تفسير احلام الثنين 23\12\2013 باذن الله

حلم رقم 1
انا حلمت بشخص كنت اعرفه من سنتين وراح لحاله خلاص ودالوقتي الشخص ده اصلا مش بطيق سيرته وهو متجوز وعنده اولاد
حلمت بالشخص ده ان انا واهلي روحنا بيته واستضفتنا مراته وكنا هنتغدي عندهم كمان وبعدين انا واختي كنا اعدين فقولنا هو حسام فين حسام ده يبقي اسمه
وقولنا مش عايزين نخليه يشوفنا علشان لو شافنا هيعرفنا واحنا مش عايزين يعرف ان اسرتي تبعي انا يعني فقولت الحمد لله انه مش ظاهر شكله مش هنا ففجأة لقيت صوته طالع من اوضة وبينادي علي بنته بيقولها تعالي يا لينة فانا واختي استخبينا في اوضة تانية علشان لما يطلع يسلم علي ماما وبابا واخواتي مش يشوفنا وكلمته في التليفون وقولتله ازيك يا حسام قالي كويس بس انتي وحشتيني اوي وكان لابس قفطان ابيض طول الحلم المهم قولتله وحشتك ازاي مش كل حاجة انتهت وراحت لحالها قالي بس انا مش عارف انسي قولتله طيب انا ليا شرط لو عايزني ارجعلك قالي ايه وبعدين مش فاكرة حصل ايه مخلنيش اقوله الشرط وانا اصلا مكنتش هرعله بس كنت هخليه ينفذ شرطي وبعدين اضحك عليه وخلاص وابقي ذليته يعني وكان ساكن في مكان شعبي جدا في الدور الاخير وانا عمالة اقول لنفسي كان بيكدب عليا وعملي ابن ناس وهو شخص عادي جدا بيرسم دور مش دوره وكنت بستحلفله جامد في الحلم وبعدين المكان اتحول لمكان تاني فيه مجموعة من البنات وكنت ماشية انا وماما فلاقيت بنت واقفة بصتلها قولتلها انتي اميرة صح اسمك اميرة قالتلي اه انتي عرفتيني ازاي قولتلها انتي كنتي معايا في المدرسة زمان قالتلي طيب وعرفتيني ازاي ما انا شكلي اتغير قولتلها المكياج مغيرك بس انا عرفتك وانتهي الحلم علي كده

الشخص ده يا ماما نجية كنت اعرفه من سنتين وخلاص راح لحاله بعد ما عرفته نفسه لانه شخص كداب وملاوع
ومش بطيق سيرته نعائي دالوقتي

الحلم رقم 3

الحلم ده لولدي حلم من كام يوم كده خير اللهم اجعله خير أنه بيقراء

سورة النساء وبيعيد ويزد فيها الحلم ده كان قبل الفجر مع العلم ان ولدي مدرس قرآن كريم بس ديما فيه مشاكل مابينه ومابين ماما بس وفي وحده بتلف على ولدي

حلم رقم 5
انا حلمت ان انا واسرتي كنا عند خالتي وكنا نازلين من عمدها فانا واختي واحنا نازلين لقينا واحدة فاتحة محل ملابس فانا قولت لاختي تعالي نتفرج ونشوف في حاجات جميلة فروحنا بس من ورا بابا وماما من غير ما يشفونا بس اخويا بس اللي كان عارف علشان كنا هنركب معاه العربية وقولناله مش هنتاخر دخلنا انا واختي واتفرجنا علي حاجات وصاحبة الحاجة دي واحدة في سننا قالتلنا اهلا وسهلا فببص علي الحاجة في حاجات عجبتني ففي فستان طويل عجبني بجاكت قصير عليه وكمان حاجة بس مش فاكرة ايه هي قولتالها انا عجبني ده بس شكله مش مقاسي قالتلي نجبلك المقاس اللي انتي عايزاه بس انا كنت شايفاه فستان خروج لما قسته لقيته بتاع بيت مش خروج فقولتلها ده بيت بس مش مهم حلو وعليا حلو قالتلي اه حلو عليكي فعلا وفي نفس الوقت اختي قاست فستان قصير لغاية الركبة ولونه فوشيا وفي الوان من تحت كده فاختي جيالي تقولي ايه رايك قولتلها شكله حلو وجميل قالتلي بصي جاي معاه بنطلون لونه تركواز (درجة من درجات الازرق)وقالتلي بصي شبه بنطلونك ازاي وقولتلها فستانك حلو وجميل بس مينفعش تلبسي تحتيه بنطلون هيبقي شكله فلاحي اوي البسي تحتيه شراب بني او اسود يبقي احسن واشيك والبنطلون البسية تحت اي بادي وجت صاحبة المحل تقيسلي الحاجة التانية اللي انا اختارتها بس انا قولتلها لا مش هلحق علشان اخويا مستنيني وهنتاخر علي ماما وبابا قولتلها انتي اكيد عاملة عروض علي الفساتين دي قالتلي اه الفستان ب 50 جنيه قولتلها طيب وعلشان خاطري قالتلي يبقي 12 جنيه قولتلها خلاص هاتي اللي انا قسته واختي هتاخد اللي اختارته وهنجيلك تاني انا واختي تاني لان خالتي ساكنة هنا قالتلي ماشي مستنياكم وبعدين روحنا لاخويا علشان نركب العربية قولناله معلش اتاخرنا ويلا نلحق بابا وماما وطلع بينا علي طريق البحر وكنا بندور علي ماما وبابا وانتهي الحلم
مع العلم ان انا واختي انسات