تفيبر احلام يوم الجمعة الموافقة 11\14 ان شاء الله

الحلم  رقم   (1)
نوتي دودي
السلام عليكم ورحمة الله
ازيك يا ماما نجية متعك الله دوما بالصحة والعافية
الحلم اليوم لاخي وليس لي 
شاب عمره 26  سنة متوسط التدين متخرج ويعمل 
غير مرتبط 
راى في الحلم ان قدميه مقطوعتين لا قدر الله 
وهو مذهول من الموضوع ده وزعلان جداااا
وبعدين شاف انه ماسك عكازين يتسند عليهم وهو ماشي
واخويا التاني بيبص عليه ويقول لماما ده لسة بينزف دم
بس اخي صاحب الحلم لم يري دم
جزاك الله خيرا على مجهودك

الحلم رقم(3)
السلام عليكم ورحمه الله وبركاته 
ازيك يا ماما عامله ايه
انا حلمت خير انى داخله بيتنا لقيت حد مقتول ومغطينه بملايه بيضا ومش باين منه حاجه وجمبه كبده بقولهم هوه ايه ده قالولى ان العمال اللى بيوضبولنا البيت شدوا مع بعض وواحد قتل التانى العمال دول فى الحلم المفروض انهم بيعملولنا شقتنا دورين وبيعملولنا سلم بين الدورين الور اللى فى الارضى والدور اللى فى التانى 
مع العلم ان البيت اللى شفته فى الحلم مش بيتنا واحنا شقتنا واحده مفيش دور تانى وانا انسه 


معلش يا ماما انا شفت حلم تانى مشهد واحد انى قاعده لقيت ضوافرى كبيره وكنت بقصها بسنانى وكانت بتتقص بسهوله مكنتش نشفه 

6
النهاردة صليت الفجر وصليت ركعتين قضاء حاجة وقريت سورة الكهف وكنت داعية ربنا يبشرني بما اتمني وبما يسر قلبي بس بالواقع لانه ربنا بشرني كتير بالاحلام ولية امنية بتمناها من ربنا ومش بدعي غير بيها انه ربنا يرزقني بالانسان اللي بتمناه والشخص ده كان اخو جارتي ومعجب بيا وانا كنت معجبة بيه وقال انه هيجي يتقدم كذا مرة بس بقاله اربع بس خايف انه يتقدم ليترفض واخر مرة كان من 10 شهور ومن ساعتها اختفي واخته عزلت وماعرفش عنه اي حاجة
الحلم 
حلمت اني لابسة فستان ابيض  بس مش فستان فرح وبورنيطة بيضة وكنت ملكة في الحلم  مش شكل لا منصب وكان فيه ناس كتير واقفة حواليا وكنت اطول من الناس كلها وكنت بجري علي جوزي وكان رئيس جمهورية وانا وهو كنا مبسوطين اوي مع بعض والناس كلها كانت عمالة تبصلي 
وخلص الحلم علي كدة

حلم رقم7
خالتي حلمت ان جدتي اللي هي والدتها مش عايزة تاكل من ايديها وبتقولها انتي سيباني جعانة فقالتلها انا يا امي اللي بأكلك ومصروفي كله عليكي قالتلها لا انا عايزة اختك تأكلني تقصد اختها الكبيرة وخالي كان قاعد فخالتي قالتله هو انا مبأكلش امك هز  دماغه بأه وقالها طيب قومي حطيلي

مع العلم ان جدتي متوفية وفي خلاف بين خالتي وخالي وخالتي التانية اللي هي الكبيرة

حلم 10
حلمت انى امى كانت تمشى وهى نايمه وماسكه سكينه فى يديها روحت مسكتها وصحيتها وهى كانت عايزه تقتل ابويا روحت ناديت على اخويا وقولتله لم كل السكاكين وبعدين امى قالتلى انى فى شخص عملها كده انها تمشى وهى نايمه وبعدين ظهر الشخص ده وضربنا عليها انا واخى ومسكناه
السن 25 انسه
الحاله الدينيه متوسطه

18
صليت الفجر واستغفرت ربنا شوية ودعيت باللي بتمناه ونمت 
حلمت ان يوم كتب كتابي  وفجأة لقيت شعري لون وبقي دهبي واتعمل تسريحة حلوة اووووي وكنت بختار البس ايه فلقيت عندي فستان لونه ابيض في سيلفر بس كأنه محتاج معاه حاجة تانية  فسبته فقيست فستان فرح ماما وكانت ماما في الحلم شايلهولي عشان البسه  بس كان تايير فلقيته واسع شوية وقصير وكنت لابسة تحتيه بنطلون وماما اتضايقت اني لبسته فقلتلها انا كدة كدة هقلعه عشان واسع بعدين لقيت نفسي قدام الجامع ولابسة فستان كحلي جميل جداااا ومن فوق بيلمع ولابسة شوز كعب عالي كله فصوص وخالي الله يرحمه كان موجود 
وخلص الحلم علي كدة مع العلم اني انسة وبتمني ربنا يرزقني بشخص معين يكون من نصيبي بس هو مختفي بقاله 10 شهور وماعرفش عنه اي حاجة

يارب خير يارب كتب:

18
صليت الفجر واستغفرت ربنا شوية ودعيت باللي بتمناه ونمت 
حلمت ان يوم كتب كتابي  وفجأة لقيت شعري لون وبقي دهبي واتعمل تسريحة حلوة اووووي وكنت بختار البس ايه فلقيت عندي فستان لونه ابيض في سيلفر بس كأنه محتاج معاه حاجة تانية  فسبته فقيست فستان فرح ماما وكانت ماما في الحلم شايلهولي عشان البسه  بس كان تايير فلقيته واسع شوية وقصير وكنت لابسة تحتيه بنطلون وماما اتضايقت اني لبسته فقلتلها انا كدة كدة هقلعه عشان واسع بعدين لقيت نفسي قدام الجامع ولابسة فستان كحلي جميل جداااا ومن فوق بيلمع ولابسة شوز كعب عالي كله فصوص وخالي الله يرحمه كان موجود 
وخلص الحلم علي كدة مع العلم اني انسة وبتمني ربنا يرزقني بشخص معين يكون من نصيبي بس هو مختفي بقاله 10 شهور وماعرفش عنه اي حاجة

ومعلش يا ماما نسيت اقولك ان كل ده كان في شقتنا القديمة

20

انا كنت قلت دعاء الاستخارة على موضوع عريس وكنت دعيت كمان ربنا ييسرلى امورة فى موضوع الماجستير لان بصراحة متعسرة شوية الايام دى ومتاخرة والخطوات فيه بطيئة منهم لله الدكاترة ذلين الطلبة ربنا يفكها يااااارب 


حلمت خير اللهم اجعله خير انى كنت مع واحدة صاحبتى وبقولها عايزة اركب موتوسيطل وامشى بيه بسرعة وكنت زى ما يكون بحاول اركب موتوسيكل وعايزاه يمشى بيا بسرعة وكنت بحاول ازود السرعة بتاعته عشان يوصلنى اسرع فلما جه يمشى بسرعة حصلت مشكلة فيه تقريبا ووقفت فجأة فلما جيت اسند رجلى حسيت انها اتكسرت او اتلوحت كده ووجعتنى اوووى فجم ماما وبابا يشوفونى ويسألوا عليا فلقيت واحد بيقلهم هو كسر بسيط فى رجليها بس مش مؤثر وتقدر برده تمشى على رجلها رغم الكسر البسيط ده وكنت قاعدة بقا مستنية يجبسولى رجلى وانا بستناهم لقيت فى ايدى اليمين دبلة دهب على قدى بالظبط وكانت بتلمع اوووووووى وكان شكلها حلو فى ايدى ولقيت واحد راح جاى واخد منى الدبلة دى ولقيت بيحفر عليها اسم من جوه وراح مرجعهالى تانى فلقيت الاسم المحفور عليها من جوه اسم العريس اللى عاملة عليه الاستخارة وروحت لابساها فى ايدى تانى وكانت مريحانى وفرحانة بيها وفى نفس الوقت لسه مستنية ييجوا يعالجولى رجلى بس كده