وحلق بنفس فصوص العقد كطقم وكنت بقول هو عموما بابا جايبهملى هدية ومش هياخدهم منى فبعدها لقيت اخويا داخل فروحت قالعة الحاجات من ايدى بسرعة وعايناهم فى علبتهم وقلت انا مش عايزاه يشوفهم فى ايدى دلوقتى خليه يشوفنى لابساهم بس شوية كده وبعدها دخلت المطبخ وكانت اختى معايا واكان فيه مواعين كتيييير فى الحوض فقعدت اغسل فيها لحد ما خلصتها كلها فاختى قعدت تقوللى برافو عليكى عرفتى تخلصيهم كلهم رغم كترهم بس كده



معلش منام كمان 
حلمت خير اللهم اجعله خير انى متجوزة شاب يشبه خالد ابن عمى ( خالد ده متزوج ونحسبه على خيروعايش فى امريكا  ) وكنت فرحانة بيه اووووى ولقيته جايبلى مكانين اسكن فيهم وكان زى ما يكون سايبنى اقعد فيهم ومسافر فالمكانين دول منهم كان جناح فى فندق بس عامل زى الشقة بالظبط ومفروش كامل وزى ما يكون مخلفة منه ولد صغير وكان تعبان لحد ما شوية بشوية لقيته مات !! وبعدها روحت بقا شقتى الاصلية لقيتها برده فرشها حلو بس لقيت الصالون بتاعى اللى فيها انتيك مش الصالون العادى ده وخشبه المدهب كتييييير ولقيت موجود معاه دولاب صغير مدهب فيه ادراج فبفتح الادراج لقيت فيها فساتين جمييييلة والوانها حلوة ومن حرير فطلعت منها فستان حرير لونه اخضر فاتح عشان البسه فى بيتى ده فجت واحدة قريبتنا تتفرج على السكنين بتوعى دول فبقولها ايه رايك قالتلى كويس !! وهى مش عاجبها كده فاستغربت وقلت مالها ده الشقة تحفة والله !! 

رقم 4..حلمت انى قاعده ع اﻻرض و فيه ستات معايا واحنا قاعدين صفوف ورا بعض ع اﻻرض وانا كنت باقرا قران و انا ماسكة مصحف او حاجة مكتوب فيها قران ..و بعدين اتاثرت من القران و عينيا دمعت ..لقيت ورايا ستات بيندهو عليا و زى انا ماكنتش مركزة معاهم و بعدين لقيت ازازة بيبسي كبيرة و حطيت شوية ف كوباية وقلت مش هاشرب كتير و اديت الستات اﻻزازة ..اللهم اجعله خير

رقم 5 ..حلمت انى ماسكة عباية لونها بيج غامق شويه لون الكاكاو كده ..و زى طلعتها من دوﻻبي و قلت انى هارميها خﻻص و سبتها وبعدين مسكتها تانى وقلت ماهى حلوة اهى خﻻص اخليها ...حلمت كمان ان جوزى معاه حاجات دهب وهو رايح يبدلها عند بتاع الدهب و كان فيها لون اسود مع لون الدهب و بعدين زى لقيت حاجات دهب تانيه ف البيت و قلت هو جوزى متضايق ليه ماهو عندنا دهب تانى اهه ..و بعدين فيه راجل وافف معانا بيحاسبنا كانه بيحسب فرق الحساب و بيقول انه فاضل له 9 جنيه وانا قلت لجوزى اديهم له ..