تفىىىىىر احلام الخمىىى 20/2/20114 باذن الله

حلم رقم 1
والدتي حلمت ان هي اعدة في اوضة وكان في ادامها صالة كده فيها مساجين كتير اوي كانوا لبسين لبس السجن الازرق بس كانوا بيصلوا وماما استغربت جد ان ازاي هما مساجين وازاي بيصلوا وانتهي الحلم

حلم رقم 2
انا حلمت ان كنت ماشية علي الكورنيش علي البحر وبعدين المكان ده اتحول للمكان القديم اللي كنت ساكنة فيه وكان بليل المكان ده لما اتحول كنت انا ماشية في المنطقة اللي كنت ساكنة فيها والشارع مفيهوش ناس كتير ولا عربيات كتير كان في عربية معدية بس فانا ماشية لقيت 3 شباب ادامي كانوا بيعاكسوني في واحد منهم قال لاصحابه ان هما يضايقوني فانا خوفت منهم وطلعت اجري علي الشارع اللي كنت ساكنة فيه وانا بجري سمعت صوت الولد ده بيقول الحقوا الحقوا دي دخلت شارع محمود عطية والشارع ده مش اسمه كده اصلا فانا طلعت اجري علي الشارع بتاعنا لحد ما وصلت للدور الارضي اللي في عمارتنا فقولت اختصر الطريق واعدي من الشباك الارضي علشان اهرب من الولد ده فلقيت خيال حد خوفت اخش فقولت ادخل من الباب ودخلت وطلعت الدور الاول بتاعنا لقيت شقتنا بابها موارب وفي نور والحلم انتهي علي كده

انا انسة

حلم رقم 3
حلمت ان اخويا الكبير لابس بنطلون بيت ومن منطقة الوسط لحد الركبة عبارة عن جمر من النار والجمر دة عمال يزيد ويتوهج وهو بيشرب شاي او حاجة مش عارفة ايه هي وبتزيد النار فيه وهو مش حاسس بيها بس انا شايفاها روحت قولت لامي وابويا وكبينا علية ميه طفينا النار بس للاسف النار سابت اثر ان جسمه كرمش وجلدة اتجعد وبقي جلدة عجوز اخويا30سنة اعذب

حلم رقم 4 

انا حلمت ان اختى كانت قاصه شعرها بس كان شكله حلو فيها وكان ناعم وانا كان نفسى اقصه زيها كدا بس كنت خايفه انه ميطولش تانى

        

الحلم رقم 5
ازيك ماما نجيه يارب تكونى بخير ويجعله فى ميزان حسناتك
حلمت خير اللهم اجعله خير ان انا كنت وواقفه مع اخويا فى البلكونه ف شايل ابن عمتى عمر وبيرفعه لفوق عمر بيضحك وانا روحت مزعقه خوت الولد يقع من البلكونه بعدها شيلت  الولد ده وحضنته ةعلشان انيمه

بعدها كنت عاوزه اخرج جيت البس الجذمه لبست جذمتين من عندى قدام واحده من فرده وردل من فارده تانيه ونزلت اختى قالتلى انتى لابسه فرده وفارده اطلعى البسى الفارده التانيه الصح وبابا شافنى بردوا قالى كده
جيت اطلع البس لاقيت فى مدخل السلم بتا بيتنا جذم كتير قديمه وجديده بس فى قطه صغيره خالص جريت دخلت فى وسطهم جيت امد ايدى علشان اخد جذمه جديده هو كان بووت حلو لونه ازرق القطه دى عملت صوت ف خوفت اخدها .. بعدها انا وماما نزلنا شارع جذم كانت عاوزه تشترى جذمه بنى ليها
وهى كانت لابسه جذمه بنى بس الجذمه الى عجبتها الفيونكه الى علها كانت بيج قولتلها ما هى شبه جذمتك القديمه بس الفرق انها الفيونكه بنى تعالى نختار واحده تانيه قاست هى كذا واحده بس مشترتش لانى صحيت من النوم

اسمى نسمه 23 سنه انسه
متوسطه فى الدين

         

الحلم رقم6
اختى حلمت اللهم اجعله خير ان هى طالعه عمره وبعدين شافت بابا الله يرحمه قاعد يعيط وبعدين قالتله يا بابا انت بتعيط علشان انا طالعه عمره فقالها انتى ماشيه وامك كمان ماشيت وقعد يعيط راحنا انا واختى مش متزوجين قعدنا احنا كمان نعيط بعدين دخل واحد قربنا اسمه محروس زيدان قاله متخفش عليهم يا سيد اللى هو بابا والراجل ده حضن بابا وخلص الحلم اختى اللى حلمت متزوجه بالله عليكى يا ماما تطمنينى علشان انا قلقانه على ماما اوى

10
الحلم ده لاختي 
حلمت ان جارتنا بعتتلي مع ابنها شنطة والمفروض فيها 3 قمصان نوم وقال لماما ان مامته بعتهملي بعدين ماما فتحت الشنطة لقيت قميص نوم لونه جنزاري وماما قالت الله ده حلو اوووي ومنة كمان بتحب اللون ده 
وخلص الحلم علي كدة مع العلم اني انسة وجارتنا دي المفروض اخوها كان جاي يتقدملي بس حصلتله حادثة ودلوقتي اتحسن وهما المفروض جايين الاسبوع اللي جاي ان شاء الله

13
السلام عليكم ورحمه الله
حلمت انو كنت مع شويه ناس اكترهم معرفهمش .. وكان بينهم محمد رضا .. واتنين بيشتغلو امن ..وكلنا كنا مخطوفين ومنعرفش مين اللي خاطفنا وانا قمت اتصل بالاسعاف .. واتصلت وقلتلهم احنا عايزيناسغاف قالولي ايه الخاله قلتلهم قلتلهم الناس هنا مخطوفه وحالتلهم النفسيه مدمره تعالو الحقوهم الست قالتلي للاسف نقدرش اوصل الحاله لاكتر من كده .. متستدعيش .. وقفلت وشويه لقيت الشرطه جت بره ودخلو ضابطين مغمين عينهم عندنا وانا قلت ياريتني اتصلت بالشرطه قلتلهم كل اللي حصل .. ولمحت سيد بعيد مش عارفه هو مع مين فينا .. وشويه لقيت بابايا كان تعبان .. وامي كانت ويايا كمان المهم سمعت حد بينادي على الاسامي واللي يسمع اسمه يطلع بره المبنى وطلعت وشويه ناس ومحمد رضا .. وبس مش فاكره اي حاجه تانيه

محمد رضا كان زميل في الجامعه واتجوز زميله لينا من سنه وشويه
سيد ده الشخص اللي بتمناه من ربنا لي
بابا وماما تعبانين بامراض الكبر .. من سكر وضغط .. بس هم تعبانين كمان عشاني .. لاني متخطبتش

الحلم 14
السلام عليكم انا صبيت استخارة في موضوع زواج و صليت الفجر  و نمت حلمت اللهم اجعله خير ان ماما حمصت السمسم و عملت حلويات عليها شيكولاطة و بعدها جات تسأل هل تضيف السمسم على الحلوى و لا لا فقلنالها تعمل . انسة - ملتزمة الحمد لله .