ردا على سؤالك ماما نجيه فى تفسير الحلم ده
_______________________________________________
رقم (1)
ماما حلمت اننا رايحيين كلنا لواحد قريبنا جاب شقه فى القاهره عندنا فرايحيين نتفرج عليها يعنى
وقريبنا ده مش عايش فى القاهره على الحقيقه وهو شاب ومش متجوز ودخلنا عنده وكان توضيب الشقه جميل وزوقه رقيق وعجب ماما اوى
وقعدنا وبعدين لقينا خالنا ومراته وعياله داخلين علينا ،، وهمت ناس مش كويسيين خالص على الحقيقه
فدخلوا وقعدوا باصين لينا وخالنا ده كان متغاظ مننا " ولاد اخته " اوى عشان شايفنا احسن من ولاده وحلوين
وقعد يحط ايده فى بوقه ويقرص خده بيها
ال يعنى بيقولنا انا عارف انكوا بتقرصوا خددكوا عشان تبقى حمرا وتبقوا حلوين وبتمثلوا انطوا حلوين يعنى
واحنا مردناش عليه ودخلت قطه سوده كبيره اوى وعجوزه جداااااااااااا وجسمها مليان تراهلات ودخلت وقعدت تحت كرسى من الكراسى ومعملتش حاجه
بس ماما كانت خايفه منها وقالت اعوذ بالله من الشيطان الرجيم
وبعدين خرج قريبنا الشاب ده من جوه وكان طويل ورفيع ولابس جلابيه وهو على الحقيقه قصير وتخين
وضحكلنا وماما بتقوله ايه ده انت هنا !!!! قالها اه انا بعرف اعمل مفاجأت زيك برضه
بس
خالنا ده ومراته وحشين جدا على الحقيقه وبيتمنولنا الشر :( وقريبنا الشاب ده طيب وكويس نحسبه عند الله كده يعنى
وماما متدينه ومقتصره خالنا ده ومراته خالص وباعده عنهم عشان شرهم
حبيبتى هل هذا الشخص يفكر فيك _________________________________________________________
لا يا ماما مظنش انه بيفكر فيا ،، بس انا عارفه انه بيفكر فى اختى الكبيره واهله كمان اللى هما قرايب ماما نفسهم يجوزوه لاختى الكبيره بس المشكله اللى واقفه فى الموضوع انهم مصرين ياخدوها عندهم فى المحافظه بتاعتهم وماما عايزاها متبعدش عنها وهى كمان عايزه تعيش فى القاهره متروحش محافظه تانيه
فهى النقطه دى بس اللى معطله المواضيع
ومع ذلك احنا علاقتنا بيهم كويسه جدااا الى الان الحمد لله
