تفىر احلام الخمى 9\1\2013 باذن الله

الحلم رقم 1
حلمت اللهم اجعله خير انى ركبه فى سياره مع واحد فى الحقيقه مش عارفه وهو كان بيسوق وانا كنت نيمه على كتفه وهو فضل يسوق وخلص الحلم
وحلمت مره كمان ان انا كنت نايمه على السرير وجمبى واحد بس فى الحقيقه معرفهوش وجمبى من الناحيه التانيه طفل بس مش عارفه ده ولد ولا بنت وكنت مستغطيه ببطنيه وتقريبا كده هو مكنش مستغطى يعنى هى على وهو كان نايم جمبى وصحيت من الحلم
انا انسه
لا اعمل
متوسطه التدين 
حلم عادى

حلم رقم 2 


السلام عليكم لو سمحتم انا حلمت ان في ناس قرايبنا جايين عندنا في بيت والدي علشان يكتبوا كتابي انا وابنهم مع العلم ان انا متجوزة وحامل وفعلا كتبوا كتابي عليه وانا كنا مستغربة جدا وبقول  ازاي انا عايزة جوزي بس كان خلاص انكتب كتابي على التاني وكنت لابسه فستان دخلت غيرته ولبست بنطلون عادي وبلوزة .. بس وابتديت اتعامل في الحلم على اني بقيت زوجة الشخص التاني وفي نفس الحلم ان امي اشتريتلي حذاء لونه ازرق او كحلي وكان شكله جميل اوي ولبست واحده وملبستش التانية ... انا اسمي يمنى متزوجة وحامل والحمد لله بصلي وبقرأ قرآن وانا حامل في الشهر الثالث وده اول حمل ليا

الحلم 7
انا حلمت اني ف بيتنا وان انا خطوبتي او فرحي بعد. ساعات وان انا مكنتش مبسوطة لاني عايزة اسيب العريس لانة مش عاجبني بس عاجب ماما وبابا وكل اللي حواليا وانا مش عارفة اسيبة الزاي رغم ان هما ف الحلم بيقولوا علية كويس بس هو ماكنش الشكل ولا السن ولا الشخصية اللي كنت بتمناها
وان عمتي بتعمل بسكوت وبيتيفوور كتير ف صيجااان كتير جدا في الحلم وعمالة تقنع فيا انة كويس وان انا بعد مالبست الفستان والاكسسوارات قولت مش عايزاه وهسيبة وماما عمالة تزعقلي علشان ماينفعش بعد كل التجهيزات والمصاريف والناس اللي اتعزمت نلغي دة حتي العريس لبس البدلة وموجؤود برة وانا قولتلهم لا انا مش بحبة ومش هتجوز واحد مش بحبة ولا مقتنعة بية وفشكلت الخطوبة قبلها بساعة وكنت مبسوطة جدا والكل حواليا مزهوول انا مبسوطة لية
انا انسة ومش مخطوبة ولا حاجة

8
السلام عليكم يا ماما نجية
الحلم ده واحده صصاحبتى هي اللي شافته. اتصلت بيه و بتقولي انا حلمت بيكي اكتر من مرة الفتره دي. النهارده كانت نايمه الساعه اربعه و شافت انها في فرح ناس قرايبنا و بيعملوا كل او حاجة و بيتكلموا فردت على الناس دول وقالتلهم اللي بتعرف تعمل الحاجه دي الحاجة فاطمة (ده اسم ماما الله يرحمها). ردو عليها هو انت تعرفي الحاجة فاطمة؟؟ قالتلهم اه و اعرف بناتها واعرف فلانة بنتها (وقالت اسمي) دي بنت ممتازة وتعرف ربنا وقعدت تشكر في و تقول كلام حلو في حقي. و دي ماشية بنفس طريقة مامتها و شايله بيت اهلها

ومره تانية شافت انها في مكان حلو زي جنينة وقاعده وبتتكلم برده عنى باوصاف جميلة وان ربنا هيرزقنى بعريس يحبنى و يكون كويس. وكان في حد او واحد قاعد في مكان جوه الجنينة و بيسمع لكلامها.

هو ايه معنى الاحلام دي؟؟ انا انسه وكنت اليومين دول تعبانة نفسيا

9
 بجد يا ماما انا مستغربة لتالت مرة فى وقت قصير احلم باحمد عز ده مع انى فى الحقيقة والله لا معجبة بيه كممثل ولا فى دماغى الكلام ده خالص !! 
سبحان الله شفت خير اللهم اجعله خير يارب انى لابسة فستان فرح حلو اوووى وعريسى احمد عز ده بس كان فى الاول لابس لبس عادى مش بدلة يعنى وبعدين انا وهو روحنا زى حمام كده وكنا قاعدين نتمضمض مكان اكل كنا اكلناه وونتمضمض فى حوض واحد ونتف المضمضة مع بعض لحد ما نضفنا بوقنا خالص وبعدين خرجنا فالقيته واقف مع اختى الكبيرة وبيديها زى ورد كده فانا روحت وقفت فى وسطهم وبقوله فين جزمتى البيضة اللى كنت لابساها ع فستان الفرح يلا تعالى لبسهالى بدل ما انا لابسة مكانها جزمة من عندى من القدام ومش لايقة ع الفستان قاللى حاضر وراح فعلا جايبها من قدام الحمام اللى كنا بتمضمض فيه فلقيت الازميل بتاعها مقطوع فروحت مصلحاه الحمد لله وربطته كويس وقعدت بقا على حاجة عشان احمد عز ده يلبسنى الجزمة وفعلا راح موطى وبدأ يلبسنى بقا جزمة الفرح وكان بقا لابس هو كمان بدلة فرح شيك وببيونة ولقيت بابا جايب بوكيه عبارة عن فل ابيض ريحته حلوة اوووى بيهديه للعريس وفرح بيه اوى من بابا ولقيت بابا برده بيحطلى فل فى صدر الفستان عندى وريحته حلوة برده وكنت فرحانة بيه اوووى وشكرته وكل ده واحمد عز قاعد بيلبسنى الجزمة وكانت جزمة سواريه وشيك اوى وانا كنت فرحانة بيها اوووى ان الشخص ده بنفسه بيلبسنى جزمتى بس كده 

10
هذا الحلم لصاحبتي 
حلمت انها بتعمل صلصال وعملت 3 تعابين بعدين لقيتهم بيتحركوا وكانوا واحد صغير وواحد وسط وواحد كبير فهي استغربت ازاي بقي فيهم روح فاول تعبان كان صغير لسة بيمشي راحت موتته بعدين التاني دخل جمب السرير فمرات اخوها قالتلها خلي بالك لاحسن يأذيكي فمسكته ورمته برة الاوضة وبعدين التالت اختفي 
وخلص الحلم ع كدة مع العلم ان صاحبتي انسة وواحد قريبها بيحبها وهيخطبها قريب وهي في رابعة جامعة

11

السلام عليكم ورحمه الله

انا حلمت اني كنت في عربيه ومعايا اخوي تمام والعربيه كانت ماشيه بسبب حد خبطها .. وكأني بهرب من حد تمام لما العربيه وقفت اخوي مكنش في وعيه وكانت ورايا عربيه شرطه استاذنتهم اخبي اخوي وراجعالهم وشلت اخوي ودخلت في حواري شعبيه .. ودخلت بيت واترجيت الست اللي هناك انها تقعد اخوي عنده لحد ما اخلص من الللي ورايا وانا شايفه من البلكونه العربيه وعربيه الشرطه ..وانا بمشي لقيت كريستينا ان بتحاول تساعدني ..وانا ماشيه في الطريق بتسحب لقيت واحد عربي لابس بدله واتهيالي في الحلم انه دبلوماسي وقالي لو عزتي حاجه روحي السفاره وقولي اسمي بس احمد محمود فؤاد او داود مش فاكره اووي بس الغالب اووي انه فواد وقعد يحفظني في الاسم كتييييييير اوووي .. وفعلا مشيت وبس كده

مش اول مره احلم اني بهرب من حد معرفوش ..
احوي بيدرس لسه
وانا بخاف عليه اوووي
طبعا محدش في عيلتنا بالاسم ده نهائيا
وكريستينا ان .. دي واحده هنا اعرفها روحها جمييله جدااا .. ومتعاونه اوووووي