تفسير احلام الاثنين 5/5/2014

حلم 3
انا حلمت ان انا واسرتي اعدينزي في ندوة كده وكان فيها ناس كتير والندوة دي كانت خاصة بالمشير عبد الفتاح السيسي فكنا ماشيين فلقيناه جه هو ومراته واولاده ومراته جت اعدت جمبي وكان معاها ولدين صغيرين وطفل بيبي ولد بردوة وانا مسكت البيبي الصغير وكنت مستغربة ان مراته اعدت جمبي وبعدين الدوة خلصت وكنا ماشيين  انا واسرتي والسيسي ومراته واولاده وكل الناس جت عربية خاصة بالسيسي اخدته هو ركب جمب السواق وورا ركب والدي ومراته واولادهم وبعدين لقيته بيزعق واخد مني الطفل الصغير بطريقة حادة اوي وركب العربية ومشي وبعدين انا ماشية والعربية ماشية ادامي لقيت بابا ومراته بيهزروا فبقول ازاي يهزروا كده ادام جوزها وبعدين انا واخواتي كنا واقفين في الشارع مش عارفين هنروح ازاي وانتهي الحلم
مع العلم ان مراته في الحلم مش هي مراته في الحقيقة وهو في الحقيقة اولاده كبار مش صغيرين وعنده بنت وولدين ووكلهم متجوزين

الحلم رقم 4
اختى حلمت اللهم اجعله خير انها فى الدرس اللى بتشتغل فيه وان الحمام اللى فى الدرس فيه غساله وكان فيه غسيل والمفروض ان الغسيل ده فيه لكل واحد من اللى بيشتغلو فى الدرس غيار وان المدرس صاحب الدرس هوه اللى بيغسل الغسيل وان خرطوم الغساله كان على الارض ونازل ميه من الغسيل وسخه جدا والميه نازله على الارض وكانت هتطلع على الصاله فاختى قالتلهم حطو الخرطوم على قاعده الحمام علشان الميه متطلعش بره اختى انسه وعندها مشاكل فى الدرس 
وماما حلمت انها فى الحمام وبتعمل حمام براز وان البراز كان مغرق الحمام وحست انها نزلت كل البراز اللى فى بطنها وان الحمام كان مليان براز فراحت تنضف الحمام وقعت على ضهرها وجيه فيها براز فى هدومها فكانت عمتها واقفه جمبها فراحت اتكسفت منها وقالتلها انا هروح انضف نفسى قالتلها لا ميهمكيش حاجه راحت الحمام علشان تكب عليه ميه     ماما ارمله

الحلم رقم 6 
السلام عليكم يا ماما 
انا حلمت ان فى مدرستى واوضة المدير بتاعنا كان فيها قيادات ظباط كتييير وعساكر وكان ولاد اختى بيلعبوا قصاد اوضة المدير وبيمسوحها بالميه وهم عمرهم 4 و 5 سنين واسمهم محمد ومحمود وبعيدن لقيتهم جوه اوضة المدير وشفت فى الجنينه اللى جمب المدرسه ظباط وعساكر بيدربوا على الاعمال القتاليه وبعدين لقيت ولاد اختى فى اوضة المدير وانا اقنعتهم يجوا يتفرجوا على العساكر وهم بيتدربوا ولقيت المدير بيهرج معايا وماسك مسدس موجهه ناحية وشه كانه عاوز يقولى اضرب نفسى بالرصاص بس كان فاضى من الزخيره واداه لولاد اختى عشان يتفرجوا عليه 
انا انسه عمرى 31 سنه

حلم رقم 6 
السﻻم عليكم انا حلمت انى فسوبر ماركت ونعايا ماما وبابا واختى بس انا شايفه بابا انو جوزى فالحلم و شايفه وش بابا مش جوزى وفجأه انا ببص فوق ملقتش سقف والدنيا ليل وشوفت سحاب كتير فالسما وشوفت سحابتين كبار بيدخلو فبعض بشكل عنيف جدا والدنيا مطرت جامد والناس فضلت تجرى ولقيت نفس المكان اللى فيه مبقاش سوبر ماركت كبير بقى شوارع زى شوارع الجامعه بتاعتى ولقيت اختى على ايدى بس على شكل بنتى الصغيره وشايلاها وبجرى بيها بس هى شكل بنتى ووشها مش اختى وبابا اختفى وماما قلتلى هروح اشوفو وجريت وانا بجرى وسط الناس وشايله اختى لقيت كﻻب سودا يتجرى ورايا وعيزه تخطف اختى اللى هى بنتى  او تأزيها وانا بحرى وبنده باسم اختى وكلةما الكلب الكبير يقرب عليا يحوج نحيه الناس ويجرى وراهم ويجى نحيتى تانى يجرى ورايا وانا خايفه منو عليها ﻻ ياخدها منى وشفت كلب ابيض وقع مات وفجاه شفت حصانين بيحرو برضو ورا الناس ويدوسو عليهم واحد ابيض وواحد اسوج كبار بيجروا جتب بعض بعدت عنهم وفضلو يجرو وصحيت مخصوضه اوى وخايفه