تفسير احلام يوم الاحد الموافق 4\19 ااذن الله

الحلم رقم (1)
حلمت ان جوزي عنده مشكله في عربيه الشغل و نزلنا منها انا و هو و ابننا و مشينا و كاننا سبناها لصحابها و مش هيشتغل فيها و مشين شاورنا لعربيه و ركبنا سفينه كبيره من مرسي و مشيت و كنا فاكرين هتوصلنا مكان قريب لكن منفعش تقف و مشيت و اتاريها هتروح البخرين خفت و قولت لجوزي ننزل طيب حتي ننط و ننول ف اقرب مكان بدل ما نطلع بره الحدود و نطينا حتي حافيين و المكان كله شمس نزلنا علي صحرا و بقيت اقول للناس انا نسيت شنطه شبشب يحدفوه و سيبت بنتي بعد كده قولت لواحده احدفيها و انا هلحقها و حدفتها و قولت مش مشكله هحميها و تبقي نضيفه والمكان ده كان قريب من بيت حماتي بس احنا حافين و الدنيا شمس و شنط و عيال و مفيش عربيه وركبنا وصلنا ع حماتي و معرفش وصلنا بسرعه ازاي بالرغم من ان المكان بعيد ع بيتها و شوفت خالات جوزي بس هما مشفوناش و قولتله اهم
( جوزي عنده مشكله ف الشغل بسبب عربيه الشغل وانا حامل في بنت )

الحلم رقم ٣
السلام عليكم ورحمه الله وبركاته

ازيك يا ماما نجيه يارب تكونى بألف خير وسعاده يااااااااااارب

ماما حلمت انها نازله السلم بتاع بيتنا قابلتها بنت صغيره من جيرانا جايبه طبق فيه جبنه بيضه فلاحى وعليه رغيفين عيش
وماما شالت الرغيفين لاقيت الجبنه فقالت للبنت مامتك وزنت الجبنه دى نص كيلو قالتلها اة
وخدت منها الجبنه لكن العيش قالتلها تحمصه شويه وتجيبه

وبعدها حلمت انها بتسوى فراخ فى اوضه نومها

حلم 6
انا حلمت ان بابا جبلي عربية صغيرة وجميلة ولونها ازرق في ابيض وبعد كده المكان اتغير لزي مكان بمتحن فيه وكنت بحل عادي الامتحان كان طويل بس بخل وخلصت لما الدنيا ليلت بعد كده خرجت من الامتحان عشان اروح لقت ناس من الجيش بيمتحنوا كتير اوي فقولت ادخل واساعدهم بس كنت كل ما بهبصلهم حاجة تظهر حاجة لمبقتش لحقة اخلص فلقيت واحدة بتقولي انتي البي معطلة نفسك سبيهم وروحي هما يخلوا بنفسهم ويخلصوا وفعلا سمعت كلامها وانتهي الحلم

حلم رقم7
اختى الصغيرة انها بتزعق لاختى المتوسطة وكانت بتزعقلها بصوت عالى جدا صوتها كان غريب جدا وهى بتزعقلها بس مش فاكرة كانت يتزعقلها وبتقولها اية

مع العلم اختى ف تانية ثانوى

الحلم رقم8
انا حلمت انى كنت ماشية ف منطقة اللى ساكنة فيها خالتى كان معايا اختى وكان معانا فلوس حوالى 500جنية وكنا ماشيين انا واختى وكان ف واحدة ست ومعاها بنتها وكانت متبعانا انا واختى طمعانة ف الفلوس اللى معانا فدخلنا انا واختى محل دهب عشان نشترى حلق لماما والست وبنتها دخلوا ورانا وحاولت تشد الفلوس مننا بس انا مش سمحتلها وقعدت ازعقلها وطردتها برة المحل قولتلها لو جيتى هنا تانى انا اخويا بوليس وهخلى يمسكك قامت اخدت بنتها وخافت وخرجت برة المحل المهم انا واختى نقينا حلق دهب صغير وشكلة رقيق ةكنت فرحانة بى اوى عشان جبناة لماما واشتريناة وخرجنا انا واختى من المحل ومروحين فانا ماسكة ف ايدى الورقة اللى فيها الحلق بحسس على الحلق لاقيتة حلق كبير ومدور فمستغربة قولت لاختى احنا غلطنا ف الحلق ولا اية احنا مش الحلق جايبينة صغير قالتلى اة قولتلها امال اية دة قالتلى متهيالك والحلم انتهى

انا واختى انسات

9
حلمت خير يارب ان بنت خالتى ( انسة) لقيت ماما بتقولى دى اتخطبت واجهزى بقا عشان كفلة خطوبتها فانا قعدت استنى ميعاد معين للحفلة وكل شوية يتاخر ساعة فقلت خلاص هلبس انا وخلينى جاهزة فروحت لالسة طقم عندى وعليه كوتشى بنى عندى كنت حساه هيطلع ضيق بس والله طلع عكس كدن ومريح وواسع ولبسته وروحو لابسة سلسلة فيها قلب كبييييير كانت عندى من زمان وروحت لابساها على الطقم وكل ده وانا مفكرة انى اتاخرت ع خطوبة بنت خالتى اتارى لسه برده هى مش بدات خالص لحد ما قالولى انها هتبدا 1 باليل فقلت ياه متاخر اوى خلاص هقعد بلبسى بقا استنى ووانا مستنية لقيت كسوتين لكرسيين الانتريه اللى عندنا روحت ملبساهم فيهم وبعدها لقيت واحدة اعرفها بتسالنى انا جبت السلسلة دى منين قلتلها دى كانت عندى من زمان وقمت بقا عشان اروح الخطوبة ...

حلم رقم 10

حلمت خير اللهم اجعله خير اني كنت في الطرقه ومعايا اختي الصغيره ولاقيت حاجه صغير بتجري من جنب رجلي ببص لاقيته ثعبان اسود تخين وقصير يجي قد نص الذراع وديله رفيع واستخبي وراء بابا المطبخ وانا بقول لاختي طيب ازاي افرضي بخ في الاكل احنا ممكن نموت قالت لا متخفيش ده عايش في البيت من زمان مش منه ايذاء لانه مش بيعمل حاجه 


لما قمت سمعت ام بتكلم اختي اني اختي شافت نمر اسود ضعيف جدا وطويل وعيونه حمرا عند التسريحه ومسك اديها وبداء يتمم في ودنها وهي مش فهمه ولسنها مش قدرة تحركه بس شافت ايات قرانيه على الجدار وقراتها بعنيها بس

هل ده ليه علاقه بالحلم بتاعي طيب وايه الحل يا ماما وجزاكي الله خيرا

11
النهارده الظهر كنت عند اختى في بيتها و نعست على الكنبة قبل اذان العصر . حلمت اننا في بيتنا عند بابا و كأن انا و بابا راجعين من سفر. بابا دخل غرفته عشان يستريح و انا دخلت المطبخ بروق فيه. فتحت دولاب من ضرفه واحده عندنا (موجود في الحقيقة) لقيت فيه زي علبة كرتون زي بتاعت الكورن فليكس الكبيرة و زي ما يكون فيها اكل بايظ او عيش قديم و عليها ذباب اسود و طلعتها من الدولاب و الذباب بقه بيلزق في شعري و لما اجي اشيله بشيله بايدي مش بيتهش و يطير- لازق كده كام واحده.
فتحت التلاجه لقيتها برده مش مضبوطه. ندهت على اختى الصغيره (اللي انا في الحقيقه كنت نايمة في بيتها) عشان اوريها . وفعلت وقفت معاي في المطبخ تشوف الحاجات دي.
 
شوية و كانت اختنا التالته في اوضتي و سمعت بابا بينده من اوضته اننا نخليها تسكت (زي ما تكون كانت بتقرا كتاب بصوت عالى او بتسمع او بتحفظ قرءان بصوت عالي ) و بابا عايز يستريح و قال في وسط الكلام اذا كانت ما سالتش عني طول ما انا مسافر...الكلام ده كله سمعاه وانا في المطبخ انا واختى الصغيره.


اختى الصغيرة بعد الكلام ده لقيتها بتقولي ها اطلع الطماطم و اعصرها عشان الطبيخ...وانا في سري بقولها لا اجليها للصبح عشان الصوت وبابا مش ناقصين. وصحيت على كده.


انا انسة وعايشة مع والدي ،  اخواتى اللي كانوا معاي في الحلم متزوجات وعندهم اولاد الحمد لله. اختى الصغيرة بتجهز شقتها في بيت بابا عشان ان شاء الله تنقل وتقعد باسرتها معانا اما الاخت التانية فهي عايشه مع زوجها خارج مصر.


وجزاك الله كل خير