تفسير احلام الجمعة الموافق 4\3 ان شاء الله

الحلم رقم 1

ياماما نجية انا حامل وساكنة فاسكندية 
حلمت اني ساكنة فشقة واسعة اوى عكس شقتي فالحقيقة وشبابكها كبيرة اوى وكاني مفتحتش الشبابيك دي من فترة طويلة وفتحت شباك لقيته بيطل علي بحر او تقريبا نيل بس ميته مش صافية ولونها مخضر شوية ودخلت قطة من الشباك لونها مشمشي وكل ما اطلعها مترضاش تطلع وباردة اوى مبتخافش بس تقريبا طلعت فالاخر 
وبعدين رحت عند حماتي لقيت اخته بتنتقد الشقة قولتلها لية دي حلوة ليها 3بلكونات وبتطلع عالماية لقيت جوزي بيقولي شقة امي برضوه بتطل علي ماية لقيت فعلا بتطل علي ماية بس من جهه واحدة وزي بحيرة صغيرة
قولتلهم بس سبحان الله الشقة كبيرة والمطبخ صغير جدااا وهو فعلا نفس مطبخي فالحقيقة مع اختلاف الشقة
وقولتلهم دة انا ببص علي الحيطو من برة لقيتها مخضرة من الماية الي بتخبط فيها راح جوزي قالي في بيتين قبلنا الماية غرقتهم واتهدو 
والبيت اصلا زي مايكون وسط الماية يعني مفيش رمل ولا رصيف ولا حاجة الماية لازقة فالبيت علي طول وكان الدور الاول بس يبان كانه ارضي

3
معلش يا ماما الموبايل كان مش معايا وانا كمان نفسيتى تعبانة ومش باخد بالى منه اصلا لأن برده كان فيه عريس وشافنى وبعد القاعدة قال لا دى سنها مش مناسب انا عايز فرق سن ومش مرتاح مع نقارب السن ومش هينفع وعموما يعنى مش اول مرة بل تالت اقعد مع حد ويبلغ الرد بالرفض كده بقلة زوق يعنى اتعودت اترفض عادى
المهم انا كنت حلمت بعدها انى دخلت محل زى سوبر ماركت وكنت عايزة نوع كيكة معين فقعدت الف عليه بس مالقتش وبعدين لقيت نوع تانى بس احسن من اللى كنت عايزاه وكانت سميكة كده وأكبر حجما وبعدين روحت واخدة منها قطعتين وحطيتهم فى علبة تشبه علبة الجزم وجبت كمان عيش فرنساوي من الطوييييييل اللى بيبقطع قطع ده وجيت بقا احاسب فقدت اطلع فلوس فكة كتير من جيبى عشان أوصل لتمن الحاجة وكنت بحاول اطلع الفلوس من كل حته لان تقريبا مكانش معايا تمن الحاجة بالكامل فلقيت الراجل الكاشير راح مبتسم كده وراح مدينى الحاجة وفوقها ظرف كده فيه 100 جنيه ومكتوب عليه ارقام معظمها من رقم 7 وجنبه البلد دمياط الجديدة اللى هى بلدنا فانا خدت الحاجة وفرحت اووووووى وخرجت بيها من الماركت ...

ومعلش كان فيه بعدها منام كمان كان غريب شوية خير اللهم اجعله خير انى شوفت عمرو بن العاص والى مصر ولقيته قاعد على كرسى اشبه بعرش كده ولقيته بيقوللى تقدرى تسجدى جنبى هنا قلتله اه اقدر وعلى الرغم انى لقيت صعوبة شوية بس عرفت اروح جنبه واسجد جنبه وهو قاعد على عرشه ده وسجدت فعلا .... بس كده

الحلم رقم4

انا حلمت ان عماتى التلاتة جم عندنا ف الشقة بس كان ف اتنين جم الاول وقغدوا فالصالون وبعد كدة جت عمتى التالتة بعديهم ودخلت شقتنا وكلمت ماما قالتلها انها جايبال عريس وشغال ف البنك الاهلى وشخص كويس بس كانت عاوزانا انا ومامانلبس وننزل نروح البنك اكنك بنعمل اى حاجة عشان نشوفوا من بعيد ولو عجبنا عمتى تجيبوا البيتوبعد كدة عمتى قعدت دقايق ومشيت

مع العلم ان احنا ف مامشاكل جامدة ما بينا وما بين عماتى وكانوا اذينا وعامللنا سحر بس الحمدلله اتعالجنا وهما مش بيدخلولنا بيت ولا احنا بندخل بيت ليهم

الحلم رقم 5
اناحلمت ان خالتى جبتلنا فرختين وماما طبختهم وقعدنا انا واختى ناكل منهم فاكلنا واحدة والتانية قرفنا منها عشان كانت جسم فرخة ورتس قطة فقرفنا ورجعناها لماما وقولنالها ازاى خالتى تجبلنا الفرخة التانية كدة وخالتى كانت عندنا قالتلنا خلاص طالمامش عجبتكم يبقة بلاش اجبهالكم كدة تانى وانتهى الحلم

خالتى انسة

الخلم 6
انا حلمت ان بنت عم بابا خلفت 3 بنات او اكتر مش فاكرة والبنات دول جم البيت عندنا وبقوا منتشرين في بيتنا وبيعيطوا وصوتهم طالع وعاملين صوت للبيت ومنهم بنت كانت حلوة اوي بابا شايلها وعجباه اوي وبيضة جدا بابا قالي دي حلوة اوي ما شاء الله وبابا من فرحته بيها مكانش عايز حد يشيلها غيره وفعلا محدش شالها غيره وكان اخدها في حضنه وفرحان بيها اوي وقالي البنت دي اسمها هنا
مع ااعلم ان بنت عم بابا عندها بنت اسمها هنا فعلا زتواحنا مالناش علاقة بيها خالص مقاطعينها

السلام عليكم

رات جدتي ان امي تتحدث معها وقالت لها انا مظلومه وكانت تتحدث مع جدتي فقالت اين فلانه "اللي هي انا" واخذت تسال عني
وجدتي حلمت بامي مرتين 
__
في الواقع امي مطلقه ولم اعش معها