تفسير احلام يوم الاحد الموافق 3\15 ان شاء الله

الحلم 1
انا حلمت ان ف واحد,زميلي انا كنت من اسبوعيين جيباله هديه وادتهاله المهم حلمت انه رجعلي الهديه اللي انا جبتهاله ومعاها بيجامه صيفي نص كم جديده لونها سماوي وفيها ورد اببض صغير خالص فا انا بوري البيجامه لصحبتي بقولها شوفتي الزاي رجعلي الهدبه اللي جبتهاله طب انا دلوقتي هعمل بيها ايه بس
وبعدين غريبه الزاي يجبلي بيجامه.


انا انسه وهو اعزب
احنا صحاب من زمااان كنت بحس انه فيه شعور من ناحيته ليا
بس هو ماكلمنيش من ساعه ماخد الهديه وانا طبعا اتضايقت من قله الذوووق ان.حتي مفيش شكرا بعد ماخدها وندمت اني عملت كده وقدرته

حلم 3
ماما انا متجوزه و عندي ولد عنه سنه حلمت ان عندي بنت صغيره كده ولبسه حلق صغير بس شكله جميل و جوزي كان شايله علي طول بعدين كنا مسفزين احنا الاربعه ف نزلت من العربيه علشان اظبطلها كرسي البيبي و اخلي كرسيها مكان كرسي ابني علشات هو كبير و هي ابقي شيفاها لو عيطت او اديها تاكل بس .

انا متوسطه التدين متجوزه عندي ولد سنه
جوزي متوسط التدين

الحلم رقم 4
صاحبتي حلمت الحلم ده وبتقول
( كنا رايحين مكان زى فصل انا وايمان ومروه وياسمين وبنات تانى كاننا رايحين جامعه مثلا وبنتقابل الصبح ع باب مدرج نسلم فشوفت ايمان وحضنتها جامد جداااااااااااااااااا وقولت ايه البياض والبراءه دى على ايمان وجت مروه بنت خالة ايمان وقالتلها ياله هنتاخر ودخلنا جوه زى فصل وكل واحد خد مكانه )

صاحبتي انسة وايمان انسة ومروة بنت خالتها متزوجة ومعاها بنتين

حلم رقم ٥ 
انا حلمت ان عندنا ارض و انا بقول لبابا نزرعها ذره 

و حلمت حلم تاني غريب شويه 
حلمت اننا في حرب و ناس جايه علينا بأسلحه و انا بقول لماما دول الصليبين يا ماما قالتلي ايوه قلتلهاو عايزين يقتلونا ليه قالتلي عشان مبناكلش شوكلاته الي هي الشيكولاته الغامقة دي 

شكرًا جزيلا

الحلم رقم 6
انا ف شخص معجبة بى وبصلى صلاة استخارة علية
انا حلمت ان بكلم الشخص دة وبقولة انت طولك كام قالى مية حاجة وتمانين وبعد كدة انا عرفت ان  ف ناس هتهجم ع الشخص دة  وعاوزين يقتلوة  وهو نايم فانا قولت لازم اعرفوا عشان ياخد بالة   وفعلا قولتلة  وعرفتوا وفعلا الشخص دة كان نايم وف ناس هججمت علية لكن هو اتصدى ليهم  ومشوا بعيد عنة

مع العم ان طولة ف الحقيقة 179

حلمت أمس انى بشوف ملابس ف المحلات وآخى اختار لى  حذاء جميل لونه بيخ ولكن كان معى فرده حذاء واحده فى يدى وكنت بسأل عن المقاس صحيت من النوم هل  مسك فرده حذاء فى اليد له تفسير وشكرا

الحلم رقم8
والدتى حلمت انها متجوزة الاعلامى عمرو اديب وف نفس الوقت كان ف سؤ تفاهم بين ماما وعمرو اديب فماما كانت غضبانة فهو حاول يرجع ماما وماما مش راضية فهو راح لجدتى 3مرات عشان يرجع ماما وماما مش راضية وجدتى كانت قعدة ف غرفة ضيقة جدا بس مفروشة حلو فماما بتقول ما بينها وبين نفسها هى امى عاملة ف الاوضة كدة لية دى الاوضة ضيقة ما بالك لو الازضة واسعة كانت هتعمل فيها اية فماما معدية من الشارع فقابلت خالتى فخالتى ناديت ع ماما قالتلها مخبية عننا انك غضبانة لية فماما لما مش لاقيت فايدة راحت اخدت بنت صغيرة ف ايديها كانت بنت ماما راحت راكبة العربية مع عمرو اديب فالبنت مش عاوزة تىكب فماما ركبتها غصب قدام وماما ركبت ورا

مع العلم ان جدتى متوفية وكانت قعدة ف الاوضة مش بتكلم وخالتى اسمها امل

حلم رقم 9

حلمت يا ماما نجية  اني كنت فى مشكلة وحد قالي اروح عند حد اسمه اشرف عباس و كان واحدة اعرفها عندها بنت صغيرة جميلة و البنت دي كانت بتقلد مامتها وهي بتصلي

10

حلم غريب شوية معلش حلمت لا مواخذة انى قاعدة فى مكان زى فصل مدرسة كده وقاعد ورايا شاب اسمه كريم ولا مؤاخذة انا كنت عريانة تماما وكنت مكسوفة جداااااا فاتدورت للشاب اللى اسمه كريم ده لقيته برده عنده نفس المشكلة ومن غير هدوم بس الحمد لله محدش فينا شاف عورات التانى ولا حتى باينة لينا احنا نفسنا كمان وكنت كمشانة كده فى نفسى ومكسوفة اووووى فادورت للشاب ده وقلتله لو سمحت الشال بتاعى جنبك ممكن تناولنى عشان اغطى نفسى فراح موافق ومناولهولى ولقيته قاعد بيبص عليا وانا بغطى نفسى ومبسوط اوى انه اداهولى وبعدين لقيتنى راكبة جنبه فى عربية ولقيته اشترالى هدوم كمان بقا عبارة عن طقم كامل بلوزة وبادى وبنطلون وهو كمان لقيته لبس هدوم شبه بتاعتى بعد ما كان من غير هدوم زيى وقاعدين جنب بعض ومبسوطين وانا قاعدة اقول طب ما هو والله طيب اهو جدا وشخص يتحب امال البنت اللى يعرفها قبل كده دى محبيتوش ليه ... بس كده 

رقم 12...حلمت انى انا و بنتى الصغيرة فى الشارع فى المنطقة بتاعتنا و لقيت الراجل اللي انا باشترى منه الخضار والفاكهة راكب زى توك توك او تريسكل كده وركبنا معاه وكنت باتكلم ع الموبايل مع حد و باشوف هاقابله فين ..و كنا ماشبين بالتريسكل و بعدين زى ما يكون اللى باكلمه ع التليفون قاللى اروح له مكان تانى مختلف بس كلهم فى المنطقه اللى حوالين بيتى ..وقلت للى سايق انه يغير اتجاهه و كان معاه اخوه فى التريسكل ..و فجاءة واحنا ماشيين لقيت حفرة كبيرة فى الشارع و قلت ده التريسكل هيقع جواها هى الحفرة ماكانتش غويطة بس عريضة ..و نزلت بسرعه انا و بنتى ...الراجل ده اسماعيل و كان حصل انى اتلخبطت فى الحساب فى الحقيقة معاه من كام يوم بس عادى مااختلفناش و عدينا الحكاية ..