الحلم رقم (1)
حلمت ان انا كنت على السطوح مع اختى وبصيت على المنور من فوق لقيت فى ناس ومعاهم حصان
وكانت معاملتهم مع الحصان غريبة شوية كانوا مهتمين به جدا وقاعدين معاه على طول فرحانين به فأنا قلت لاختى
مالهم الناس دول بيعملوا كده فى الحصان ليه هما اول مرة يشوفوا حصان وليه قاعدين معاه طول الوقت مش سايبينه غير فى وقت الفجر
واول ما يطلع الصبح يرجعوا يقعدوا تانى معاه طول اليوم كان صعبان علينا اوى الحصان
وبعدين لقيت معانا معزة اخويا بيقول انه اشتراها وكان رابطها فى الباب بالسلسلة وانا واختى كنا بنحرصها لاننا خايفين تضيع مننا
بس كانت صعبانة علينا لانها مربوطة بالسلسلة فى الباب فأنا قلت لاختى فكيها من الباب واربطيها فى الطرقة علشان اوسع شوية
وحطيناها فى الطرقة وبعدين اخويا التانى شافها ومسكها وحضنها لكن هى اتعصبت وجريت منه واخويا اللى اشتراها
قعد يضحك اوى على اخوه لانه وقع على الارض لما المعزة اتعصبت وجريت منه
وانا واختى قعدنا نضحك لان الموقف كان يضحك
انا آنسة وحالتى الدينية متوسطة
واختى آنسة
واخويا عازب ومسافر
واخويا التانى عازب
