ازيك ماما نجيه
حلمت انى فى الغرفة بتاعتى وكنت مشغلة التليفزيون وبعدين ماما جت من برة وكانت جايبة 3 فوانيس رمضان حطيتهم على المكتب وفلت ليها لية مش جبتى كمان 2 علشان ولاد اختى وقلت ل ماما لو كانت جابت 5 فوانيس كانو هيكونو ب 90 جنية هيا رد عليا(( بس مش فاكرة اوى ان كانت مجبتش علشان مش عايزة تشترى ولا علشان ولادها كبرو)) وماما قالت ان فريدة اشترت لبنتها وانها اتجوزت وان فريدة دى كانت مبسوطة مع جوزها فانا استغربت شوية وقلت كل شى بمعاد وبعدين لقيتنى فى مطعم وانى كلت وبعدين كنت رايحة اطلب اكل تانى وبعدين اتكلمت مع واحدة وبعدين قلت ليها هروح اشترى اكل من مطعم تانى وانى هجيب اكل ليها من معايا وبعدين كنت فى شارع كان ظلمة وجت ورايا بنت اسمها هبة ومفهمتش هيا عايزة قول اية وقلت ليها تعالى معايا مش رضيت ورجعت وانا كملت مشى وكان الشارع الاضاءة اتحسنت فية شوية وانا ماشية شفت عمو عبد السلام الله يرحمة كان ماشى ادامى كانت ايدة الشمال مشلولة وكان ماسك فى ايدة اليمين عصاية ( عارفة ماما الناس الكبار الى بيمسكو عصاية بيسندو عليها وهمو ماشين) وكان لبس عباءة رجالى ابيض وشة مش كان بيضحك ولا مبتسم وهو مش كلمنى وانا مكنتش عايزة اكلمة لانى كنت جوايا انى زعلانة منة كتير وقلت مش هكلمة ومشيت وبعدين لقيت عمو عبد السلام وهو ماشى قابل اخوة عمو عبد الرؤف وقفو يتكلمو شوية وسابة ومشى وانا كنت عمالة امشى بسرعة علشان مش يحصلنى لانى مش عايزة اكلمة ودخلت فى شارع فية سوق لقيت المحلات مقفولة بس لقيت ناس الى بتبيع حاجتها وهيا قاعدة على الارض ولقيت قصب كتير وسالت حد على المطعم وصفلى مكان فية مستشفى واتكلم عن فيرس وانا سبتة ومشيت ومش اهتميت بكلامة ومشيت فى طريقى وكنت حاسة ان الجزء الى ممكن امشى فية فى الطريق بقا اوسع عن الاول وانا ماشية بصيت على شارع جانبى بيطلع منة الناس على الشارع الى انا ماشية علية اشوف ان كان عمو عبد السلام هيظهر منة ولا لا ولما مش ظهرت حسيت انى مستريحة كتير وكانى بشكر ربنا انى مش شفتة
-------------------------
ماما نجية انا ليا اخت وولدها كبرو يعنى مبقوش اطفال يعنى فى سن المراهقة
واخويا عندة بنتين
طنط فريدة دى ست تقريبا فى اواخر ال 50 كانت متجوزة زمان وجوزها مات ومن ساعتها مش اتجوزت
ومش عندها اولاد خالص
هبة دى كانت بنت اعرفها ايام الثانوى وبقلنا سنين مش كلمنا بعض ومعرفش عنها اى حاجة
عمو عبد السلام الله يرحمة هو مش عمو لزم هو ابن عم بابا هو الكام سنة الاخيرة كانت حصلت لية جلطة
وكانت ايدة عندة عجز فيها مش بيقدر يحركها خالص بس مش فاكرة هيا انى ايد فيهم وكمان مكنش بيمشى ومعاة عصايا ولما كنت بشوفة كان بيكون لبس عباءة ابيض رجالى
