ادخلى بسرعه اكتبى حلمــــــــــك تفسير احلام يوم الاثنين((18\11\2013)) باذن الله

السلام عليكم يا ماما نجيه ربنا يديلك الصحه ويخليكي

[size=24]

انا بابا الله يرحمه توفى من 3 اسابيع تقريبا وحلمت الحلم ده بعد وفاته باسبوع

الحلم

حلمت يا ماما اني في بيتنا بتاع بابا وماما وبعدين لاقيت واحده شويه تبقى ماما وشويه تبقى شابه صغيره بتفتح القبر بتاع بابا المهم فتحته وطلعت بابا وبصيت لاقيت ان القبر ده تحت العماره الي احنا ساكنين فيها واخدته على ضهرها ومشيت وكان في ايدها فلوس دولارات المهم بسأل اختي بقولها ماما راحت فين قالتلي هاتشوفي دلوقتي ولاقيتها رجعت ومعاها بابا وماشي على رجله وصحي تاني فبقولها ازاي عملتي كده قالتلي في واحد تروحيله يعمل كده هو عالجه باللوتس الهوائي المهم لاقيت بابا رايح جاي رايح جاي ومش بيتكلم معانا ولابس جلابيه بيضا فيها خط رمادي خفيف كده كان بيلبسها الله يرحمه وهو عايش المهم رحتله ووقفت قدامه قلتله انت عارفني يابابا قالي اه يا قمره (هو كان دايما يدلعني ويقولي كده) المهم اختي وقفت جنبي وقالتله انت وحشتنا اوي يابابا قالها وانتم كمان وحشتوني وقام حضنا احنا الاتنين

سألته انت كنت فين قالي انا كنت عند ابويا وامي

وبعدين قعد فاختي قامت جابتله طبق فيه عيش متقطع وفوقيه لبن(عيش ولبن) وبعدين قالتله كل يا بابا

وبعدين كان في ايديها شيكولاته اديتلو منها

المهم قعد جنبنا على الكنبه سالته اخبارك ايه يا  بابا قالي كل يوم بيجيلي اكياس دهب كل يوم بيجيلي اكياس دهب

قلتله والنار قالي مافيش غير يوم واحد وطفتها بايدي وشاورلي انه طفاها بأيده

وقعد يقول لاختي بيعي القديم وخليكي في الجديد ويكرر الجمله كذا مره

انا قولتله اانا يا بابا ان شاء الله هاروح الاسبوع الجاي اعملك عمره ماردش عليا وكرر كلامه لاختي قلتله يابابا انا هاروح اعملك عمره ابتسم واختي قالتله 

وهاتوصلك ويقوللك بنتك بسمه بعتتهالك

المهم بابا اختفى

وظهر اخواتي الاتنين الكبار الولاد قاعدين على كنبه قصادي اخويا الكبير قاعد على جنب و اخويا الوسطاني بيخانق ماما وبيقولها انتي طلعتيه ليه قصده على بابا وفين الصناره الي امير قال هايبعتها( امير ده اخويا والتالت في اخواتي الكبار ومسافر بره مصر ) وبعدين لاقيت اخويا الوسطاني ده عينه صفرا من جوه زيها زي عين النمر او اي حاجه متوحشه وخرجت من مكانها

وصحيت يا ماما

انا عندي 3 اخوات ولاد اكبر مني 

وبنت اكبر مني غير متزوجه

انا  الصغيره 28 سنه الحمدلله متدينه متزوجه

ماما بينها وبين اخويا الوسطاني مشاكل على فلوس كتير و لجات للقانون فيها

انا فعلا رايحه اعمل لبابا عمره قريب ان شاء الله

ربنا يكرمك يا ماما نجيه ويجعله في ميزان حسناتك

[/size]
[/size]

حلم رقم 2
انا حلمت خير اللهم اجعله خير
بانى اشتريت بواريك كتيييييييييييير( جمع باروكه) ومش فاكره كنت بشتريم ليه بس و انا بشتريهم عمال اقول لنفسى انى مش حلبسهم عشان حرام
و فعلا قعدت افتكر  و انا بشتريهم ان جدتى الله يرحمها كانت بتلبس باروكات لما كانت موضه زمان و لما اتحجبت بطلت بس فضلوا عندها و شفتهم و قصقصتهم لما كانت بتجوز خالى عندها( الجزء بتاع جدتى حقيقه وحصل فعلا)
المهم روحت و لقيت بابا جه فجأه و عمال يزعق و يشخط فيا بصوت عالى و يقولى انتى جبتى بواريك ليه؟ انتى عارفه انه حرام؟
حتلبسيهم؟ خلاص نسيتى اللى درستيه فى السعوديه من حلال و حرام؟
فعيطت و انا بقوله لا و الله يابابا فاكره دنا اشتريتهم عشان احرقهم فبصلى كأنه مش مصدق( مع انى كنت صادقه ) فقمت حرقت  كل البواريك دى 
وصحيت من النوم

انا 29 سنه اسمى باسنت متزوجه من سنتين و لم يحدث حمل و متوسطه التدين
بابا اسمه عادل 57 سنه و طبيب و متوسط التدين
جدتى الله يرحمها اسمها عواطف و كانت محجبه و متوسطه التدين

حلم 3
انا حلمت ان جوزى ساعد ست كبيره فى السن تلعلها الغساله بتعتاها او غساله اطفال ف الست دى جت قعدت معاه شويه ف و الست دى المفروض ان هى بتحسد وشوشته و قلتله انت جبتها هنا لييه هتحسدنا دلوقتى .. بعدين سبتهم و نزلت مع و احده صحبتى رحنا مدرسه بعدين خرجنا منها علشان نروح لقينا الحتى زحمه اوى و كل و احده فينا تروح بيتها لجوزها بعدين قلتلها تعالى نمشى من طريقنا القديم لقينا نفسينا روحنا على بيت اهل كل و احده فينا بعدين طلعت قعدت اقطع لحمه مطبوخه و فراخ فى طبق كده علشان المفروض كنا نزلين لجمعيه خيريه فيها اطفال غلبنين بس

انا متوسطه التدين متزوجه و حامل 25 سنه
صحبتى ساره متوسطه التدين متجوزه و مخلفه ولد 25 سنه

حلم ٤

حلمت انه والدتي جاءت صديقتها البيت ثم كانت هناك فتاة مقعدة تقول لي بانه هناك رجل شرير تقول من اعطاني التبرعات وانا عرفت الرجل ثم في مستشفى يوجد به ناس على كرسي متحرك ثم كان الدكتور كتب لي علاج بالوصفة كانه ابرة قال توضع على اليد  كانه حمض ثم خرجت نفسيتي افضل وسالت هلي لماذا هذه الابر قالوا للعضلات وكاني غير راضية على العلاج اريد علاج اخر ثم نظرت لرجل في المشفى كان عاجز لكنه وقف.

الحلم رقم ( 9 )
انا متزوجة ومعايا ولد وحامل
حالتى الدينيه : الحمد لله ملتزمة بصلاتى ولبسي وقرآنى وصلة رحمى وبارة بأهل زوجى الحمد لله ..
حلمت خير اللهم اجعله خير ان والدى الله يرحمه عنده ارض زارعها باميه وعايز حد يجمعله الباميه من الارض قولتله انا حجمعلك اللى حقدر عليه ونزلت الارض كانت ماشاء الله واسعه ومزروعه كلها باميه مديت ايدى في الارض طلعت كمية باميه كتييييييرة اوى كانت علي الارض وكنت بجمع الباميه من علي مكانها عالشجر القصير ده ... وبابا قالي خدى بالك فيه باميه لسه مكبرتش اوعى تقطعيها وفعلا سبتها ... ومليت طبقين بلاستيك كبار باميه وانا بملي الطباق دى لقيت باميه عالأرض بس كان شكلها مدور شبه البسله واكلتها كان طعمها حلو اوووووى ومسكرة وفعلا خلصت لبابا جمع الباميه ومشيت لقيت واحد ممثل كده شاورلي وشاور لتلاته معايا قالنا تعالو انتو الاربعه لانكو خلاص حتموتو بكره وعمركو خلاص حينتهى تعالو اعملو اى حاجه تنفعكو ... فأنا قعدت وفضلت استغفر ربنا وقومت من النوم في الحقيقه عماله استغفر ربنا بس ...

الحلم  رقم 10 انا مايسه مدرسه وسبق ان قولتى لى ان عندى تعطيل  انا حلمت ان فوق كبرى وانا جالسه فى الارض لااستطيع المشى وبسحف فى الارض وتحت الكبرى مترو الانفاق وانا بنزل فى اتجاه المرج وكنت مش عرفه اى واحد وهو اتجاه المرج المهم انى نزلت ومش عرفه ازى وكنت جالسه على الارض مش قادره امشى واكتشفت انى فى اتجاه خاطى وقولت لنفسى اعمل اه انا مش قادره اطلع تانى .وحلم تانى انى ذاهبه لعمره وكنت ركبه طائره لكنى كنت لبسه ملابس مش منسبه كنت لبسه جيب وبلوزه والطائره كانت مزحومه جدا ومكنتش قادره على التنفس والناس ركبه على بعض لدرجت ان اتنين فى كرسى واحد ومن كتر الزحمه سرخت ان مش قادره اتنفس وفجاه الجيب بتاعى انقطع وكان كاشف كل رجلى ومكنتش عرفه استر نفسى .
عمتى سكنه فى نفس البيت زوجها رجل وحش سيى الخلق من زمان انا واخوتى نساعده هى واولادها مدين وانا اكتر وحده قريبه لاولدها واكتر وحده اساعدهم هى حلمت بابى وهو فى الحقيقه متوفى من 6سنوات كان مريض بالسرطان انو جى واعطاها ملوخيه ووخوبزهواشياء خضره كتير وقال لها اطبخى واكلى العيال كلها واكلى مايسه وذكرنى بالاسم . اسفه طولت عليكى سامحينى وحلم اختى حدرتك قولتى احسن تكلمنى فى التليفون طيب اخد رقمك ازى

حلم رقم 11
والدتى حلمت لى حلم
شافت ان في رغيف عيش فينو كبير قدامى وفيه اكل حلو بس الذباب ملوم على الرغيف

وشكرا مقدما يا ماما نجية

12

حلمت خير اللهم اجعله خير يارب انى قاعدة فى الشغل بتاع بابا وفى مكان شغله ولقيت راجل منصبه كبير شغال هناك جايبلى علبة هدايا مقفولة وشكلها حلو اوووى فبفتحها لقيت فيها شامبو ومطهر ريحتهم حلوة كده فخدتها وروحت البيت وحكيت لماما ووريتها الهدية لقيتها بتقوللى انا من شوية يا ايناس اتوضيت وصليت العصر وبعدها عينى غفلت شوية وشفت رؤيا ان ابوكى جاى يقوللى لو جه احمد واتقدم (عشانى يعنى) يبقى هوه ده الرجل ! يقصد ان هوه ده الشخص المطلوب او المناسب يعنى فانا استغربت اوى ان امى تحكيلى حاجة زى كده وقعدت اقولها سبحان الله يا ماما انتى قلما لما تشوفى رؤيا !! ... مع العلم ان فعلا فيه شاب بالاسم ده بيشتغل مع والدى حاليا  بس انا مليش علاقة بيه