تفسير احلام يوم الاحد الموافق 28 \9 ان شاء الله

الحلم رقم (3)
حلمت خير اللهم اجعله خير ان اخوات جوزى بدل ما هما تلت ولاد بقوا أربع ولاد والولد الى زاد ده اسمه محمد فقولت لجوزى ازاى طلع عندك أخين اسمهم محمد قالى لا فيه واحد فيهم اسمه هيثم قولتله لا هيثم ده الاسم الى انتوا بتنادوا بيه بس في الشهاده اسمه محمد .. فلقيت محمد ده بيكلم حماتى الى هى مامته في التليفون وبيقولها حاجه فلقيت حماتى بتقول الحمد لله .. فبقولها اييييه مراته حامل قالتلى اه اه حامل ةبيقولى ان مراته حامل في توأم ولد وبنت .. فبقولها ازاى لسه عارفين انها حامل وعرفوا كمان انها حامل في ولد وبنت لا يا طنط ميبنش دلوقتى .. فقالتلى معرفش بقي .. بس
في الحقيقه محمد فعلا متجوز بقاله سنه بس لسه ربنا مرزقههوش بأطفال لسه

حلم 6
انا في شخص كنا بنتكلم وكان في بينا اعجاب بس حصل حلاجة ومبقناش نتكلم وحتي ولا بقي في اعجاب ولا اي حاجة يعني اتغيرنا علي بعض ومبقاش في اي كلام بينا ولا نعرف حاجة عن بعض
وحلمت ان انا والشخص ده اتكلمنا وكان كلامنا في الحلم بعد المشكلة اللي خلتنا منتكلمش بس اتكلمنا في الحلم عادي وكان مغيش مشكلة حصلت واتصافينا وبقينا عادي وااتفقنا نتقابل قولتله ماشي قالي هتلبيسي نضارة شمس ولالا علشان اعرفك قولتله مش عارفة هتليق عليا ولا لا قولتله وانت هتلبس نضارة شمس ولا لا قالي اه هلبس المهم لبست طقم كان حلو اوي هبارة عن بادي مخطط وبنطلون لونه ابيض في لبني في بمبي وكان طقم جميل اوي وكنت رفيعة عن طبيعتي وجميلة اوي في الحلم بس كنت بشعري مع اني في الحقيقة محجبة ونزلت علشان اقابله ومشيت في شارعنا بوفضلت ماشية عشان اوصل للمكان اللي هنتقابل فيه لقيت بنت جت سلمت عليا اسمها نهي البنت دي جارتي من زمان واصلا بقالي سنين مشوفتهاش ولا اعرف عنها حاجة فولقتها بتقولي جاية معاكي مكان ما انتي رايحة قولت في سري خسارة مش هعرف اقابله بس لقيته الشخص ده راكب عجلة وبيسوقها بالعافية لانه كان ماشي بيها مسافة ودخل الشارع بتاع عمارتي اللي كنت ماشية فيه علشان يجيلي ففانا عرفته بس قولت يارب هو يعرفني وفعلا عرفني ولسه جاي نحيتي بس شاورتله لا وشاورتله علي البنت فوقف مكانه وفضل يبصلي بس وكانه بيملي عينه من شكلي وكان في الحلم بشرته بيضة عن حقيقته واجمل شوية من حقيقته ولابس قميص كاروهات بيج في بني

الحلم رقم 7
حلمت ان جدو الله يرحمه جلنا البيت وكان جايب معاه لينا كيستين الاولي كانت ليا وفيها خاتم وسلسله والتانيه كان لاختي كان حلق وسلسله الخاتم بتاعي كان شكله طويل عجبني والسلسه مكنتش عجباني بس لبستها وملبستش الخاتم واختي الحلق بتاعها كان مدور وفيه حرف s ومكنش عجبها وعجبها السلسله اللي يشوف الحاجات دي في الكيس يقول انها دهب لكن لما طلعنها لقناها نحاس

انا عندي 24 ومش مرتبطه
اختي 25 ومتجوزة وعندها ولد

الحلم رقم 9
اختى المتزوجه حلمت اللهم اجعله خير ان هى رايحه تتخطب لخطيبى (خطيبى اسمه سامح) وبعدين انا واختى التانيه كنا بنزوقها علشان الخطوبه وبعدين انا جيبتلها علبه بودره زى الدقيق علشان تحط منها وبعدين زى ما يكون الخطوبه جت فجاه وهى ما كنتش محضره نفسها واحنا عمالين بنستعجلها علشان اتاخرت وبنقولها يلا علشان عمك محمد مستنى وهيزعق وبعدين راحت هى نزلت علشان قراين الفاتحه لقتهم مشيوا وقالولها هما راحوا يصلوا العصر وهيجوا تانى وخلص الحلم اختى متزوجه وخطيبى مكنش معاها فى الحلم بس هى كانت عارفه ان هو اللى هيخطبها 
ومعلش يا ماما انا حلمت ان مرتات اخوات خطيبى (هما فى الحقيقه اكتر من واحده هما سته) حلمت ان هما زارونا فى البيت وبعدين انا كنت بكلم خطيبى فى التليفون فهما راحوا قالولى مش تقولى ان احنا عندكم وبعدين واحده منهم قالولى ان هى حامل والبنت فعلا كان شكلها تعبان اوى فانا قلت يا عينى هى حامل ولسه عندها عيال صغيرين عندها حق تزعل بس هى مكنتش لابسه فى الحلم طرحه وكان شكلها تعبان اوى وكان معاهم واحده بتبصلى اوى زى ما تكون متغاظه منى وكانت تقريبا ديه من ضمن مرتات اخوات خطيبى وخلص الحلم وانا ببصلهم وخطيبى كان معاى على التلفون بس مكنتش سامعه صوته وخلص الحلم على كده انا انسه ومخطوبه وحاالتى الدينيه متوسطه

انا حلمت ان جالي هدايا كتير علي البيت علشان عيد ميلادي ومكنتش عارفه من مين وكان من ضمن الهدايا شوز ابيض بكعب مناسب ( الكعب صغير زي اللي انا بحبه لاني مبحبش الكعب )  وانا كنت شاكه ان خطيبي السابق هو اللي بعتهالي وكان فيه كارت مش  باين فيه الاسم  بس اما ركزت فيه لقيت اسم ( خطيبي السابق )  ..مع العلم  انا وخطيبي انفصلنا من شهر 4
وعيد ميلادي ف شهر 11