عدد المساهمات : 46 تاريخ التسجيل : 17/07/2011 العمر : 42
موضوع: مامانجيه انا جيت تانى الثلاثاء 9 أغسطس - 23:57
[size=24]
ماما نجيه ازيك عامله ايه تاعبينك معانا
بصى باه انا امبارح شفت حلم بس مش عارفه دى ليها معنى ولا حديث نفس ولا اضغاث احلام انا قلت اسال ست الكل الخبره
انا شفت خير اللهم اجعله خير انى تقريبا والله اعلم فى بلد تانيه غير مصر وكنت هناك وكان فيه مكان كده زى كباريه او مكان مش كويس بيتجمع فيه بنات ورجاله مش كويسين فانا قررت ادخل من باب التغير وانى اعيشلى يوم كده ودخلت وكنت لابسه العبايه والطرحه وكان فى زى ايشارب مبروم لونه رصاصى ملفوف كده من على راسى ونازل لافف على وسطى ودخلت شفت واحد كان زميلى فى الشغل زمان (كنت متعلقه بيه بس هو كان بيتلاعب بمشاعرى ) شفته ساند على الحيطه ومعاه بنت من اياهم وشافنى وبانت على ملامحه الضيق انه ازاى اكون فى مكان زى ده وانا عشان اغيظه بقيت اعمل بالايشارب زى اللبنانين ودخلت وقعدت جوه ولقيت نفسى عشان اضايقه وعشان احس انى مبسوطه قلعت العبايه وكنت لابسه جيبه قصيره وبلوزه مش مكشوفه وفردت شعرى وكان حلو اوى مش طويل اوى لكن كان تحفه وحاولت اوريله نفسى بس ماشفتهوش تانى وفى واحد قالى تصدقى انك جميله اوى من غير الحجاب ولقيت شاب كويس لابس قميص ابيض على بنطلون اسود وكرافته سوده واقف وبيبصلى وف عينه بصه انى واحده مش كويسه وكان بيفتتح ممحل جوه المكان ده وبعدها لقيت نفسى قرفانه من نفسى اوى وبقول ايه الارف اللى انا بعمله ده مفيش احسن من الالتزام والاحترام وقمت اشوف الاوضه اللى قلعت فيها هدومى وطلعت سلم ضيق كده ودخلت من الباب بتاعها القصير بصعوبه ودخلت ادور على هدومى ف وسط هدوم مرميه فى الارض وبقيت الاقيهم حاجه حاجه ولقيت فى وسطهم فستان لبنتى اخدته ولقيت خالتى وزى مايكون ليها دولاب هناك وقالتلى شوفى فى الدولاب لو ليكى حاجه فيه او عايزه منه حاجه ولبست هدومى والحجاب تانى ومشيت من المكان ده
ايه رايك باه ياماما نجيه
المهم ان البنى ادم االلى كان زميلى ولا فدماغى ولا طايقاه لانه كان المفروض متدين جدا بس كان حاسس انى متعلقه بيه فكان بيعاملنى يوم حلو وعشره لا وانا الحمد لله ملتزمه ومش بعمل حاجه غلط الحمد لله
يا حبيبة قلبى لى سؤال هل فيه سوء تفاهم مع زوجك اعتقد نعم وهذا سبب هذه اللخبطة وهذا جعل الشيطان يلعب بمشاعرك عموما ويخوفك عموما هى مشكلة مع زوجك ولكن ان شاء الله ربنا هيصلح الحال وهترجعى لعقلك وتختارى بنتك وبيت وينصلح حالك باذن الله وخدى بالك من التسرع فى اى قرار تانى وتريسى جامد وان شاء الله هتعدى على خير
oshi عضوة
عدد المساهمات : 46 تاريخ التسجيل : 17/07/2011 العمر : 42
يا حبيبتى قلبى الى انت شوفتيه فى الرؤيا ليس هذا الشخص ولكنه عمل الشيطان فلما بيكون فيه مشكلة بين الزوجين فبيتدخل باى صورة تكون معروفة لك وعليك بقراءة اية الكرسى كثيرا حتى يهدى الله حالك والله معك
