تفسير احلام يوم الاثنين الموافق 1\5 ان شاء الله

حبيباتى تفسير احلام يوم الاثنين الموافق 1\5 ان شاء الله اتفضلوا اكتبوا احلامكم

أختى حلمت إنها كانت جاية عندنا وفتحت باب الشقة لقتنا مش موجودين بس فيه شوية حاجات فى الشقة سيبنها فلقتنى بنادى عليها من فوق وبقولها إطلعى احنا نقلنا فوق ونزلتيلها انا تحت فقالتلى ازاى تسيبوا الدهب دا هنا وكان فى حاجات دهب داخلة فى بعضها فأنا قولتلها السلسلة الدهب دى بتعتك فهى قالتلى لأ دى بتاعتك انتى هو إنتى نسيتيها ولا إيه فانا بصيت للسلسلة وقولتلها أيوه دى فعلا بتاعتى كنت ناسية وخرجتها ومسكتها فى ايدى وكانت سلسلة دهب صغيرة
أنا بصلى ومش بشتغل ولا متزوجة وإحنا بنوضب شقتنا وقاعدين فى شقتنا اللى تحت ....واختى متزوجة وعندها ولد ..

حلم 2

السلام عليكم ورحمة الله وبركاته
انا حلمت ان اخويا احمد رجع من السفر وقعد مع ماما واخواتى يتكلم معاهم فى المشاكل اللى حاصله وبينصحهم ان يبطلو يبصو وراهم ويركزو فى مستقبلهم ويكونو نفسهم عشان يتزوجو وكان بيزعق فيهم جامد وانا خوفت اكلمه عشان ميزعقليش انا كمان ولما شافنى قالى تعالي ياعسل انا عملت نفسي زعلانه منه ودخلت اوضتى وقعدت على السرير بعد كدا جالى وقالى انتى بالذات بحبك وباسنى فى شفايفي وقال انه هيتجوزنى قام اخويا حسن قالو ما البنات كتير احمد قالو لا فاطمه مفيش زيها اتنين وبعد كدا لقيت نفسي لابسه فستان فرح مطرز برسم فضي زى السواريه يعنى مش كبير واخواتى البنات بردو لبسو سواريه وكانو حلوين اوى بردو فجأه لقينا صوت سريخ بعيد قالو ان فى حد فى شارعنا مات واحنا كنا نازلين رايحين القاعه بتاعت الفرح وانا فضلت ابكى عشان يوم فرحي حد مات اخواتى البنات قالولى عادي بتحصل كتير يلا ننزل بعد مانزلنا وكنا فى طريقنا للعربيه اللى هتوصلنا اتغير الموضوع بعد كدا ولقيت نفسي راكبه جمل انا واختى زينب وريحين بي مشوار وكانت الناس بتبص علينا وركبين جمل بقي وده بتاعنا قولنا بقي نروح بيه كل مشاويرنا
اخويا احمد اعزب 28 سنه حالته الدينيه الحمدلله
انا انسه 20 سنه حالتى الدينيه متوسطه

شكرا جزيلا وبارك الله فيكي غاليتى

الحلم رقم ٣

انا حلمت اني لابسه سلسله ذهب و فيها مصحف دهب برضه و المصحف زي علبه كده و بيتفتح و انا فتحته و قلت لو ورقه مهمه خايفه عليها اشيلها فيه
انا أنسه

شكرًا جزيلا

رقم4...حلمت انى حطيت ايدى او صباعى و لقيت نقطة لونها غامق و قلت ده دم وكده الدورة جت بدرى عن معادها و قلت اروح للدكتور ولا ايه ،،،لقيت نفسي بعدها فى اسانسير بس القديم اللى هو خشب كده و كان معايا بنتى الصغيرة و ركبنا ولقيت حد عايز يركب معانا بس ماشفتوش و قلتله لا الاسانسير ما يستحملش و طلعنا الدور التانى و انا زى حاسة الاسانسير مش كويس فقلت ننزل فى التانى ونكمل لحد الدور الخامس على السلم ،،،لقيتنى فعلا علىى السلم ولقيت شقه مقفوله وقلت الدكتور قافل ،،،و بعدين برضه حطيت صباعى و لقيت نقطة غامقه برضه بس مش لون الدم ...و بعدين لقيتنى ماشية مع بنتى الكبيرة و لقيت مشمشية بتاعت الخشاف بتاع رمضان وقلت لبنتى عايزين نشترى الياميش بتاع رمضان وكان رمضان خلاص جه او خلاص قرب ...و فيه جزء انى زى عارفه انه العريس القديم واخوه موجودين فى مكان وانا باقول انى عايزة ابين انى باضحك و مبسوطة قدامهم ،،،،،،،،حلم تانى انى شفت تلات عرايس بفستان الفرح بس شفتهم واحده بعد التانيه وكان لون شعرهم مختلف واحده شعرها فاتح والتانيه اسود والتالته يمكن بنى ،،و تقريبا كان معاهم العرسان بس مش باينين قوى مش متاكده ،،،،اللهم اجعله خير ...شكرا

عضوة عدد المساهمات : 916 تاريخ التسجيل : 17/07/2011

3
حلمت خير اللهم اجعله خير بشاب اعرفه انى قابلته فى مكان فلقيته سلم عليا باليد مرتين رغم انى مش بسلم على رجالة بايدى ولقيت بيقوللى انا مبسوط اوى انى شفتك ولقيته بيسلم عليا تانى بايده وبعدين جيت ابص فى ايده لقيت فى اليمين دبلة مصدية شوية فاستغربت وبعدين لقيته دخل قاعة ووقف يخطب فى الناس فانا جيت اقعد واحضر فيها فلقيت اتنين ستات زى ما يكون عايزين يمشونى و ومش مخلينى عارفه اسمعه وهو بيخطب فلقيته اتضايق وجه بيقوللى انتى مش مستمعة للخطبة ليه فقولتله الاتنين الستات اللى جنبى قاعدين يضايقونى عشان مركزش فى الخطبة فراح ممشيهم فورا من القاعة ولقيته بيعتزرلى وبيقعدنى كويس على كرسى عريض مفروش بفرش ابيض شبه سرير صغير كده من غير ما حد يضايقنى ... بس كده
الشاب ده معرفة والدى واللى اعرفه عنه انه كان خاطب ومحصلش نصيب وحاليا اعزب ومليش كلام معاه اوى فى الحقيقة

soli12 كتب:: أختى حلمت إنها كانت جاية عندنا وفتحت باب الشقة لقتنا مش موجودين بس فيه شوية حاجات فى الشقة سيبنها فلقتنى بنادى عليها من فوق وبقولها إطلعى احنا نقلنا فوق ونزلتيلها انا تحت فقالتلى ازاى تسيبوا الدهب دا هنا وكان فى حاجات دهب داخلة فى بعضها فأنا قولتلها السلسلة الدهب دى بتعتك فهى قالتلى لأ دى بتاعتك انتى هو إنتى نسيتيها ولا إيه فانا بصيت للسلسلة وقولتلها أيوه دى فعلا بتاعتى كنت ناسية وخرجتها ومسكتها فى ايدى وكانت سلسلة دهب صغيرة
أنا بصلى ومش بشتغل ولا متزوجة وإحنا بنوضب شقتنا وقاعدين فى شقتنا اللى تحت ....واختى متزوجة وعندها ولد ..

حبيبتى فيه نقلة حلوة لكم بس هيحدث مشكلة وهتتغلبى عليها باذن الله

♥براءة عشق♥ كتب:: حلم 2

السلام عليكم ورحمة الله وبركاته
انا حلمت ان اخويا احمد رجع من السفر وقعد مع ماما واخواتى يتكلم معاهم فى المشاكل اللى حاصله وبينصحهم ان يبطلو يبصو وراهم ويركزو فى مستقبلهم ويكونو نفسهم عشان يتزوجو وكان بيزعق فيهم جامد وانا خوفت اكلمه عشان ميزعقليش انا كمان ولما شافنى قالى تعالي ياعسل انا عملت نفسي زعلانه منه ودخلت اوضتى وقعدت على السرير بعد كدا جالى وقالى انتى بالذات بحبك وباسنى فى شفايفي وقال انه هيتجوزنى قام اخويا حسن قالو ما البنات كتير احمد قالو لا فاطمه مفيش زيها اتنين وبعد كدا لقيت نفسي لابسه فستان فرح مطرز برسم فضي زى السواريه يعنى مش كبير واخواتى البنات بردو لبسو سواريه وكانو حلوين اوى بردو فجأه لقينا صوت سريخ بعيد قالو ان فى حد فى شارعنا مات واحنا كنا نازلين رايحين القاعه بتاعت الفرح وانا فضلت ابكى عشان يوم فرحي حد مات اخواتى البنات قالولى عادي بتحصل كتير يلا ننزل بعد مانزلنا وكنا فى طريقنا للعربيه اللى هتوصلنا اتغير الموضوع بعد كدا ولقيت نفسي راكبه جمل انا واختى زينب وريحين بي مشوار وكانت الناس بتبص علينا وركبين جمل بقي وده بتاعنا قولنا بقي نروح بيه كل مشاويرنا
اخويا احمد اعزب 28 سنه حالته الدينيه الحمدلله
انا انسه 20 سنه حالتى الدينيه متوسطه

شكرا جزيلا وبارك الله فيكي غاليتى

حبيبتى احمد اخوك فيه موضوع هيقضى له اما انت هتلتزمى اكثر وهتتقربى الى الله اكثر وهتخطبى باذن الله والخطوبة هتسير سريعا ثم يبطئ رتمها شوية وان شاء الله تتم بخير

Aya Ahmed كتب:: الحلم رقم ٣

انا حلمت اني لابسه سلسله ذهب و فيها مصحف دهب برضه و المصحف زي علبه كده و بيتفتح و انا فتحته و قلت لو ورقه مهمه خايفه عليها اشيلها فيه
انا أنسه

شكرًا جزيلا

حبيبتى هتمرى بمشكلة لكن هتعدى على خير باذن الله

بوسى 123 كتب:: رقم4...حلمت انى حطيت ايدى او صباعى و لقيت نقطة لونها غامق و قلت ده دم وكده الدورة جت بدرى عن معادها و قلت اروح للدكتور ولا ايه ،،،لقيت نفسي بعدها فى اسانسير بس القديم اللى هو خشب كده و كان معايا بنتى الصغيرة و ركبنا ولقيت حد عايز يركب معانا بس ماشفتوش و قلتله لا الاسانسير ما يستحملش و طلعنا الدور التانى و انا زى حاسة الاسانسير مش كويس فقلت ننزل فى التانى ونكمل لحد الدور الخامس على السلم ،،،لقيتنى فعلا علىى السلم ولقيت شقه مقفوله وقلت الدكتور قافل ،،،و بعدين برضه حطيت صباعى و لقيت نقطة غامقه برضه بس مش لون الدم ...و بعدين لقيتنى ماشية مع بنتى الكبيرة و لقيت مشمشية بتاعت الخشاف بتاع رمضان وقلت لبنتى عايزين نشترى الياميش بتاع رمضان وكان رمضان خلاص جه او خلاص قرب ...و فيه جزء انى زى عارفه انه العريس القديم واخوه موجودين فى مكان وانا باقول انى عايزة ابين انى باضحك و مبسوطة قدامهم ،،،،،،،،حلم تانى انى شفت تلات عرايس بفستان الفرح بس شفتهم واحده بعد التانيه وكان لون شعرهم مختلف واحده شعرها فاتح والتانيه اسود والتالته يمكن بنى ،،و تقريبا كان معاهم العرسان بس مش باينين قوى مش متاكده ،،،،اللهم اجعله خير ...شكرا

حبيبتى الجزء فاسد بسبب الدم اما التانى فيه امنية هتناليها ان شاء الله وبنت هتخطب قريبا باذن الله وهتكيدى اعدائك

ايناس انوسه كتب:: 3
حلمت خير اللهم اجعله خير بشاب اعرفه انى قابلته فى مكان فلقيته سلم عليا باليد مرتين رغم انى مش بسلم على رجالة بايدى ولقيت بيقوللى انا مبسوط اوى انى شفتك ولقيته بيسلم عليا تانى بايده وبعدين جيت ابص فى ايده لقيت فى اليمين دبلة مصدية شوية فاستغربت وبعدين لقيته دخل قاعة ووقف يخطب فى الناس فانا جيت اقعد واحضر فيها فلقيت اتنين ستات زى ما يكون عايزين يمشونى و ومش مخلينى عارفه اسمعه وهو بيخطب فلقيته اتضايق وجه بيقوللى انتى مش مستمعة للخطبة ليه فقولتله الاتنين الستات اللى جنبى قاعدين يضايقونى عشان مركزش فى الخطبة فراح ممشيهم فورا من القاعة ولقيته بيعتزرلى وبيقعدنى كويس على كرسى عريض مفروش بفرش ابيض شبه سرير صغير كده من غير ما حد يضايقنى ... بس كده
الشاب ده معرفة والدى واللى اعرفه عنه انه كان خاطب ومحصلش نصيب وحاليا اعزب ومليش كلام معاه اوى فى الحقيقة

*حبيبتى ان صدقت الرؤيا فسوف يتقدم ذلك الشخص لخطبتك وفيه ناس هتعارضه لكن هو هيزيحهم من طريقه وكل شئ نصيب

» تفسير احلام يوم الاثنين الموافق 9\7ان شاء الله
» تفسير احلام يوم الاثنين الموافق 10\20 ان شاء الله
» تفسير احلام يوم الاثنين الموافق 2\20 ان شاء الله
» تفسير احلام يوم الاثنين الموافق 4\25 ان شاء الله
» تفسير احلام يوم الاثنين الموافق 11\27 ان شاء الله