تفسير احلام يوم الاحد الموافق 4\5 ان شاء الله

الحلم رقم 1
استفسار 
حبيبتى اختك وزوجها ربنا هيوسع عليهم ان شاء الله  اما انت محتارة لان والدك ممكن يرفض هذا الشخص وعموما عو فى سفر ولم يتضح فى الرؤيا ان فيه نصيب ام لا اعملى استخارة عليه
 يا ماما انا كنت بطلب من ربنا يبين لى مين هو جوزى يعنى كنت عاوزه اعرف استناه ولا اشوف حياتى وحلمت بيه بس انا فى الحلم كنت مخنوقه انه ما اخدش اى رد فعل كان قاعد ومش هامه وعلى فكره هو لو اتقدم بابا مش هيرفضه لانه مركز وكدا 

حلم لصاحبتي

رأيت في المنام كانا في بيت ماعرفه وبعدين شفت زوجي وأخوه الكبير ودخل أخوه الكبير بغرفة كأنها قسم رجال وانا مستحيه منه مابيه يشوفني لاني كاشفة وماعلي عبايه بس الغرفه اللي دخل فيها بأبها فيه فتحه وانا أتخبى اخاف يشوفني مع الفتحة كأنها مكسورة علما أن الباب خشب وبعدين أشوف امي وابوي جالسين بصالة بينها وبين الغرفه اللي فيها أخو زوجي الباب اللي فيه كسر وانا واقفه بعيده شوي عنهم واشوف زوجي قرب من امي وابوي كأنه قال ابوي كلام بينه وبينه وبعدين قرب من إذن امي وقال لها كلام وبعدين عطي امي فلوس كأنها عشره ريال امي وابوي أحسهم مبسوطين مو متضايقين وزوجي احسه مو مبسوط كأنه متضايق وانتهى الحلم

الحلم رقم ٧

السلام عليكم يا ماما حلمت خير اللهم اجعله خير اني معزومه عند حمات اختي الصغيرة واحنا قعدين جاء لنا. خبر وفاة حد نعرفه ولبسنا ورحنا عشان نصلي صلاه الجنازة عليه وبابا هو اللي هيكون الامام بس كان في حد بيدايقني وانا مش مدياله وش خالص بس عرفت انه طليقي ووانا مشيه لاقيت حد اداني ازازه عطر فيها عود واخدتها ومشيت وكنت لبسه عبايه سودة وكاب ووجونتي ودخلت المسجد وسلمت على وحده اعرفها


للعلم ان طليقي خطب وانا من فترة كنت كاتبه لحاضرتك حلم وقلتيلي انه هيخطب فعلا
وجزاكي الله عنا كل خير

حلم رقم 9
انا حلمت ان انا واسرتي رايحي يوم  نقضيه في مارينا الساحل الشمالي وروحنا فعلا وهناك لقيت بنت عمتي اخدتني ومشينا مع بعض وروحنا اواحد اسمه عم ابراهيم نشتري منه حاجات  وبابا كان قايلي اسالي ابراهيم علي سعر المشاية كام علشان اجبلكم واحدة المهم روحت انا وبنت عمتي فسالت عم ابراهيم مردش عليا ومعطنيش اجابة وبعد كده لقيت عنده شنطة مليانة مكياجات روحت انا وبنت عمتي نشوف علشان لو عجبتنا حاجة نشتريها فلقيت قلم روج لونه بنفسجي غامق قولت اخيرا لقيت اللون اللي بدور عليه فبنت عمتي خبطت ايدي فقلم الروج اتنطر مني وسط الحاجة واعدت ادو عليه ملقتهوش تاني فقولتلها عجبك كده مش لقياه اهو ضيعتيه مني وهي اخدت حاجات وانا قولت لا خلاص مش عايزة ومشينا وبعد كده روحنا لكوافير هناك بس الكوافير مكنش نضيف خالص والبنات اللش يغالين جواه شكلهم غريب ووحش ومش نضاف كده ولقيت لحمة نية متعلقة ودم وحمامات مش نضيفة قولت لبنت عمتي ايه القرف ده ايه اللي جبنا هنا يلا بينا نطلع من المكان ده طلعنا وروحنا مكان زي مدرسة وهناك لقيت مدرسين من ضمن المدرسين دول الممثل هشام سليم وكان لابس قميص اورانج في اسود فقولتله ايه الجمال ده ومشيت فجري ورايا وقالي انتي  اللي جميلة اوي واعد يهزر معايا  ويضحك معاياا بس بنت عمتي كانت مستنية يجي يعمل معاها هي كده بس هو جالي انا وبعدين نلنا مشينا في الشارع فقولت لبنت عمتي انا عايزة اجيب خط تليفون قالتلي ماشي روحت وجبت فاول ما حطيته لقيت رقم بيكلمني وبيقولي انا اعرفك من زمان اوي وانتي تعرفيني قولتله انا معرفكش قالي طيب انا من وقال المدينة اللي هو منها بس مش فاكراها بس هي مدينة ريفية وعارف انك من اسكندرية ايه رايك لو انزل واجيلك وتشوفيني هتعرفيني علي طول قولتله ماشي وفعلا نزل وشوفته وشافني بس انا قولتله انا معرفكش قالي بس انا اعرفك وكان مبتسم وابتسامته حلوة اوي وطفولية جدا وبعدين واحنا ماشيين لقيت قلم تحديد شفايف معاها لونه حلو اوي قولتلها الله لونه  جميل انا هاخده قالتلي خديه  واخدته منها وانتهي الحلم 
مع العم ان بنت عمتي دي متجوزة والعلاقة بينا مقطوعة وفي مشاكل معاها وعم ابراهيم ده انا اعرفه في الحقيقة

الحلم رقم ١٠

السلام عليكم ورحمه الله وبركاته

ازيك يا ماما نجيه ربنا يبارك فى عمرك ويديكى الصحه ياااااااااارب

انا يا ماما اخويا مسجون وله جلسه يوم الخميس ان شاء الله المحامى هيطلب فيها وقف النفيذ املها مش كبير لكن انا املى بالله كبير ان ربنا يكرمنا فيها 


انا حلمت من كام يوم ان اخويا المحبوس ده فى مستشفى وانا واخويا التانى معاه وكان معانا شباب بيكلموا اخويا التانى فى مشروع تقريبا وانا مكنش عاجبنى الكلام وقولتلهم يلا نمشى 
انا واخويا التانى خدنا اخويا المحبوس وخرجنا بيه على اول المستشفى ورايحين على البوابه كان فيه امن هناك وقبل ما نوصلهم قولت لاخويا المحبوس ليه مغيرتش هدومك الزرقه دى ولبست اى حاجه بدل ما يوقفونا
المهم وصلنا للامن وقاللونا انتم رايحين فين مينفعش يخرج معاكم وانا قولتلهم لا ده خلاص خد وقف تنفيذ 
هما قالولى احنا منعرفش الكلام ده ومش هينفع يخرج وانا قولتلهم طيب لو هو لسه محبوس مش كان هيبقى فيه حرس عليه او فى ايدى كلبشات
هو قدامكم اهو لا فيه حرس ولا عساكر ولا كلبشات 
وقولت لمحمد اخويا خده انت وانا هتكلم معاهم فعلا محمد خد اخويا المحبوس وركبه عربيه ومشيوا 
وانا فضلت اقنع فى الامن انه خلاص مش محبوس واحد فيهم قالى لو طلع محبوس هنكتب فيكى مذكرة وعموما انا هتصل بالسجن اسأله قولتله اتصل وراح واقف فى جنب ومسك تليفونه علشان يكلم السجن 
والحلم خلص على كده


معلش يا ماما حلم تانى لاخويا اللى فى السجن حلمه من فتره

اخويا حلم انه دخل اوضته اللى فى البيت هنا لاقانى قاعده على سريره بعيط جامد وهو كان بيكلم بنت فى التليفون قام قالها طيب انا هقفل معاكى دلوقتى
وقفل معاها وقعد جنبى وحضنى وعيط جامد وسابنى علشان يروح يعمل اللى حاجه اللى ترضينى ومتخلنيش اعيط

وخلص الحلم على كده

ربنا يباركلك يا ماما ويكرمك يااااااااااااارب