السلام عليكم ورحمه الله تعالى وبركاته
إزيك ياماما نجيه .... إن شاء الله تكونى بصحة وبخير .....
أنا حلمت إن أنا وأختى زى ما نكون راكبين العربية مع زوجها ورايحيين عند بيت عمى زى ما يكون رايحيين نحضر عزا وبعدين زوجها قابل واحد صاحبه فنزل من العربية يكلمه وقفل العربية وشغلها وقال روحوا إنتوا فأنا قولتله هنروح إزاى أنا مش بعرف أسوق فقال أنا مشغلها أتوماتيك وفعلا العربية مشيت بى أنا وأختى وقابلنا عربيات كتير بس كنا بنتفادها فأنا قولت لأختى أنا إيه اللى جبنى معاكوا ما أنا كنت بعيد عنوا إيه اللى خلانى أركب معاكوا ووقفت العربية فعلا عند بيت عمى ونزلت أنا وأختى وأنا اول ما نزلت من العربية وعلى عتبة البيت إستفرغت قطع سودا زى ما تكون حتت شيكولاته ودخلنا حضرنا العزا وبعد كدا أنا مشيت مع واحدة معرفش من العزا ولا لأ بس زى ما يكون كانت معانا فى العزا وكنا ماشيين فى طريق شبه فاضى وفى أخره بيت كبير زى ما يكون فى قرية أو عزبة مش عارفة فأنا قولتلها إستنى نغسل إيدينا الأول قبل ما ندخل بس هى قالت ما فيش مايه فأنا جبت ليمونة ودعكت فيها إيدى وإدتها ليها دعكت إيديها ونشفنا إدينا بفوطة ودخلنا قعدنا فى مكان ضلمة فى الجنب وكان والدى رحمه الله تعالى ووشاب وأبوه قاعدين مع بعض فأختى الكبيرة دخلت من الباب فرحانة وكانت لابسه فستان أصفر ودخلت عليهم جرى باست إيد أبو الشاب وراسه وبعدين سلمت على بابا حتى بابا كان مضايق إزاى مش تسلم عليه هو الأول ودخلت ومش فاكره هى سلمت على الشاب ولا لأ بس أعتقد سلمت عليه فالست قالتلى قومى إنتى كمان سلمى عليهم بأه كدا ما ينفعش فدخلت عليهم وكنت لابسه فيست أبيض فى إسود سلمت الأول على والدى رحمه الله عليه وبست إيده وراسه وكان مبسوط قوى ومفتخر بيه إنى عملت كدا وكبرت بيه هو الأول وبعدين سلمت على والد الشاب عادى بإيدى بس فهو قالى فلان قصده إبنه الشاب اللى كان قاعد جنب بابا رحمه الله عليه جابلك العربية بتاعتك فأنا فهمت من الراجل إنوا بيختبرنى لإنى زى ما يكون مترددة فى الموضوع ومش عايزه اوافق فأنا قولتله ربنا يسهل ياعمى وقولت فى بالى هو فى حد بيجيب عربية لحد فى الخطوبة هو الراجل دا بيشتغلنى ولا إيه وبعدين سلمت على الشاب هو كان فيه شبه من امير قطر هو مش كان راضى يسيب إيدى وسحبت أنا إيدى منه براحة وكان بيلمسها أوى ونظرة عينيه كانت قوية لدرجة إنى إتحرجت من الناس وشديت إيدى منه ومشيت لدرجة إنى كنت مدياله ضهرى وبمشى وهو لسه ماسك إيدى
أنا وإخواتى بنصلى الحمد لله تعالى .......... أختى اللى كانت راكبه معايا العربية متزوجة وعندها ولد ......... وأختى اللى دخلت البيت وأنا مش مرتبطين ..........
