ماما انا شوفت خير اللهم اجعله خير انى زى ما يكون رايحة احجز دروس وكنت عايزة احجز درس رياضيات عند مدرس اسمه مجدى وبعدين احجز بعده درس لغة عربية والغريب ان المدرس اللى كنت عايزة احجز عنده اللغة العربية كان هوه بسيونى ده الشخص اللى بدعى من ربنا يكون نصيبى معاه وقلت الدرس هيبقى يومين فى الاسبوع يوم الاتنين والخميس وحتى لو ملحقتش ادخل حصة انهارده اللى هيا كانت يوم الاتنين على الاقل ادفع الفلوس وادخل يوم الخميس وكان ميعاد الدرس الساعة خمسه وكنت بجهزنفسى فلقيت مجموعة من الكشاكيل منهم كشكول جديد خليته للدرس بتاع بسيونى ده وكشكول كان مكتوب فيه قبل كده قعدت اقطع فى الورق اللى مكتوب فيه لحد ما بقى فاضى عشان ابقى استخدمه فى درس الرياضيات وبعدها كنت بكوى قميص احمر وكان القميص اكمامه واسعة شوية بس كان مالوف اوى بالنسبة ليا كانه بتاعى (على الرغم انى معنديش زيه فى الحقيقة) بس كنت حساه كبير عليا شوية بس كنت بكويه عشان البسه وعشان اروح بيه احجز وقلت يلا اهو يوم الاتنين بقا عندى فيه مشاغل على الرغم ان اليوم ده هوه اليومالوحيد اللى كان فاضى عندى فى الاسبوع ومكانش ورايا حاجة فيه وهضطر انزل فيه مخصوص عشان درس العربى ده خصوصا ان ميعاد درس الرياضة عدى ومبقاش عندى غير درس العربى اللى عند الشخص ده وكنت طلبت من ماما فلوس عشان المواصلات والحجز واديتنى 50 جنيه عشان المشوار ده ...اللى انا مستغرباله يا ماما معناه ايه لما يكون الشخص ده بقى بيشتغل مدرس لغة عربية وانا رايحة اخد درس عنده وتحديد الايام دى وبالذات يوم الاتنين اللى بقا مشغول ده !!!!!!!!!!!!!!!
