تفسير احلام يوم الخميس المةافق 4\9 ان شاء الله+

الحلم رقم 1
معلش يا امي الغالية 
انا صاحبة حلم الرجل العاري بتاع امبارح
رجاء انا عايزة من حضرتك تفسير الحلم 
ما معناه لانى قبل كده حلمت بعضو رجل يلامسني ويحاول معاشرتي وكنت وشكت انى حاسة بيه كانه حقيقه
ارجوكى فهميني 
وشكرا لتعب حضرتك

السلام عليكم ياماما

حلم رقم ٢

حلمت خير ان خالى اللى عامل معايا مشاكل وبيتكلم فى ضهرى انى عنده فى بيته وانا لابسه بلوفر طلع منه دود والدود بيتحرك كاءنه مغزول فيه وكان بيبص عليا وبيقولى مستحملاه ازاى. انا قلعته .واتنقل الحلم ان جوزى عمل لحمايا دولاب لان دولابه اتكسر ب ١٥ الف وكان بيدى طارق ابن خالتى شاب فلوس اجنبيه وكانوا كلهم بيقولوا عاوزين منها علشان يدفع تمن الدولاب ومشيت علشان جوزى مستنينى فى شقه واسعه جميله منوره دخلت لقيته بيستحمى فى الحمام والحمام كان مجهز جدا كلمته ومشيت دخلت المطبخ اطبخ كان رز بالجمبرى والمقادير كانت جاهزه وكنت بطبخ بسرعه واتبهت لنفسى وقلت براحه وطلعت بصيت من البلكونه لقيت بابا جايب بنتى وكانت اكبر وكانت بتتحرك فى الهواء بخفه ومهاره وخرجنا انا وجوزى وبنتى اعدنا على البحر وكنت زعلانه منه على موضوع الدولاب انه اتصرف من ورايا وانه عمل كده من غير مايقولى وقلتله رايحه الحمام اخدت البنت ومشيت على الشاطىء والبحر كان هادى ووصلت لحمام دخلت وبنتى وقفة برا مستيانى اعدت اعيط جوه لانى زعلانه طلعت لقيت جوزى واقف على الباب وبيقولى سايبه البنت كده لقيت فجاه على الباب سلم الومنيتال . بنتنا فى الحلم كانت اكبر وجميله.

انا بصلى الحمد لله خالى اللى فى الحلم بيتكلم عليا من غير مااعمله حاجه اختلاف فى وجهات نظر بس، حمايا بيخلى جوزى يسدد حاجات وديون منه لانه عطيه شقه بفواتير .
جوزى مسافر وعلاقتنا بنحب بعض ومتفاهمين الحمد لله وعندنا بنت بيبى سنه ونص. جزاكى الله الجنه ياماما.

الحلم 4:

السلام عليكم انا حلمت اللهم اجعله خير اني ركبت المكروباص فلم اجد مكان اجلس فيه و طلع وراي شخص بيشتغل معايا فجلس في مكان و بقيت انا واقفة و بعدها كنت ساجلس بجانبه و كان المكان ضيق فلقيت انه بجانبه من الجهة الاخرى مكانين فارغين و في امراة جالسة في المقعد الثالث و هو مش راضي يتحرك باتجاهها و بعدها جلست بجانبه و لصقت فيه و بعدها لقيت انه حياكل ملوخية و كانت الدنيا رمضان فانا اخذتها من امامه حتى لا ياكل منها فلما التفت اليه لقيت انه اكل منها ناسيا انه  صائم. انا انسة، الشخص الي شفته اتمناه زوجا صالحا. جزاكم الله خيرا.

6

حلمت خير اللهم اجعله خير انى فى محل اكسسورارت ومعايا اختى وصاحبتها وماما وبختار حاجات البسها وبعدين فى الاول اخترت طوق كده على راسى فماما قالتلى لا مش حلو فقلعته وبعدين اخترت اسورة لبستها فى ايدى وبعدين لقيت خلخال روحت لابساه فى رجلى وكنت وانا ماشية بيه قاعد يرن فى رجلى ويعمل اصوات جميلة وكنت فرحانة بيه اوووى وبعدها لقيتنى فى بيتنا ولقيتنى لابسة ايشارب حرير وجلابية شيك كده وعرفت ان ده عزاء والدتى ( ربنا يعطيها العمر والصحة يارب ) والناس قاعدة تيجى وتعزى ستات ورجالة وبابا وكنت انا بخطب فيهم عن ما يحدث لروح الانسان بعد الوفاة وبابا كان رايح جاى ينظم العزا الناس اللى قاعدة وانا كنت قاعدة بعيط عليها اوووووووى بس مش بصوت وكنت حزينة عليها اووووى وقمت من المنام متأثرة جدا 


ومعلش منام كمان 
حلمت خير اللهم اجعله خير يارب ان اختى جايبالى حمامة بيضاء وشكلها جميل ووديع اوى وبتقوللى امسكيها فانا مسكتها وجبت عنب اخضر وقعدت اكلها فى بقها وكانت الحمامة بتاكل منى وكنت قاعدة بتطبطب على الحمامة وبحسس على ضهرها وكانت وديعة كده وسكونة فى ايدى 

حلم رقم 7
حلمت يا ماما نجية  اني طلعت فوق النخل وكنت باطلع وانزل تاني