أدخـــلي أكتبي حلمك >>>> تفسير أحلام يوم الجمعــــــــــة 27 - 9 - 2013

حلم رقم 2
السلام عليكم ازى حضرتك ياماما
ده حلم لصاحبتى هى حلمت اللهم اجعله خير انها قاعدة مع اتنين زميلاتها فى الشغل هما مسيحيين وبيقروا فى المصحف وبيفسروا الكلام على مزاجهم هى اتضايقت جدا وقالتلهم مش اى حد يفسر المصحف سيدنا محمد عليه الصلاة والسلام او اهل العلم واحدة منهم ردت عليها واحتدت عليها فى الكلام وصاحبتى سكتت
وانتهى الحلم

4
السلام عليكم 
انا حلمت النهارده انى في شغلي عادي و لقيت اساتذه كبار عمالين يندهوا على اسمي و كانهم بيدوروا عليه. لما روحت ليهم لقيتهم في اول الطرقه اللي فيها مكاتبنا و في واحد زي ما يكون مندوب شركة شحن و جايب جوابات و بيديها لاصحابها. و كل واحد اخد جوابه. جوابي هو اللي كان فاضل والراجل مصر انه يدهولي ليا انا بس . وكان في سيده معانا في الشغل عايزه تفتحه هي بدالي و هو مصر انى انا اللي افتحه . اخدت الجواب و جيت افتحه من الجنب لقيت صوت حريمي بيقولي لا افتحيه من فوق . فتحته و قمت دلقته على الترابيزة لقيت فيه ذهب بس مش حاجات صغيرة يعنى زي سلاسب=ل بس كبيرة وتقيله. كل اللي كانو واقفين بقوا مستغربين من الشكل و مبهورين بيه . انا جواي كنت خايفه و عماله اقول في نفسي ايه اللي خلانى افتحه هنا. السيده اللي كانت عايزة تفتح الجواب في الاول بقت تبص للراجل اللي جايب الجوابات و تقوله انا بس كنت خايفه على الغلابانه دي (عليه انا ) احسن تيجي يوم الاحد و تفضل ترش يمين وشمال . قصدها انى اوزع فلوس على حد زي نفحه او حاجه امشي بيها مصلحه ليا.

كمان شفت انى بافتح دولاب مطبخنا فلقيت فيه شفشقين بتوع اليه واحد فيه ده اصلا مكانه بس التانى في الحقيقة مش بنحطه في المكان ده اصلا.

اول امبارح اتكررمعاي انى اشوف نصاري في الحلم. الاول واحده صحبيت و في الحقيقة بقالنا كتير معرفش عنها حاجه و في الحلم كنت باعتب عليها و باعيط واقولها كده برده تسبينى من غير كلام و لا سلام وعمالين نحضن في بعض.
و المرة التانيه شوفت انى زي ما اكون في محطه قطر او مترو وعايزة اروح من رصيف للتانى و باحاول انى اعدي على الكوبري بس كان حديد مفيهوش سلالم وكل ما امسك حته تبوش في ايدي و تقع و لقيت تحتى ولد امور و مسيحي وعايز يطلع معاي وانا بشد طلع في ايدي عمود حديد و قام واقع على الولد ده بس ساعتها بقه راجل او شاب وكانى بحبه قمت نزلت و قعدت جنبه و انا خايفه عليه. ومبقتش عايزة امشي من جنبه و غطيته او كنت عايزة اغطيه. 

انا بنوته غير مرتبطة . باشتغل و باعمل دراسات عليا . بس نفسيا تعبانه ا قلقانه شويه اختى هتتجوز قريب ان شاء الله وخايفه مش عارفه اعمل ايه بعد ما تسبينى انا و بابا لوحدينا مع اخوي لانه متعب و صعب جدا. وده ماثر على شغلي ودراستي . مخلينى متكاسله و مليش نفس اعمل حاجه

^بكرة أحلى^ كتب:

الحلم 5
السلام عليكم يا ماما نجية 
حلمت حلم طوويل كدا و مليان احداث و مش عارفه ليه معني ولا لأ 
حلمت 
إني خارجه و بلبس و صديقاتي (مش فاكره هما مين خالص) منتظريني عشان نطلع مع بعض و قعدت ألبس و أختي تساعدني و لفيت طرحة كان شكلها حلو أوي و كنت ببص لنفسي في المرايه و عجبني شكلي و لفة الطرحة و بعدين خرجت و عند الباب نسيت أني ألبس الله يكرمك (الحذاء) و كنت طالعه بشبشب البيت  المهم رجعت و لبست زي جزمة مفتوحه من ورا و لو نها احمر في ابيض و خرجت و اختي نزلت معايا و كان السواق مستنينا تحت و كنت متأخره عليه ( و هو في الحقيقة نعرف فعلا سواق اسمه رفعت) و بعين لقيت صديقاتي مستنيين بقالهم فتره كمان و انا مش عارفه المهم جيت اركب ساب اختي و كشي بالعربيه قلتله لا ارجع مش حامشي من غيرها حتى لو حاتقعد على رجلي ( عشان كان مافيش مكان في العربيه) المهم اصريت و رجع فعلا و ركبت جنبي و كان المكان واسع و بعدين نزلنا في مكان كدا و لخبطه و دخلنا في مكان ضيق و ضلمه و شويه ينور و ندخل من أوضه ندخل في اوضه لحد ماخرجنا من المكان ده  بس كان مكان يعني مستواه قليل  و طلعنا من الاماكن دي و بعدين قعدنا في مكان و بعدين روحنا البيت و كنا الصبح و كان معانا واحده صحبتنا اسمها اميرة لما وصلنا


   و احنا آنسات كلنا اللي في الحلم و ملتزمين الحمد لله 

نسيت أكتب حاجه  في الحلم يا ماما نجية معلش 
لما رجعت عشان البس الجزمة لقيت اختي في ايديها  رزمة كدا دولارات و بتطلعلي اتنين قلتلها حالبسهم في رجلي ازاي؟ و بعدين لبست الجزمة زي مافي الحلم
و اختي كانت بتساعدني في كل لبسي لحد مانزلت معايا 
شكررا ليكي

6
هذا الحلم لزوج خالتي 
حلم ان شيخ هو يعرفه في الحقيقة راح للنبي وقاله فيه ناس تعبانة وعايزين نعالجها فالنبي قاله طلعوا الكنز اللي في البيت الاول وبعدين البلد كلها كانت واقفة وبيقولوا النبي جاي بعدين وقفوا عشان يصلوا الفجر وزوج خالتي بيقول مين اللي هيصلي بينا قالوا النبي 
وخلص الحلم علي كدة 
مع العلم ان في البيت فعلا ناس كانت بتقول فيه كنز 
ومعلش يا ماما حلم لواحدة قريبتنا 
حلمت بوالد زوج خالتي بيقولها قولي لابني اللي هو زوج خالتي  يروح طنطا رزقه هناك قالتله طب واخوه قالها ربنا هيرزقهم التلاتة بس الرابع ده لا 
وخلص الحلم علي كدة مع العلم ان زوج خالتي فعلا كان جايله اتصال من طنطا عشان يروح هناك وتاني يوم قريبتنا قالتله الحلم ووالد زوج خالتي متوفي

حلم رقم 8
ازيك يا ماما نجيه وجزاكى الله خيرا على مساعدتك لنا فى تفسير احلامنا
انا كنت كاتبه لحضرتك قبل كده حلمين فسرتى واحد وانا جبتلك التانى
الحلم ده حلم تانى انى باردو ولدت ومش عارفه ولدت ايه وبدور قالولى انتى ولدتى ده بشوفه كده ولد ولا بنت لاقيت على السرير ولا هو طفل ولا طائر فبشوف مكان العوره عشان اعرف لاقيت عضو ذكرى لبطه قولت ايه الحلم ده فى حد يولد طفل بعضو ذكرى للبطه
نا الحمدلله متزوجهو متدينه ومعايا بنتين