تفسير الاحلام ليوم الثلاثاء 19/11/2013

حلم 4

انا حلمت خير اللهم اجعله خير
ان حماتي ادتني كيس في سمك(بياض او سكساك او قكركور مش عارفه الاسماء بتختلف من بلد لبلد هو شكل سمك القراميط بس مش قراميط)ادتني السمك وكان كتير عشان انظفو للغدا
المهم اخدت الكيس منها وركبت عربيه انا وجوزي وفتحت الكيس عشان اشوف السمك كتير ولا شويه لقيتو سمك كبير وكتير خفت منو عشان بخاف انظف السمك الحي حولت انظفو بقي بيهرب من ايدي في العربيه والمفروض اني انزل انا وجوزي بببص في الكيس لقيت سمك بس شويه خالص قعت ادور في العربيه ملقتش حاجه فزلتمن العربيه انا وجوزي والمفروش اني رايحه لحماتي وخايفه منها لان امتر من نص السمك مش عارفه راح فين
المم وانا ماشيه لقيت السمك بيطلع من تحت هدومي وبقيت مرعوبه سمك بيطلع من ظهري من فوق وسمك بيطلع من عند ايدي  وانا عماله اقول انا ازاي مش حاسه بالسمك اللي تحت هدومي دا وكل ماامسك السمك يتزفلط من ايدي المهم في حد بي مش عارفه مين كان بيمسكو ويحطو في الكيس وؤرحت لحماتي قولت انتي ادتني سمك قد ايه قالتلي ادتك ووحده سكساك و4بياض وسمكه حصان قالتلي وبستالي ليه قولتها بسال روحت ابص في الكيس لقتهم مظبوطين معادا سمكه الحصان دي روحت ابص من الشباك بتاع الصاله لقتيت سمكه الحصان دي قدام البيت بالظبط بس خفت انزل امسكها لانها كانت حيه وبس خلص الحلم علي كدا بس معرفش في الحقيقه لاايه سمكة الحصان دي بس في الحقيقه هي شبه سمك القراميط
بس مش قراميط
انا متجوزة وحامل في التالت

الحلم رقم 5 

انا حلمت انى ماما جبتلى عبله فيها حلق دهب وانا بفتح العلبه لقيت تعبان طالع منها المهم انا لبس الحلق وبعدين ضربت التعبان وشلت الجلد بتاعوووو بس هو ممتش وهرب منى وانا قعدت ادور عليه علشان اكمل ضرب واموته علشان ميجيش يلسعنى واموت ف اى وقت  وبعدين انا شلت الحلق اللى لبستو المهم الحلم خلص ع انى ملقتوش وكنت خايفه اوى وكنت مستنيه انى هيموتنى ف اى وقت وبعد ما صحيت قلت الحمد لله انو حلم  المهم وانا بحكى لماما قالتلى انا حلمت حلم شبه دا وكنت فاكرا احزرك

9



حلمت خير اللهم جعله خير انى دخلت محل ملابس عشان اشترى لا مؤاخذة برا (ستيان) وبعدين شوفت المجموعة المعروضة فاخترت منهم واحدة لونها لبنى كده وكانت عجبانى اووووى وقلت هى دى مناسبة لمقاسى فجت البنت البياعة ولقيتها بتقوللى طب وانتى ليه مصرة على دى ما تجربى اشكال تانية وقعدت تجيبلى ستيانات تانية اقيسها ومش كانوا بييجوا على قدى ومش بيبقوا مظبوطين عليا فلقيتها راحت جابتلى اول واحدة انا اخترتها خااالص وراحت ملبسهالى حتى بسرعة من غير ما اخد بالى وقعدت اقولها انتى لبستيهالى تحت  القميص الابيض وهتبان كده لونها من تحته والناس هتشوفها قالتلى عادى ما لازم الناس هتشوفها وخدتها وروحت بيها البيت لماما لقيت بابا جايبلى زى اى باد جديد وكنت فرحانة بيه وعنته مع ماما عشان محدش يشوفه معايا وروحت برده عينت الاب توب بتاعى فى شنطته عشان محدش ياخد باله منه وخلص المنام على كده 


ومعلش منام صغير كمان شوفت ان اخويا جايب لنا عصاير كلنا وكل واحد خد النوع اللى بيحب يشربه فلقيت بنت خالى بتقوله امال فين بتاع ايناس قالها اهو خدته وفعلا لقيته جايبلى لبن بالفواكه ده وانا فعلا بحب النوع اللى جايبه وكنت قاعدة بشرب فيه وكان فيه مكسرات فول سودانى كده بحيث اشرب منه وامضغهم واكلهم فى نفس الوقت وكنت مستمتعة بيه اوى .. بس كده 

12 حلمت ان ماما جابتلي ساعة يد لونها دهبي وبتلمع جدا ومليانة برونز ومن كتره بينزل علي ايدي ولبستها وبعدين ماما فضلت تعدلهالي في اللبس الاول مكنتش عجباني قوي بعد كدة عجبتني جدا وكنت لبساها في ايدي اليمين وماما قالتلي شفتي حلوة ازاي قولتلها فعلا. وخلص الحلم مع العلم اني انسة

انا مايسه لى  اخت وكان عندها نفس المشكله الالى عندى وهى التعطيل وكانت بتشتغل مدرسه فى مدرسه خاصه واتعرفت على امام الجامع وقال لها انو ممكن يساعدها فى حل هذه المشكله وبالفعل ساعدها واتجوزت ومرت الايام وظهرت نفس المشكله عندى انا مايسه كل ما يجى عريس يسبنى  حولت ان ابحث عن هذا الرجل ولكنى فشلت ولكن هو ظهر مره اخره وقال لى انو كان حاسس انى فى مشكله المهم انو اعطانى نوع من البلح وقال لى اغلى على ماء واشربى وعملت هذا اختى عملت كده من قبل ورجعت كتير حجات صفراء اللون وقال لى هذا دليل على انى شربه عمل ورقانى الرقيه الشرعيه وبسراحه ارتحت كتير عن الاول ولكن حلمت ان جسمى كلو دمامل كبيره وشكلها وحش جدا وانى عريانه واختى كمان حلمت انو بيضع يده على راسها عشان يرقيها ولكن هى رفضت عشان هى متزوجه وانا كنت معاهم فى الحلم 
الحلم رقم 10