أدخلي اكتبي حلمــــك <<<< تفسير أحلام يوم الثلاثـــــاء 29 - 10 - 2013

السلام عليكم ورحمة الله وبركاته

تفسير أحلام اليوم ان شاءالله

الحلم الي مش مترقم هايتحذف

رجـــاي الإلتـــــــــــــــــــــزام بالترقـــــــــــــــيم

وحلم واحد لكل عضوة

وربنا يجعله في ميزان حسنات ماما نجية ان شاءالله

حلم رقم 1
اخويا حلم انه كان واقف هو وواحد صاحبه مش فاكره مين وجمبهم زي ركن حيطة كده وكان موجود ادامه سمكة شكلها حلو وكان في عنكبوت لافف الخيط بتاعه علي السمكة فاخويا بيقول لصاحبة هي السمكة دي ماتت ولا ايه فجاي يلمسها العنكبوت كان هيعضه فشوية واخويا مسك السمكة وفك من عليها الخيط ووداها في حوض السمك بتاعنا واحنا عندنا حوض سمك حقيقي ولقاها بتتحرك ففرح وقال دي عايشة

حلم رقم 2
مامتي حلمت ان بابا تايه عنها يعني بيسيبها ويختفي وتبقي بتستغرب ان هو ازاي سابها ومشي فماما لما لقت كده حاولت ترفه عن نفسها فاخدت جتي اللي هي والدتها واحنا اولادها وروحنا سينما واحنا في السينما وماما اعده قاعد جمبها راجل كبير وزنقها في الكرسي جامد وجدتي اعدة جمبها فماما بصتلهه بصة غريبة راح قايم وسايب الكرسي راحت ماما قايلة لجدتي هو سايبنا كده لا مصروف ولا فلوس ولا حاجة وامه تعرف عنه كل حاجة وعارفين مكانه طيب ما انا اشتكيه عن طريق شركته اللي شغال فيها علشان يبعتلنا فلوس بس ماما قالت الكلام ده وهي متنرفزو وانتهي الحلم
وعلي طول يتكرر الحلك ده مع ماما كتير مع العلم ان جدتي لبابا وماما متوفيين

الحلم رقم3
انا مايسه مدرسه ملتزمه حلم لى زوج اختى انى امشى على رمال وان قدمى متورمه وبها جروح وحافيه ووفى نفس وقت الحلم حدث لى حادث صدمنى متوسكل وكان متقدم لى عريس وكنت هسافر معه السعوديه تفتكرى الحلم اتفسر بالحادث ولا ده له علاقه بالعريس

4
حلمت اني رحت الكوافير عشان اعمل شعري واعمل ميك اب عشان رايحة فرح بنت خالي بعدين شفت بنت خالي هناك في نفس الكوافير بعدين عملت الميك اب وكنت عاوزة البس فستان فبنت خالي التانية(هي في 3 ثانوي) قالتلي انا عندي فستان اهوه متعلق في الدولاب لونه ابيض في موف ومامتها برضه قالتلي خوديه قلتلها ماشي لبست الفستان بقي لونه ابيض كله وبعدين نزلت اجيب حاجة لقيت الشارع اتملي بالناس ومليان ظباط جيش بس مفيش مزيكا والناس كلها عمالة تبصلي وانا لابسة الفستان وكان جميل جدا وبعدين وانا مروحة البيت كان معايا شاب وكان خطيبي وبعدين اول ما وصلنا للبيت من تحت لقيته تعب وبقي مش قادر يسند طوله سندته لحد فوق بعدين دخلنا البيت وولقيته عيونه بتدمع لوحدها وسخن جدا بقيت اقوله اكشف يقولي لا ورافض جدا وكان عنده نزلة شعبية (هذا الشاب في الحقيقة اخو جارتي مليش كلام معاه بس هو كلم اختي وسألها عليا اذا كنت مخطوبة ولا لا )
وخلص الحلم علي كدة مع العلم اني انسة وبنت خالي الللي كانت هتجوز هي مخطوبة وقربت تتجوز وبنت خالي التانية بتتدرس في 3 ثانوي

حلم رقم 5

انا حلمت انى بصيت فى المرايا وشفت شعر زائد فى وجهى وبذات فى منطقه ما بين الانف والفم وكنت عايزه اشيله بس مشلتوش مع العلم انى فى نفس اليوم كنت مصلية صلاة استخاره فى امر ما وجزاكى الله كل خيرا

الحلم رقم ( 6)
انا متزوجة ولم يرزقنى الله لسه بالحمل
حلمت انى كنت بدور على اختبار الحمل ف شقتى وفتحت الدرج ﻻقيت علبه اختبار حمل ومعاها 50 ج بس الخمسين جنيه مقطوعه من فوق كده بس تمشى يعنى

حلم رقم 7
السلام عليكم ورحمة الله وبركاتة
كيف حالك يا ماما نجية ...الله يكرمك ويباركلك ويسعدك
شفت انى اشتريت شبشب جلد من مكان مثل الشقة وفيها احذية للبيع كتير وكان مقاسة مظبوط ولونة بيج وانا كنت من قبل ما اشترية فيه واحدة ست كانت وعدتنى انها تجيب ليا شبشب بس انا حسيت انها مش جابت ليا او مش هتجيب فا انا اشتريت الشبشب البيج دة و بعد ما اشتريتة ..شفت الست اللى وعدتنى انها تجيب ليا شبشب ادامى بتكلمنى وبتقول لى خدى الشبشب دة بدل ما ارجعة انا اشتريتة ومش مناسب ليا خدية انتى بدل ما ارجعة وورتنى الشبشب اللى معاها وكانها خرجتة من كيس توريهولى ..قلت لنفسى انا اشتريت خلاص والشبشب دة مش عاجبنى بس ماشى ممكن اشترية ومكنتش واخدة بالى من اختلاف الفردتين فى اللون لكن معجنيش لانه غير متقن ومش على ذوقى ....ولبست الشبشب اللى اعططهولى الست وكنت بمشى فى الشارع بيه بتفرج علي رجلى بية كدة وكنت ماشية تحت غصن شجرة وفى ضوء النهار شفت الشبشب فردة لونها اخضر وفردة لونها مختلف مش فاكرة لونها اية بس تقريبا لونها بنى وقفت وقلت لنفسى هى عايزة ترجعة عشان كدة ومش قالت لى ؟؟؟ خدت فكرة عن الست دى انها مش تمام لانها مش صريحة بينى وبين نفسى كان احساسى انه ازاى هستخدمة وهو كدة وانة مش ينفع البسة وامشى بية وفكرت انى ارجعة .. انتهى الحلم على كدة ومش رجعتة ولا قلعتة

ملحوظة : الست اللى وعدتنى تجيب ليا شبشب ما شافتش الشبشب اللى بالاول البيج اللى انا اشتريتة ...وكان احساسى انى اشترى الشبشب اللى هترجعة رغم انى اشتريت خلاص انها خدمة منى او تأدية واجب لكن انا شعورى عادى جدا انى اعمل كدة ....كانت فيه ست تانية معايا بتمشى وبتكلم معاها اثناء ما كنت بمشى بالشبشب فى الشارع
الحالة النفسية : الحمدلله وبدعى كتير اننا نسافر وان ربنا يرزقنا ويحقق امنياتى
شفت الرؤيا بعد افجر

طمنينى الله يعطيكى ما تتمنى واكتر هل معناه انى هسافر ولا ايه ؟؟؟

حلم 8
السلام عليكم ورحمة الله وبركاته
انا حلمت من اول امبارح حلم اتكرر معايا اول امبارح وامبارح حلمت ان موبايلي اختى كسرته بالغلط لان هو تاتش وكسرته وانا مسكته فى ايدي وزعلت قولت هعمل ايه دلوقتى واختى قالتلى هجبلك غيره قولتلها النوع ده بقي غالي دلوقتى قالتلي هتصرف وامبارح نفس موضوع الحلم اتكرر بس المره دي اخويا هو اللى كسره بس بطريقه غريبه اوى كنا قعدين كدا والموبايل جنب اخويا قولتله هاتو من جنبك واول ما مسكه قولتلو سيبه خلاص واخدته من ايده واول ما اخدته منه لقيته مشروخ واتكسر بمجر انه مسكه بس انا زعلت اوى وقولت حرام ده انا اشتريته من سنه وكام شهر بس
انا اسفه ماما نجية اختى حلمتلى حلم انهرده خضنى قالتلى ان حلمتك بتشربي سجاير وقالتلى سألتك بتشربي ليه سجاير فولتلها اهو بشرب وخلاص هاتى علبة السجاير من عندك
انا انسه 19 سنه
حالتي الدينيه فى هذه الايام ضعيفه بعض الشئ
شكرا جزيلا وبارك الله فيكي غاليتى

9

حلمت يا ماما نجية

إني أنا و اختي في الشارع كدا نضيف و حلو وواسع و معانا ناس كتير و كنا المفروض حانصلي و أنا دخلت في الصلاة فعلا و كنت بصلي الضحى و أختي كانت جنبي و كانت تقريبا بتصلي أو حاتصلي و بتكلمني و انا بصلي و بتقولي اطلعي من الصلاة حاييجو يمشونا دلوقتي و كان فيه فعلا أمن كدا بيمشي الناس من الشارع بس انا كنت مكملة الصلاة و بقول في نفسي حالحق أخلص بس طبعا كنت مش مركزه في الصلاة و حاسه اني متلخبطه و انا ف التشهد فعلا و انا بقول اللهم صل على محمد تقريبا كدا جه واحد من رجالة الأمن و طلعني من الصلاة و قلت في نفسي إن شاء الله مقبولة عشان انا كنت خلاص في التشهد و كنت حاسلم و نيتي ان اكمل الصلاة و ربنا عالم بنيتي

أنا و أختي آنسات و ملتزمين الحمد لله

و فعلا أنا بصلي صلاة الضحى في معظم الأيام الحمد لله

حلم رقم 10
السلام عليكم يا ماما

انا حلمت حلم غريب وطويل ومتقسم
حلمت اني بكلم زميلي في التليفون وبيقولي عارفة الحمام بتاع اخوكي محمد شكله عامل ازاي والدش بتاعه ؟ قلتله ايوة قالي ان شاء الله هعمل واحد زيه لينا في شقتنا ....فانا جوايا استغربت شقتنا؟؟ وقلت في نفسي ازاي ومفيش بينا حاجة ولا كلام ..... وكنت في اوضتي وبرة في الانتريه عمي سعيد وعمي شعبان وبابا وقاعدين ماسكين زي تليفون وسمعو عليه حاجة وبعدين بابا دخل يقول لماما وهو بيضحك ...احنا اتأكدنا انه بيحبها بجد .....بعدين قعد يتكلم كلام مسمعتهوش ....... وزي ما يكون كل قرايبنا عندنا وشوية اشوف مرات عمي مع ماما في الانتريه وشوية اشوف ناس تانية جاية .....بعدين زي ما اكون بالليل جه ورحت انام في مكان كدة زي شقة كلها ستات وبنات العيلة خالاتي وبناتهم والاوض كلها سراير وغطا واحنا في الشتا ومتجمعين وكلهم نامو وانا فاضل سريرين بس في اوضة قريبة من الباب والكل نام وانا اللي بقيت في الاخر وقعدت افكر هنام هنا ولا معاهم ؟ ......بعدين لقيت نفسي ماشية في شارع جمب بيتنا بعدها بالنهار ولقيت زميلي هو هو موجود مع ناس وفي كراسي في الشارع وهو قاعد معاهم على كرسي شفته بس مشفنيش وعديته وخليته ورا ضهري وشفته ماسك التليفون واتصل فلقيت تليفوني بيرن ...ولقيته هو بيتصل بيا ....فرديت من غير ماابص ورايا ..قالي انا عاوزة اعرف العنوان واجي اعزي في محمد اخوكي ...قلتله طيب هتلاقيني قدامك لو بصيت ...تعال ورايا ....وكنت بشعري ولابسة ترنج شتوي بيتي وماشية في الشارع كدة ...بس البنطلون بتاعي الاستك سايب وحسيته هيقع مني ....وكان نفسي ارفعه بس طبعا اتحرجت اووووي اعمل كدة وانا عارفة انه ماشي ورايا ....قلت ادخل بيت وارفعه واطلع ....هيكون حصلني ....رحت مديت زي الجري وقلت اول ما احود في شارعنا اللحظة دي هرفع بنطلوني واعدل نفسي قبل ما يحود هو كمان ....وفعلا عملت كدة بس مرفعتوش اوي بس قلت انا خلاص هطلع بيتنا ....وعلى باب بيتنا من تحت لقيت خالتي وفاء وبنات خالة ماما رشا وهند وجارتنا ابلة نادية ....كلهم لابسين اسود وبيعيطو وخاصة خالتو وجايين يعزو ....انا وقفت وقلتلهم محمد اخويا ممتش على فكرة وكويس الحمد لله ....قالولي ازاي قلتلهم هو كويس والخبر كان سوء تفاهم من ماما..... راحت خالتو قالتلي هي سعاد (ماما يعني) غلطانة كان لازم تتأكد قبل ما تقول

انا انسة و محمد اخويا لسة عريس جديد بقاله 10 ايام تقريبا وعلى فكرة كل الناس الي حلمت بيهم دي كانو كلهم حضرو فرح محمد فعلا وشفتهم في الحلم بنفس اللبس تقريبا وخالتو وولاد خالة ماما كانو لابسين عبايات ولبس غامق فعلا .....وزميلي ده جه فرح اخويا ....وهو كان عاوز يتقدملي بس مجاش عشان سمع كلام امه

ميما كتب:: حلم رقم 1
اخويا حلم انه كان واقف هو وواحد صاحبه مش فاكره مين وجمبهم زي ركن حيطة كده وكان موجود ادامه سمكة شكلها حلو وكان في عنكبوت لافف الخيط بتاعه علي السمكة فاخويا بيقول لصاحبة هي السمكة دي ماتت ولا ايه فجاي يلمسها العنكبوت كان هيعضه فشوية واخويا مسك السمكة وفك من عليها الخيط ووداها في حوض السمك بتاعنا واحنا عندنا حوض سمك حقيقي ولقاها بتتحرك ففرح وقال دي عايشة

حبيبتى فيه رزق لاخوك بس فيه تعب من عدو ولكن هيتغلب على تلك العدو وهيتحصل على الرزق والله يبارك له

ميوش كتب:: حلم رقم 2
مامتي حلمت ان بابا تايه عنها يعني بيسيبها ويختفي وتبقي بتستغرب ان هو ازاي سابها ومشي فماما لما لقت كده حاولت ترفه عن نفسها فاخدت جتي اللي هي والدتها واحنا اولادها وروحنا سينما واحنا في السينما وماما اعده قاعد جمبها راجل كبير وزنقها في الكرسي جامد وجدتي اعدة جمبها فماما بصتلهه بصة غريبة راح قايم وسايب الكرسي راحت ماما قايلة لجدتي هو سايبنا كده لا مصروف ولا فلوس ولا حاجة وامه تعرف عنه كل حاجة وعارفين مكانه طيب ما انا اشتكيه عن طريق شركته اللي شغال فيها علشان يبعتلنا فلوس بس ماما قالت الكلام ده وهي متنرفزو وانتهي الحلم
وعلي طول يتكرر الحلك ده مع ماما كتير مع العلم ان جدتي لبابا وماما متوفيين

حبيبتى وضحى ظروف الرؤيا من المتوفى بالضبط

مايسة كتب:: الحلم رقم3
انا مايسه مدرسه ملتزمه حلم لى زوج اختى انى امشى على رمال وان قدمى متورمه وبها جروح وحافيه ووفى نفس وقت الحلم حدث لى حادث صدمنى متوسكل وكان متقدم لى عريس وكنت هسافر معه السعوديه تفتكرى الحلم اتفسر بالحادث ولا ده له علاقه بالعريس

نعم يا حبيبتى الحلم اتفسر فعلا والف سلامة وانا قلت لك مطلوب منك صدقة

يارب خير يارب كتب:: 4
حلمت اني رحت الكوافير عشان اعمل شعري واعمل ميك اب عشان رايحة فرح بنت خالي بعدين شفت بنت خالي هناك في نفس الكوافير بعدين عملت الميك اب وكنت عاوزة البس فستان فبنت خالي التانية(هي في 3 ثانوي) قالتلي انا عندي فستان اهوه متعلق في الدولاب لونه ابيض في موف ومامتها برضه قالتلي خوديه قلتلها ماشي لبست الفستان بقي لونه ابيض كله وبعدين نزلت اجيب حاجة لقيت الشارع اتملي بالناس ومليان ظباط جيش بس مفيش مزيكا والناس كلها عمالة تبصلي وانا لابسة الفستان وكان جميل جدا وبعدين وانا مروحة البيت كان معايا شاب وكان خطيبي وبعدين اول ما وصلنا للبيت من تحت لقيته تعب وبقي مش قادر يسند طوله سندته لحد فوق بعدين دخلنا البيت وولقيته عيونه بتدمع لوحدها وسخن جدا بقيت اقوله اكشف يقولي لا ورافض جدا وكان عنده نزلة شعبية (هذا الشاب في الحقيقة اخو جارتي مليش كلام معاه بس هو كلم اختي وسألها عليا اذا كنت مخطوبة ولا لا )
وخلص الحلم علي كدة مع العلم اني انسة وبنت خالي الللي كانت هتجوز هي مخطوبة وقربت تتجوز وبنت خالي التانية بتتدرس في 3 ثانوي

حبيبتى ان شاء الله هتخطبى فعلا بس هتحدث معك مشكلة وربنا يعديها على خير

sasoloveyou كتب:: حلم رقم 5

انا حلمت انى بصيت فى المرايا وشفت شعر زائد فى وجهى وبذات فى منطقه ما بين الانف والفم وكنت عايزه اشيله بس مشلتوش مع العلم انى فى نفس اليوم كنت مصلية صلاة استخاره فى امر ما وجزاكى الله كل خيرا

حبيبتى الاستخارة فيها هموم وربنا معك

ام حسام كتب:: الحلم رقم ( 6)
انا متزوجة ولم يرزقنى الله لسه بالحمل
حلمت انى كنت بدور على اختبار الحمل ف شقتى وفتحت الدرج ﻻقيت علبه اختبار حمل ومعاها 50 ج بس الخمسين جنيه مقطوعه من فوق كده بس تمشى يعنى

حبيبتى عالجى نفسك وان شاء الله ربنا هيرزقك قريبا بالاطفال والله المستعان

عائشة كتب:: حلم رقم 7
السلام عليكم ورحمة الله وبركاتة
كيف حالك يا ماما نجية ...الله يكرمك ويباركلك ويسعدك
شفت انى اشتريت شبشب جلد من مكان مثل الشقة وفيها احذية للبيع كتير وكان مقاسة مظبوط ولونة بيج وانا كنت من قبل ما اشترية فيه واحدة ست كانت وعدتنى انها تجيب ليا شبشب بس انا حسيت انها مش جابت ليا او مش هتجيب فا انا اشتريت الشبشب البيج دة و بعد ما اشتريتة ..شفت الست اللى وعدتنى انها تجيب ليا شبشب ادامى بتكلمنى وبتقول لى خدى الشبشب دة بدل ما ارجعة انا اشتريتة ومش مناسب ليا خدية انتى بدل ما ارجعة وورتنى الشبشب اللى معاها وكانها خرجتة من كيس توريهولى ..قلت لنفسى انا اشتريت خلاص والشبشب دة مش عاجبنى بس ماشى ممكن اشترية ومكنتش واخدة بالى من اختلاف الفردتين فى اللون لكن معجنيش لانه غير متقن ومش على ذوقى ....ولبست الشبشب اللى اعططهولى الست وكنت بمشى فى الشارع بيه بتفرج علي رجلى بية كدة وكنت ماشية تحت غصن شجرة وفى ضوء النهار شفت الشبشب فردة لونها اخضر وفردة لونها مختلف مش فاكرة لونها اية بس تقريبا لونها بنى وقفت وقلت لنفسى هى عايزة ترجعة عشان كدة ومش قالت لى ؟؟؟ خدت فكرة عن الست دى انها مش تمام لانها مش صريحة بينى وبين نفسى كان احساسى انه ازاى هستخدمة وهو كدة وانة مش ينفع البسة وامشى بية وفكرت انى ارجعة .. انتهى الحلم على كدة ومش رجعتة ولا قلعتة

ملحوظة : الست اللى وعدتنى تجيب ليا شبشب ما شافتش الشبشب اللى بالاول البيج اللى انا اشتريتة ...وكان احساسى انى اشترى الشبشب اللى هترجعة رغم انى اشتريت خلاص انها خدمة منى او تأدية واجب لكن انا شعورى عادى جدا انى اعمل كدة ....كانت فيه ست تانية معايا بتمشى وبتكلم معاها اثناء ما كنت بمشى بالشبشب فى الشارع
الحالة النفسية : الحمدلله وبدعى كتير اننا نسافر وان ربنا يرزقنا ويحقق امنياتى
شفت الرؤيا بعد افجر

طمنينى الله يعطيكى ما تتمنى واكتر هل معناه انى هسافر ولا ايه ؟؟؟

حبيبتى رؤيتك ليس لها علاقة بالسفر نهائ وتدل على عدم ااستقرار حياتك الزوجية وبتبص على حياة الاخرين ولكن هتجدى انا حياتك افضل من غيرك فهترضى بها والله ييسر امورك ويفرجها عليك

♥براءة عشق♥ كتب:: حلم 8
السلام عليكم ورحمة الله وبركاته
انا حلمت من اول امبارح حلم اتكرر معايا اول امبارح وامبارح حلمت ان موبايلي اختى كسرته بالغلط لان هو تاتش وكسرته وانا مسكته فى ايدي وزعلت قولت هعمل ايه دلوقتى واختى قالتلى هجبلك غيره قولتلها النوع ده بقي غالي دلوقتى قالتلي هتصرف وامبارح نفس موضوع الحلم اتكرر بس المره دي اخويا هو اللى كسره بس بطريقه غريبه اوى كنا قعدين كدا والموبايل جنب اخويا قولتله هاتو من جنبك واول ما مسكه قولتلو سيبه خلاص واخدته من ايده واول ما اخدته منه لقيته مشروخ واتكسر بمجر انه مسكه بس انا زعلت اوى وقولت حرام ده انا اشتريته من سنه وكام شهر بس
انا اسفه ماما نجية اختى حلمتلى حلم انهرده خضنى قالتلى ان حلمتك بتشربي سجاير وقالتلى سألتك بتشربي ليه سجاير فولتلها اهو بشرب وخلاص هاتى علبة السجاير من عندك
انا انسه 19 سنه
حالتي الدينيه فى هذه الايام ضعيفه بعض الشئ
شكرا جزيلا وبارك الله فيكي غاليتى

حبيبتى علاقتك مع احد هيحدث فيها شرخ او مشكلة وربنا يصلح حالك اما التانى انت هتتكلمى كلام يغضب الله واختك هتصحح لك الكلام والله يهدى امرك

meckey mahmoud كتب:: حلم رقم 10
السلام عليكم يا ماما

انا حلمت حلم غريب وطويل ومتقسم
حلمت اني بكلم زميلي في التليفون وبيقولي عارفة الحمام بتاع اخوكي محمد شكله عامل ازاي والدش بتاعه ؟ قلتله ايوة قالي ان شاء الله هعمل واحد زيه لينا في شقتنا ....فانا جوايا استغربت شقتنا؟؟ وقلت في نفسي ازاي ومفيش بينا حاجة ولا كلام ..... وكنت في اوضتي وبرة في الانتريه عمي سعيد وعمي شعبان وبابا وقاعدين ماسكين زي تليفون وسمعو عليه حاجة وبعدين بابا دخل يقول لماما وهو بيضحك ...احنا اتأكدنا انه بيحبها بجد .....بعدين قعد يتكلم كلام مسمعتهوش ....... وزي ما يكون كل قرايبنا عندنا وشوية اشوف مرات عمي مع ماما في الانتريه وشوية اشوف ناس تانية جاية .....بعدين زي ما اكون بالليل جه ورحت انام في مكان كدة زي شقة كلها ستات وبنات العيلة خالاتي وبناتهم والاوض كلها سراير وغطا واحنا في الشتا ومتجمعين وكلهم نامو وانا فاضل سريرين بس في اوضة قريبة من الباب والكل نام وانا اللي بقيت في الاخر وقعدت افكر هنام هنا ولا معاهم ؟ ......بعدين لقيت نفسي ماشية في شارع جمب بيتنا بعدها بالنهار ولقيت زميلي هو هو موجود مع ناس وفي كراسي في الشارع وهو قاعد معاهم على كرسي شفته بس مشفنيش وعديته وخليته ورا ضهري وشفته ماسك التليفون واتصل فلقيت تليفوني بيرن ...ولقيته هو بيتصل بيا ....فرديت من غير ماابص ورايا ..قالي انا عاوزة اعرف العنوان واجي اعزي في محمد اخوكي ...قلتله طيب هتلاقيني قدامك لو بصيت ...تعال ورايا ....وكنت بشعري ولابسة ترنج شتوي بيتي وماشية في الشارع كدة ...بس البنطلون بتاعي الاستك سايب وحسيته هيقع مني ....وكان نفسي ارفعه بس طبعا اتحرجت اووووي اعمل كدة وانا عارفة انه ماشي ورايا ....قلت ادخل بيت وارفعه واطلع ....هيكون حصلني ....رحت مديت زي الجري وقلت اول ما احود في شارعنا اللحظة دي هرفع بنطلوني واعدل نفسي قبل ما يحود هو كمان ....وفعلا عملت كدة بس مرفعتوش اوي بس قلت انا خلاص هطلع بيتنا ....وعلى باب بيتنا من تحت لقيت خالتي وفاء وبنات خالة ماما رشا وهند وجارتنا ابلة نادية ....كلهم لابسين اسود وبيعيطو وخاصة خالتو وجايين يعزو ....انا وقفت وقلتلهم محمد اخويا ممتش على فكرة وكويس الحمد لله ....قالولي ازاي قلتلهم هو كويس والخبر كان سوء تفاهم من ماما..... راحت خالتو قالتلي هي سعاد (ماما يعني) غلطانة كان لازم تتأكد قبل ما تقول

انا انسة و محمد اخويا لسة عريس جديد بقاله 10 ايام تقريبا وعلى فكرة كل الناس الي حلمت بيهم دي كانو كلهم حضرو فرح محمد فعلا وشفتهم في الحلم بنفس اللبس تقريبا وخالتو وولاد خالة ماما كانو لابسين عبايات ولبس غامق فعلا .....وزميلي ده جه فرح اخويا ....وهو كان عاوز يتقدملي بس مجاش عشان سمع كلام امه

حبيبتى طبعا العزاء فرح او مباركة واتجمعت العيلة لكى تبارك لاخوك وعقبالك اما هذا الشخص نفسه يخطبك لكنه مضلل من احد وهيحاول مرة اخرى وان صدقت رؤيتك فسوف ياتى لخطوبتك والله يوفقك

يا ماما نجية أنا حلمي رقم 9

معلش للإزعاج

عضوة عدد المساهمات : 162 تاريخ التسجيل : 11/09/2011

حلم رقم 1

حلمت انى كنت ف مكان كدا وفيه ناس اعرفهم مكان كان فيه تجمع كدا عند واحده صاحبتنا اسمها لينة ولينة كانت زعلانه شويه وبعدين انا قومت علشان امشي لقيت واحدة زميلتي اسمها هاجر داخله وعدينا بعض ومشوفناش بعض وبعدين رجعنا تانى وجيت اسلم عليها قالتلى لا انا عندى برد بلااش ولقيت شكلها تعبان اوى وقلتلها انا كنت همشي بس خلاص هقعد معاكى وفعلا قعدنا وقالتلى انا حامل وشكلها مرهق ومجهد اوووى ومش قادره تتكلم
وببص كدا لقيت جسمها من ناحية ضلوعها كدا مفتوحه زى مشقوق كدا
ومامتها كانت معاها بس مسلمتش عليا وكانت منتقبه مع انها مش كده فالحقيقه

ملحوظه انا بقالى سنين علاقتنا منقطعه واحنا كنا زملاء عاديين يعنى مش صداقه اووى
وانا سالت عليها من فتره عرفت انها اتجوزت قريب واخبارها تمااام

» أدخلي اكتبي حلمــــك <<<< تفسير أحلام يوم الثلاثـــــاء 5 - 11 - 2013
» أدخلي اكتبي حلمــــك <<<< تفسير أحلام يوم الثلاثـــــاء 12 - 11 - 2013
» أدخلي اكتبي حلمــــك <<<< تفسير أحلام يوم الثلاثـــــاء و الأربعـــــــاء 15و 16 - 10 - 2013
» أدخلي اكتبي حلمــــك <<<< تفسير أحلام يوم الأربعــــــــــــاء 30 - 10 - 2013
» أدخلي اكتبي حلمــــك <<<< تفسير أحلام يوم الجمعـــــــــــة 18 - 10 - 2013