أدخـــلي أكتبي حلمك >>>> تفسير أحلام يوم الأثنين والثلاثاء 19 و 20 - 8 - 2013

السلام عليكم ورحمة الله وبركاته

تفسير أحلام اليوم ان شاءالله

رجـــــــــــــــــــــاء التزمــــــــــــــــوا بالترقيــــــــــــــــــــــــــــــــــــــــــم

ويارب يجعله خير ويكون في ميزان حسنات ماما نجية

عضوة عدد المساهمات : 132 تاريخ التسجيل : 03/09/2011

حلم رقم 1
السلام عليكم
الحلم ده لصاحبتى
حلمت اللهم اجعله خير انها رايحة شقتها القديمة (هى مطلقة ودى شقتها مع جوزها الاولانى او طليقها ) عشان تاخد عفشها وفعلا اخدته وبعدين لقيت معاها فلوس 410 جنيه وهى طالعة قابلت ضرتها لجوزها التنى ( هى حاليا متجوزة راجل متجوز وبعلم وموافقة مراته الاولى لكنها قلبت علي صاحبتى دلوقتى وبتبعده عنها لدرجة انها عملتله عمل يبعده عنها) وكانت ضرتها هادية جدا وبتعاملها ببرود وقالت لصاحبتى انتى اللى ضيعتى جوزك الاولانى والتانى باسلوبك يعنى بتحاول تبعد تفكير صاحبتى انها ممكن تكون سحراله وكانت صاحبتى واثقة من نفسها جدا لانها عارفة سبب بعد جوزها عنها اللى هو العمل وردت صاحبتى انا مش عايزة امشى فى سكة المشايخ ومشين من هناك وهى طالعة لقيت واحدة تعرفها راحت سلمت عليها وقالتلها انا مش هاجى هنا تانى انا خدت عفشى ودى اخر مرة تشوفينى فيها
وانتهى الحلم على كده

الحلم 2

انا حلمت انى قاعدة مع جدتى و اختى و حد تانى مش عارفة مين و زميلى بناكل سمك صينية .و بعدين بصيت من الشباك لقيت فى الشارع كنبة كبيرة اووى و تحتها زى حبل طويل ابيض و فى ست بتحاول تشد الحبل ده اللى هو فى الاصل مش حبل هو كان ثعبان طويل جداا و بعدين لقيت نفسى بشد معاهم الثعبان من ذيله من الشباك و لما زميلى لقانى بشد معاهم فساعدنى و قعد يشده معايا و بعدين الثعبان تخن و لونه بقى رمادى و اما قربنا نوصل لاخره لقينا بقيت جسمه مقطوع و بعدين بعد ما طلعناه من الشباك كله رميناه من شباك تانى فى حفرة و بعدين لقيت زميلى ده حضنى اووى و الناس اللى كانوا واقفين معانا قالوا اننا بنحب بعض و بعدين رمينا زى دواء كدة على الثعبان علشان يموت خالص و دلقنا كمان الدوا فى حفرة فيها مياه و ولد شرب منها راح مطلع رغاوى من فمه فإحنا قولنا ان الولد دة عند عدوى مرض من الثعبان و لقيت كمان جدتى و تقريبا اختى و ناس تانية معانا بيطلعوا رغاوى من فمهم بس انا و زميلى محصلناش حاجة

انا انسة 23 سنة
بحاول التزم

الحلم رقم 3

ماما الحلم ده خاص بابا

حلم انه في جامع وقدامه شيخ وانه ظهر عليه جن وكان عنده قوة جامدة جدااااا ...بس في ناس مسكته من رجله ...واقوى حاجة فيه كانت رجله وكان منهم واحد صحبه في الحقيقة طويل وجسمه كبير .....مسك بابا وبابا رغم قوته مقدرش يحركه من مكانه وشالوه لفوق ومشيو بيه ...فبابا مسك بايده حاجة وقعد يكسر بيها الحاجات حواليه ويصرخ جامد اوي

بعد كدة بابا لقى نفسه ماشي في الشارع ولقى حاجة زي ما يكون بصاق نزل على راسه وبعدين بابا قرف جدا واستغرب لانه كان ماشي في شارع مفيش فوقه اي سكان او مباني ....راح يدور على حاجة يغسل بيها وشه ....لقى حوض في الشارع راح فتح الحنفية وغسل وشه ...بعدين مشي وقابل بنت اخته وابن اخوه جايين من الدرس قالوله يا عمو احنا عاوزين نصلي العصر عشان الدنيا هتكون زحمه في المسجد ....بابا قالهم بس لسة العصر مأذنش لسة بدري ....قالوله لا هيبقى الدنيا زحمة ...قالهم طب خلاص ماشي ..دخلو المسجد وبابا فعلا لقى كانزات بيبسي على الارض كتير مرصوصة وحاجات ..ففهم انه هيكون زحمة .....ووقف في صف للصلاة ...بس مكنش صفوف كاملة ...كانو اتنين اتنين ورا بعض ....وكان فيه صفين قصاده وهو التالت ....وقدامهم شيخ تقريبا شيخ بيخرج الجن

بس معلش الحلم طويل

بس للعلم بابا من زمان وعليه جن ويقال انه اكتر من واحد ....لكن كان في دكتور متخصص زمان قاله ...لولا ايمانك وصلاتك كانو ظهرو وجننوك ....وفعلا بابا ملتزم جدا ....ونادر لو ظهر عليه ( في حضور شيخ لخروج الجن فقط)

شكرا

عضوة عدد المساهمات : 162 تاريخ التسجيل : 11/09/2011

حلم رقم 4

ـ انا حلمت حلم وحش اوي ياماما نجية
حلمت اني في البلد اللي كنت بدرس فيها انا واصحابي ورحنا مكان زي سكن طالبات كده ولقينا هناك واحدة صحبتنا وشغالة في السكن ده بردو مع صحبة السكن
فاحنا وبنتكلم عرفت انه صحبة السكن او الشغل امرت ان البنت دي تتقتل وانا معاها ، فقلت لاصحابي انا لازم امشي دي عايزة تموتني ، قالولي لا هي هتموت البنت اللي بتشتغل معاها لكن انتي ممكن تطردك ، قالولي ليه جيبتينا هنا ، قولتلهم مكنتش اعرف انهم وحشين
ـ فلقيت اتنين ستات داخلين اوضة ومعاهم البنت اللي هيموتوها قعدت اقولهم دم المسلم عالمسلم حرااااااااااااام وحاولت امنعهم بس معرفتش وقفلوا الباب وببص لقيت اصحابي بيعيطوا فبقولهم مالكم ، قالولي موتوها خلاص ، قولتلهم سمعتوا صوتها قالولي ايوة كانت بتقول آه آه
ـ فقولتلهم انا همشي وقلعت صندل كان في رجلي كعبه عالي عشان ميسمعونيش وانا نازلة ويموتوني وجريت عالسلم مشيت ودخلت في شوارع فاضية وكنت خااااااااااااايفة حد يشوفني تبع الست دي وتايهة ومش عارفة اروحالمكان اللي عايزة اروحه ازاي
ـ وبدأت أسأل ناس في الشارع فين مسجد الرحمة ( دي منطقة كان فيها سكن طالبات كنت انا موجودة فيها ايام الجامعة )
واللي يقولي فين واللي يقولي معرفش ، وانا ماشية وخايفة وتايهة رحت لقيت اخواتي رحت حضنت اختي وقعدت اعيط وركبت العربية بتاعتنا وكنا مروحين

الحلم رقم 5
ماما حلمت ان هى قاعدة عند جماعة مكلمين ع بنتها اللى هى اختى انا وحاطين اكل بيحتوى ع لوبيا وقلقاس كان شكلهم حلو وكلنا كنا قعدين مع بعضينا وف بنت صغيرة موجودة عندهم شكلها حلو فماما اكلت م الاكل كويس راحت مطبطبة ع كتف ام العريس وقالتلها بصى احنا اكلنا ازاى مع انى انا كنت لسة عاملة لوبيا اول امبارح
مع العلم ان الناس دى مكلمين ع اختى ف الحقيقة ومستنيين يحددوا معادا للاتفاقيات

الحلم رقم 6

بابا حلم ان في ناس في البلد محتاجين ناس تيجي تنزل زي ما يكون البحر ...تنزله بعدين تلف نفسها في كفن ابيض بعدين يدفنوهم ....وان ده عشان خاطر مصلحة البلد .....بابا اتطوع واشترى كفنه وودع اخواته ووالدته الله يرحمها وكانو بيبكو جاااااامد ....ونزل المية وبعدين طلع بالكفن ...بص لقى ان الناس بتتدفن وهي عايشة .....راح تراجع وقالهم لا انا ممتش كدة .....ده انا لو عمري هيخلص بكرة اصلا ...استنى اموت عادي مش اموت كدة ومش وسابهم ....وكانو بيمشو وراه في كل حتة وكان لما يشوف حد منهم بيعرفهم .....راح للشيخ محمد حسان قاله انا عاوزك في حاجة ....الشيخ قاله قول هنا والا انا مش فاضيلك ....بابا قاله مينفعش ..الشيخ قاله لا انا مش فاضيلك وسابه .....وكان في ام معاها بنتها صغيرة واقفين ...البنت دي راحت عشان تعمل كدة وتتدفن ......بعد كدة زي ما يكون محمد حسان عرف ايه اللي بيحصل وقعد يزعق ويقول ده حرااااااااااااام اللي بيحصل ده حرام ....بابا قاله يا شيخ ماهو ده اللي انا كنت عاوز اقوله ليك .....بعدين الشيخ محمد حسان كان معاه كذا حد .....وهو وهما بقو عاملين زي الوحوش المفترسة الضخمة ...جسم حيوان وراس انسان ....بينقذو الناس من اللي بيحصل وانقذ البنت الصغيرة على اخر لحظة .....وكان وشهم حلو جدا وهادي بالنسبة للناس العادية .....لكن بيفترسو الناس الي بتقتل ....والناس دي مسؤلة في البلد

وبس كدة الحلم خلص .....مع العلم ان بابا قلق ونام حوالي 3 مرات وبرده بيكمل الحلم

الحلم رقم (7)

حلمت انى كنت قاعدة انا واختى فى اخر اوضة فى البيت وفجأة سمعنا حد بيخبط على الباب ووالدتى ماكنتش موجودة
لكن الباب كان مفتوح والضيوف دخلوا هما كانوا ستات تقريبا 2 او 3
ولما دخلوا ملقيوش حد موجود فى الصالة فقعدوا يلفوا فى الشقة ويدوروا على اى حد فى البيت
فخرجت لهم اختى وانا قعدت جوه وكان معايا بنطلونى كنت ناوية اغسله
وبعد كده سمعت واحدة من الستات داخلة عندى فأنا استخبيت فى شباك البلكونة وحاولت اقفل الزجاج علشان متشوفنيش
لكن هى شافتنى وابتسمت لى وقالت لى تعالى معايا على المطبخ
قلت لها مش هتحرك من مكانى غير لما تقولى عايزة منى ايه
قالت لى تعالى ساعدى والدتك هديلك شوية اطباق وتغسليهم
قلت لها حاضر روحى وانا جاية وراكى على طول
وبعد كده انا قعدت فى البلكونة وكنت عايزة اخبى البنطلون بتاعى فحطيته فى مكان على ما اغسله لكن فجأة افتكرت شخص صديقى
وقعدت افتكر فى الذكريات اللى بينى وبينه وكنت زعلانة لانه سابنى دلوقتى وده فى الحقيقة كمان هو حاليا مش بيكلمنى
وبعد كده خرجت قعدت فى الصالة لقيت اخويا قاعد بيشرب حاجة زى الكوكاكولا وبيأكل عنب
فأنا خدت كوباية من اللى بيشربه ده وشربتها لكن لقيت طعمها غريب وبتحرق
قلت له ايه ده انت بتشرب خمرة ولا ايه فضحك وقال لا دى كوكاكولا بطعم التفاح فسألته طعمها غريب كده ليه
فقال لى هى كده لما بتتحط فى كوباية بيبقى طعمها غريب لكن لو شربتى من الزجاجة نفسها هتلاقى طعمها عادى
وبعدين لقيت اختى بتعمل كوباية من نفس الكوكاكولا دى وبتحط لها عنب وايس كريم
وحلمت انى لقيت ربع جنيه ورق على الارض فمسكته وحطيته على الكنبة
آنسة والحالة الدينية متوسطة
واختى آنسة
واخويا عازب ومتدين

8
حلمت اني اشتريت حلق لونه لموني
وخلص الحلم علي كدة مع العلم اني انسة

عضوة عدد المساهمات : 916 تاريخ التسجيل : 17/07/2011

9

حلمت خير ان لقيت قدام بيتنا عربية زيتى جيب وشكلها كبير وفخم من بره ومنظر يعنى فلما دخلتها لقيت امكانيتها عادية زى اللى العربية اللى بركبها وواخدة عليها بس هى من بره اللى منظرها كبير لكن من جوه سهلة ومألوفة وعادية وكنت فرحانة بيها اوووووى وبركبها بتمكن كده وكنت واخدة ماما جنبى فيها وجيت ابص فى مراية العربية لقيتنى لابسة عباية سوده شيك وطرحتها سودة برده وشكلى حلو بيها وكان شعرى باين من الطرحة نااااااعم وطرى وفيه خصلات مصبوغة وجميل وبعدين جم ولاد خالتى وانا راكبة العربية فلقيت اتنين منهم سلموا عليا والتالت محمد الكبير (متزوج ) مسلمش عليا وتجاهلنى فقلت لماما شوفتى يا ماما تجاهلنى هوه ومراته ازاى واتضايقت كده قالتلى سيبك منهم وملكيش دعوة بيهم فقلت خلاص مش هبصلهم وكنت بقا مركزة فى العربية بتاعتى وخلاص ... بس كده

ومعلش منام تانى قصير اوى
حلمت انى زى ما يكون قمت من النوم لقيت واقف على ايدى حمامة بيضاء جمييييييييلة ووديعة كده فقعدت ابوس فيها واحسس على رقبتها وكنت فرحانة بيها اووووى لانى اتفاجئت بيها واقفة على ايدى كده .. بس كده

حلم رقم 10
السلام عليكم ازيك يا ماما نجيه يارب تكونى بخير
ده حلم ماما
حلمت ان انا وهى وجدتى و2 اخوال ماما واحد عايش والتانى متوفى موجودين مع بعض وكان فى ورقه ماما بتكتب فيها اسمها وبعدين اسمى بس وهى بتكتب اسمها الخط مال منها فى اخر اسم وخالها المتوفى زعقلها فخالها التانى وتيته دافعوا عنها وقالوا وايه يعنى بس انا اسمى اتكتب كويس وكان فى واحد قاعد معانا اسمه ( كريم ) فماما عرفت انه كان خاطب وفسخ خطوبته فدعت ان ربنا يجعله من نصيبى
ماما نجيه اسم الشخص ده اتكرر مع ماما 3 مرات فى الحلم منهم مره كتبتها لحضرتك وفسرتيها بس المره دى مش باين غير اسم الشخص بس
ده حلم ماما
حلمت ان فى واحد صاحب اخويا اسمه (كريم) موجود عندنا فى البيت وبيقولها انا شفت طاقة القدر وان انا داخله بصينيه وشعرى مكشوف وبعد ما مشى ماما بتقول الولد ده كويس ربنا يجعله من نصيبك
الحالة الاجتماعيه ليا مطلقه
lor=red]]حبيبتى طبعا كشف شعرك هو طلاقك ولكن ان شاء الله ربنا سوف يستجيب لدعائك ويحقق لك امالك وهيكرمك الله كثيرا وهتنالى مرادك باذن الله وربنا يسعدك[/size]

١١

انا عملت زي ما حضرتك قلتيلي قرأت سورة البقرة و١٢ ركعة صلاة حاجة وصليت استخارة حلمت احلام ملخبطة

وملهاش علاقة ببعض بس الحلم اللي فكراه :

شفت إني في سيناء وكنت في مبنى مجهول كده لقيت زي اعلانات ملزوقة على الحيطة (بوستر) لمشروع تنموي اسمه امجاد سيناء وكنت عايزة اشترك فيه فلقيت اعلان تاني مكتوب فيه ارقام التليفونات بس لقيت الإعلان مقطّع فمعرفتش آخد حاجة منه ، فسمعت صوت ناس بتتكلم واطفال بتلعب عرفت منه ان المكان اللي انا فيه دة هو المشروع اللي عايزة اشترك فيه وعرفت انه مفتوح خرجت برّة لقيت بنت صغيرة محجبة حجاب طويل فتحتلي الباب والحلم وقف هنا

وبعدين في مشهد تاني شُفت اني باكل في مطعم (باكل فيه دايمًا في الحقيقة) وكنت قاعدة مع ناس يعرفوا حسين وكنا مبسوطين جدًا .. فندهت الجرسون عشان اطلب حاجة زيادة .. كان بيتكلم بس انا مش سمعاه خالص وقعد يعيد في الكلام بس انا مش سامعة شيفاه بيحرك شفايفه بس بدون صوت.. بس في الآخر راح جبلي الطلب.

دة كان قبل اذان الفجر ، معرفش دة له علاقة بالاستخارة ولا لأ

12

السلام عليكم

حلمت منام غريب جدا بالنسبة لي

حلمت اني واقفة فمكان كدى عبارة عن زحليقة عارفة يا ماما زحليقات الي بتبقى في ملاهي الاطفال عبارة عن ممر ضيق ومرتفع كدى بنقعد عليه وننزل مسرعين كدى ومتزحلقين هو دى وكان قدامي بنت ولا بنتين اطفال يعني وهما توام لابسين جلابيات بيضة وانا فالوسط وورايا مجموعة ناس البنت ولا البنتين نزلوا وانا كنت وراهم واما جيت انزل واتزحلق افتكرت ان فيه حاجة ناقصة مش عارفة ايه من المفروض ما نزلش قبل ما اعملها الحاجة دي ايه الله اعلم بس اعتقد ان التوام البنتين دول نزلت واحدة قدامي وواحدة كانت لسه ما نزلتش وحسيت انهم متفرقين عن بعض ومن مفروض يبقو متجمعين وينزلو مع بعض وكنت بفكر ازاي اجمعهم كنت عاوزة اتراجع عشان ما انزلش واشوف طريقة تخليهم متجمعين بصيت قدامي لقيت واحدة منهم خلاص نزلت وبصيت ورايا لقيت الناس الي كانوا بعدي يعني انا بقيت كدى بالوسط ومش عارفة اعمل ايه بس بالاخر حسيت اني مانزلتش واني جمعتهم ورحت اديتهم ورقة ولا لوحة وكتبت عليها دعاء ان الله يجمعني بمن اتمنى وطلبت منهم يدعولي بيه و بعدين قلت اكتب اسمه كمان عشان تبقى دعوة كاملة ويدعولي بيه بس دخلت عليا اختي الكبيرة واتكسفت اكتب اسمه قدامها وخلص منام على كدى

دى حلم مشهد واحد بس شفت ان فايدي حمامة لونها رمادي غامق هي من مفروض كانت حمامة بس كان شكلها اكبر

الله يطول فيعمرك يا مامتي

13

ازيك يا ماما نجية

قبل ما انام كنت بفكر في حاجه و بقول يا ترى خيرة ليا ولا لأ و بدعي ربنا ييسرلي الخير في العموم

حلمت كدا حلم صغير فاكره منه اني شفت طفل صغير رضيع ولد تقريبا نايم على سرير قدامي كداو شفت عنده أسنان بس مش كلها يعني بيسنن كدا, شفت كذا سنة في فمه لما فتحه عشان كان بيضحك, و كانت الأسنان مش جنب بعض يعني سنه هنا و سنه هنا يعني شكل الأسنان و هي لسه طالعه و مش جنب بعض بالترتيب وشفت الطفل بيضحك و مبسوط و كان اللي فاكراه انه ولد

آنسه و ملتزمة الحمد لله

حلم 14

انا حلمت انى بكلم زميلى على الشات و انا كان فى عقلى بدعى بيه و جه فى عقلى او كإن حد رمى الكلام فى عقلى انى لو عايزة دعوتى تستجاب انى مكلموش تانى على الشات و لقيت زميلى ده كاتبلى على الشات توكلى على الله و إسألى الله من فضله ..

انا انسة 23 سنة
بحاول التزم

الحلم رقم(15)

حلمت انى ارسلت رسالة لصديقى على النت كتبت له كل سنة وانت طيب وقفلت الدردشة علشان لما يفتح ميشوفنيش موجودة وبعد شوية صغيرين لقيته فتح واول ما فتح رد على رسالتى كتب لى وانتى طيبة وشكرا والعفو انا استغربت من كلمة العفو دى قلت ازاى يعنى بيقول لى شكرا ويقول العفو لنفسه والمفروض انا اللى اقول العفو وبعد كده فجأة لقيت الدردشة اتفتحت لوحدها بس ربنا ستر وهو ماكنش موجود قلت كويس لكن استغربت انه قفل بسرعة كده يعنى يدوب رد على رسالتى وقفل على طول وبعد كده انا قفلت الكمبيوتر وبعدين افتكرت بعد ما قفلت الكمبيوتر انى نسيت الدردشة مفتوحة وقلت انا كده لما هفتح تانى ممكن يكون موجود ويشوفنى فاتحة

الرسالة دى فى الحلم كانت بمناسبة عيد الاضحى لكن قلت فى نفسى انه لسه احنا فى اول شهر ذى الحجة وانا ارسلت له الرسالة بدرى شوية بس قلت مش مشكلة ما الايام اللى جاية هنصوم عشرة ايام وانا قلت له كل سنة وانت طيب على الصيام وعلى العيد يعنى فى الحلم احنا كنا داخلين على عيد الاضحى

أنا آنسة والحالة الدينية متوسطة

وصديقى اعزب وهو فى الحقيقة حاليا مخاصمنى

السلام عليكم ورحمه الله وبركاته...(16)

حلمت حلم اللهم اجعله خير...حلمت كأننا كنا في بيت جدتي (في الواقع البيت مهجور من يوم وفاة جدتي الله يرحمها) وكان ابي ماكان موجود ولمن رجع جاب هدايا معاه وكانت قمصان بيت وانا شفت الهدايا وكانت الوان القمصان حلوه وفيه واحد من القمصان كان لونه اصفر مع بني وقلت هذا بعطي عمتي لان لونه ماعجبني وبعدين خليتها ورحت الغرفه مع وحده بس ماشفت شكلها ورحنا عند الشباك وكنا نطالع برا وكان المطر توه نازل وكان شكله حلو وبدا ينزل بغزاره وكان عاجبني وطلعت يدي برا تحت المطر وكان ينزل علﯽ يدي وبعدين رحت عند الشباك الثاني وبعدين لقيت فتحه الشباك طويله ورجعت للشباك الاول وبعدين شفت نفسي في الصاله وامي كانت جالسه وكانت معايه القمصان واخذت القمصان ووزعتها وانا اخذت قميص لونه اصفر وزهري وكان عاجبني وكنت مبسوطه وبعدين لمن شفته كان القميص من النايلون وجلست ابكي كثير واقول ليه انا اخذت هذا وكلهم عادي وكنت افكر في نفسي في القميص الي عند عمتي وبعدين شفت نفسي في الغرفه الي فيها شباك وكانت الشبابيك مفتوحه وانا كنت واقفه عند الباب وانا كنت عاريه بس انا كنت اشوف يدي وصدري الي كانت واضحه لي وكنت ابغﯽ البس ولمن طالعت في الشباك الي فتحته كانت طويله رجع عادي ولقيت ولد عمتي الثانيه وكان مار من عند الشباك بس ماشافني وبعدين خفت انه يشوفني واخذت لبسي وغطيت نفسي فيه وقلت بروح مكان ثاني البس...وصحيت من النوم...وجزاك الله خير...

معلومه صغيرة ياماما نجيه نسيت ماقلتها عمتي متزوجه وعندها بنت متزوجه وولد عمره15 وولد عمتي الثانيه متزوج وعنده ولدين..ماشاءالله..وزمان قد خطبني بس انا رفضته..
وانا انسه وعاطله..

بسم الله الرحمن الرحيم

الحلم رقم 17 /

واحده جارتنا وقريبه لينا جدااااااااااا حلمت انى لابسه طرحه لف طويله وببوصلها وبضحك ولونها ابيض

17

السلام عليكم

انا حلمت حاجات كتير بس لما صحت بعد الفجر مفتكرتش الا الاتي
اني كنت بدور على سكن ورحت عند واحده هي صاحبه مطعم وكا فيه شباب تانيين كمان قلتلها قالتلي انا هسيبلك غرفتي موجوه في سكن الطلاب بس ملكي وانا هاجرهالك .. وكان واحد من الشباب ساب الشغل معاها .. فقالت مين عايز الشغلانه دي انا قلت الحمدلله اهي شغلانه اقضي بيها مصاريفي .. وفعلا الست راحت السكن وفضت الغرفه ولمت حاجتها ولما طلعت لقيت الكس بيقولي انا عنديش سكن من اخر يونيو وانصحك بلاش الغرفه دي عشان هتخلص المده وهتضطري تشيلي وتنقلي .. بس انا قلتله دي ليها وضع تاني ..وبس كده

انا انسه
انا حاليا مش مستريحه في السكن وبدور على غرفه في مكان تاني ومتكنش لفتره محدودخ واضطر ادور تاني ..

وكمان مصروفي كتر وادينني بفكر ادور على شغل في نهايه الاسبوع

الحلم رقم (18)

الحلم ده لواحده صاحبتى وليها اخت اتوفت فى حادثه وصاحبتي دى مخطوبة فهي حلمت خير اللهم اجعله خير

حلمت ان واحده ادتها بنتها عشان تشيلها وقالتلها ان البنت دى اسمها ( رنيم ) نفس اسم اختها اللى توفت فى الحقيقة .... وكانت قمرررر وعنيها خضراء وشعرها طويل وجميل وكان عندها حوالي 4 شهور .... فخالتها جابتلها توك من توك بنتها علشان صاحبتى دى تسرح للبنوتة اللى معاها ... فصاحبتى قالت لخالتها لا مش حاخد التوك دى لان شعر بنتك خشن وواخد علي الاساتيك .... انما شعر زى شعر البنوتة الجميلة دى عايز بنس شكلها حلو زيها كده ... وفضلت تحضن في البنوتة وتبوس فيها وكانت فرحانه ان مامت البنت سمت الطفله دى علي اسم اخت صاحبتى اللى اتوفت في الحادث وكانت شبهها كمان ... بس كده يا ماما تسلميلي يارب

ومعلش في حلم ليا انا بقي .... انا متجوزة ومعايا ولد حلمت خير اللهم اجعله خير

انى روحت احضر مناسبة لواحده صاحبتى وسيبت ابنى عند عمتى ( صفاء ) ولما خلصت المناسبه رجعت عشان اخد ابنى منها ولقيت زى رجاله لابسين جلاليب بيضة متجمعين زى بيسمعو خطبة صلاة الجمعه ولقيت جوز عمتى قاعد من ضمن الناس دى واسمه ( بشري) فمشيت وسطهم كده عشان اوصل لعمتى اخد منها ابنى ... فلقيت ابنى وقف من بين الرجاله اللى قاعده دى وبصلي وعيط يعنى انى سبته ده كله ومشيت وروحت شايلاه فلقيته مش لابس الكوتشي بتاعه فقولت لعمتى فين كوتشي ( ياسين ) قالتلى يوه نسيته في بيتنا ابقي عدى علي بيتنا وانتى مروحه خديه ... فلقيتها ادتنى مصحف من اللى هى مصاحف المدينة المنورة وقالتلى خدى ده ليكى وقالتلى وليكى كمان مصحف اهه فقولتلها طب هاتى المصحف التانى ياعمتو قالتلى لا خدى واحد بس دلوقتى بعدين حبقي اديكى المصحف التانى .... وفعلا اخدت منها مصحف واحد بس ... شكرا

حلم 19

حلمت ياماما انى انا وبابا فى مكان وبنتفرج وبقوله بص يابابا كان تعبان كوبرى بيمص دم او بياكل حيوان كبير كده واول ماشاورت عليه لقيته جه على الثعبان الكوبرى ده اللهم احفظنا وزى مايكون شم ايدى وانا فضلت ثابته ومتحركتش خالص وكنت خيفه اوى ومتلجه ومشى على ايدى وجه على راسى لف على راسى من ناحية ودنى ياماما لراسى ونزل على رقبتى وزى مايكون بيحس بنبضى كده وفضل حاطط راسه على رقبتى وهو ملفوف على راسى وانا متحركتش وكنت حاسه رقبتى بتوجعنى اوى ومرعوبه ولقتنى صحيت ومش منتبهه وخايفه اتحرك لحد مافتحت عنيا ولما صحيت حسيت رقبتى بتوجعنى وسخنه

يارب يكون خير لو شر هيحصل او مس او سر هيتكشف متفسريهوش ياماما بالله عليك انا مرعوبة اكتبه والله بس بقالى كام يوم مش مرتاحه وتوكلت على الله وقولت افسره

سلام عليكم

ازيك يا ماما نجيه

انا حلمت مش فاكره منه غير حاجات بسيطه

خير اللهم اجعله خير

انى معايا ف ايدى خاتم فضه بفص اسود شكله حلوو اووى وعجبنى ولبسته تقريبا ف الحلم

وبعدين قولت لواحده صاحبتى تيجى معايا اشترى جزمه سودا وكنت ماسكه جزمه سودا ف المحل بتاع الجزم شكلها حلو
ولبستها

بس

الحلم بعد صلاه الفجر

السلام عليكم ماما نجية
الحلم ده بنت عمى حلمته
هى حلمت انها قامت قبل العصر او الضهر مش فاكرة بالظبط وكانت ناسية انه فى اليوم ده فرحها وراحت عليها نومة ولازم تبقى جاهزة المغرب او بليل يعدين قامت وعلى اد التوتر انها الوقت بيجرى الا انها كانت مبسوطة وفرحانة المهم راحت للكوافير ولبست الفستان الابيض وعملت الميكب وبعدين افتكرت انها نسيت حاجة فى البيت فرجعت البيت وبعدين لقيت الوقت بيتاخر ومش هتلحق تجهز فقالت هاجله ليوم تانى وبعدين قالت تطنش بقى لتانى يوم
هى العريس فى الحلم مشافتوش او منكلمتوش وهى كانها عارفاه نص نص او مش عارفاه خالص
هى قلقانة من الجزء ده انها مشافتوش او المعرفة بيه مش واضحة قوى وبعدين هى 25 سنة وانسة ومقصررررررررررررررة جدا فى العبادة تكاد تكون شبه منعدمة ودايما تحلم بالزواج ولاستقرار

mira hamada كتب:: حلم رقم 1
السلام عليكم
الحلم ده لصاحبتى
حلمت اللهم اجعله خير انها رايحة شقتها القديمة (هى مطلقة ودى شقتها مع جوزها الاولانى او طليقها ) عشان تاخد عفشها وفعلا اخدته وبعدين لقيت معاها فلوس 410 جنيه وهى طالعة قابلت ضرتها لجوزها التنى ( هى حاليا متجوزة راجل متجوز وبعلم وموافقة مراته الاولى لكنها قلبت علي صاحبتى دلوقتى وبتبعده عنها لدرجة انها عملتله عمل يبعده عنها) وكانت ضرتها هادية جدا وبتعاملها ببرود وقالت لصاحبتى انتى اللى ضيعتى جوزك الاولانى والتانى باسلوبك يعنى بتحاول تبعد تفكير صاحبتى انها ممكن تكون سحراله وكانت صاحبتى واثقة من نفسها جدا لانها عارفة سبب بعد جوزها عنها اللى هو العمل وردت صاحبتى انا مش عايزة امشى فى سكة المشايخ ومشين من هناك وهى طالعة لقيت واحدة تعرفها راحت سلمت عليها وقالتلها انا مش هاجى هنا تانى انا خدت عفشى ودى اخر مرة تشوفينى فيها
وانتهى الحلم على كده

حبيبتى اولا العلاج لاصلاح البيوت مش حرام وعلى صاحبتك علاج نفسها لان فيه مشكلة هى واقعة فيها ولابد من ايجاد حل لتك المشكلة

كيوتى22 كتب:: الحلم 2

انا حلمت انى قاعدة مع جدتى و اختى و حد تانى مش عارفة مين و زميلى بناكل سمك صينية .و بعدين بصيت من الشباك لقيت فى الشارع كنبة كبيرة اووى و تحتها زى حبل طويل ابيض و فى ست بتحاول تشد الحبل ده اللى هو فى الاصل مش حبل هو كان ثعبان طويل جداا و بعدين لقيت نفسى بشد معاهم الثعبان من ذيله من الشباك و لما زميلى لقانى بشد معاهم فساعدنى و قعد يشده معايا و بعدين الثعبان تخن و لونه بقى رمادى و اما قربنا نوصل لاخره لقينا بقيت جسمه مقطوع و بعدين بعد ما طلعناه من الشباك كله رميناه من شباك تانى فى حفرة و بعدين لقيت زميلى ده حضنى اووى و الناس اللى كانوا واقفين معانا قالوا اننا بنحب بعض و بعدين رمينا زى دواء كدة على الثعبان علشان يموت خالص و دلقنا كمان الدوا فى حفرة فيها مياه و ولد شرب منها راح مطلع رغاوى من فمه فإحنا قولنا ان الولد دة عند عدوى مرض من الثعبان و لقيت كمان جدتى و تقريبا اختى و ناس تانية معانا بيطلعوا رغاوى من فمهم بس انا و زميلى محصلناش حاجة

انا انسة 23 سنة
بحاول التزم

اولا انت لم تذكرى علاقتك بزميلك عموما فيه رزق لك ولكن طبعا فى عدو جبار للبلد واحنا بنتمسك بحبل الله المتين وبنساعد بعضها للتغلب عليه وان شاء الله ربنا هيوفقنا وهنتغلب عليه بس فيه ناس هتضر بسببه يعنى فيه خسائر وربنا يستر اما زميلك واضح انه قريب منك بس ربنا يستر ومش يبعد عنك والله معك وطبعا فيه ناس هتتكلم كلام باطل وكذب اى اشبه بالفتن وربنا يعديها على خير وينصر مصر

meckey mahmoud كتب:: الحلم رقم 3

ماما الحلم ده خاص بابا

حلم انه في جامع وقدامه شيخ وانه ظهر عليه جن وكان عنده قوة جامدة جدااااا ...بس في ناس مسكته من رجله ...واقوى حاجة فيه كانت رجله وكان منهم واحد صحبه في الحقيقة طويل وجسمه كبير .....مسك بابا وبابا رغم قوته مقدرش يحركه من مكانه وشالوه لفوق ومشيو بيه ...فبابا مسك بايده حاجة وقعد يكسر بيها الحاجات حواليه ويصرخ جامد اوي

بعد كدة بابا لقى نفسه ماشي في الشارع ولقى حاجة زي ما يكون بصاق نزل على راسه وبعدين بابا قرف جدا واستغرب لانه كان ماشي في شارع مفيش فوقه اي سكان او مباني ....راح يدور على حاجة يغسل بيها وشه ....لقى حوض في الشارع راح فتح الحنفية وغسل وشه ...بعدين مشي وقابل بنت اخته وابن اخوه جايين من الدرس قالوله يا عمو احنا عاوزين نصلي العصر عشان الدنيا هتكون زحمه في المسجد ....بابا قالهم بس لسة العصر مأذنش لسة بدري ....قالوله لا هيبقى الدنيا زحمة ...قالهم طب خلاص ماشي ..دخلو المسجد وبابا فعلا لقى كانزات بيبسي على الارض كتير مرصوصة وحاجات ..ففهم انه هيكون زحمة .....ووقف في صف للصلاة ...بس مكنش صفوف كاملة ...كانو اتنين اتنين ورا بعض ....وكان فيه صفين قصاده وهو التالت ....وقدامهم شيخ تقريبا شيخ بيخرج الجن

بس معلش الحلم طويل

بس للعلم بابا من زمان وعليه جن ويقال انه اكتر من واحد ....لكن كان في دكتور متخصص زمان قاله ...لولا ايمانك وصلاتك كانو ظهرو وجننوك ....وفعلا بابا ملتزم جدا ....ونادر لو ظهر عليه ( في حضور شيخ لخروج الجن فقط)

شكرا

فعلا والدك عنده جن لكن والدك قوى الايمان بيتغلب على الجن بصلاته وقربه من الله وفيه ناس هتقذف والدك بكلام وهو هيحاول رد ذلك الكلام وهيتاثر به شوية وهتتعسر الامور معه لكنه هيتقرب الى الله اكثر وهتعدى معه على خير

براءة كتب:: حلم رقم 4

ـ انا حلمت حلم وحش اوي ياماما نجية
حلمت اني في البلد اللي كنت بدرس فيها انا واصحابي ورحنا مكان زي سكن طالبات كده ولقينا هناك واحدة صحبتنا وشغالة في السكن ده بردو مع صحبة السكن
فاحنا وبنتكلم عرفت انه صحبة السكن او الشغل امرت ان البنت دي تتقتل وانا معاها ، فقلت لاصحابي انا لازم امشي دي عايزة تموتني ، قالولي لا هي هتموت البنت اللي بتشتغل معاها لكن انتي ممكن تطردك ، قالولي ليه جيبتينا هنا ، قولتلهم مكنتش اعرف انهم وحشين
ـ فلقيت اتنين ستات داخلين اوضة ومعاهم البنت اللي هيموتوها قعدت اقولهم دم المسلم عالمسلم حرااااااااااااام وحاولت امنعهم بس معرفتش وقفلوا الباب وببص لقيت اصحابي بيعيطوا فبقولهم مالكم ، قالولي موتوها خلاص ، قولتلهم سمعتوا صوتها قالولي ايوة كانت بتقول آه آه
ـ فقولتلهم انا همشي وقلعت صندل كان في رجلي كعبه عالي عشان ميسمعونيش وانا نازلة ويموتوني وجريت عالسلم مشيت ودخلت في شوارع فاضية وكنت خااااااااااااايفة حد يشوفني تبع الست دي وتايهة ومش عارفة اروحالمكان اللي عايزة اروحه ازاي
ـ وبدأت أسأل ناس في الشارع فين مسجد الرحمة ( دي منطقة كان فيها سكن طالبات كنت انا موجودة فيها ايام الجامعة )
واللي يقولي فين واللي يقولي معرفش ، وانا ماشية وخايفة وتايهة رحت لقيت اخواتي رحت حضنت اختي وقعدت اعيط وركبت العربية بتاعتنا وكنا مروحين

حبيبتى انت متاثرة بما يحدث فى الشارع وخايفة وتا ئهه ومش عارفة هترسى على ايه لكن ان شاء الله ربنا هيهدى الحال وهتفرج باذن الله وهينصر الحق وهعتعدى الازمة على خير وامور البلد هتتعدل باذن الله

ميما كتب:: الحلم رقم 5
ماما حلمت ان هى قاعدة عند جماعة مكلمين ع بنتها اللى هى اختى انا وحاطين اكل بيحتوى ع لوبيا وقلقاس كان شكلهم حلو وكلنا كنا قعدين مع بعضينا وف بنت صغيرة موجودة عندهم شكلها حلو فماما اكلت م الاكل كويس راحت مطبطبة ع كتف ام العريس وقالتلها بصى احنا اكلنا ازاى مع انى انا كنت لسة عاملة لوبيا اول امبارح
مع العلم ان الناس دى مكلمين ع اختى ف الحقيقة ومستنيين يحددوا معادا للاتفاقيات

حبيبتى ان شاء الله ربنا هيهدى الحال وهتتناسبوا باذن الله وربنا يتم لاختك فى خير

شيكولاه كتب:: الحلم رقم 6

بابا حلم ان في ناس في البلد محتاجين ناس تيجي تنزل زي ما يكون البحر ...تنزله بعدين تلف نفسها في كفن ابيض بعدين يدفنوهم ....وان ده عشان خاطر مصلحة البلد .....بابا اتطوع واشترى كفنه وودع اخواته ووالدته الله يرحمها وكانو بيبكو جاااااامد ....ونزل المية وبعدين طلع بالكفن ...بص لقى ان الناس بتتدفن وهي عايشة .....راح تراجع وقالهم لا انا ممتش كدة .....ده انا لو عمري هيخلص بكرة اصلا ...استنى اموت عادي مش اموت كدة ومش وسابهم ....وكانو بيمشو وراه في كل حتة وكان لما يشوف حد منهم بيعرفهم .....راح للشيخ محمد حسان قاله انا عاوزك في حاجة ....الشيخ قاله قول هنا والا انا مش فاضيلك ....بابا قاله مينفعش ..الشيخ قاله لا انا مش فاضيلك وسابه .....وكان في ام معاها بنتها صغيرة واقفين ...البنت دي راحت عشان تعمل كدة وتتدفن ......بعد كدة زي ما يكون محمد حسان عرف ايه اللي بيحصل وقعد يزعق ويقول ده حرااااااااااااام اللي بيحصل ده حرام ....بابا قاله يا شيخ ماهو ده اللي انا كنت عاوز اقوله ليك .....بعدين الشيخ محمد حسان كان معاه كذا حد .....وهو وهما بقو عاملين زي الوحوش المفترسة الضخمة ...جسم حيوان وراس انسان ....بينقذو الناس من اللي بيحصل وانقذ البنت الصغيرة على اخر لحظة .....وكان وشهم حلو جدا وهادي بالنسبة للناس العادية .....لكن بيفترسو الناس الي بتقتل ....والناس دي مسؤلة في البلد

وبس كدة الحلم خلص .....مع العلم ان بابا قلق ونام حوالي 3 مرات وبرده بيكمل الحلم

حبيبتى رؤية والدك ترجمة لما يحدث فى البلد والمفروض كل واحد فينا يكون مستعد للدفاع عن بلده بس والدك هيعرض عليه موضوع من اجل بلده وطبعا هيستعد بس هيحتار فى امر الناس لان فيه كلام هيكون كاذب ووالدك هيبعد عن تنفيذ الامر وهيتقرب من الله وهيعدوا الله ان يزيح الغمة وان شاء الله مصر هتقوى وهتاكل تلك الذئاب وهتنتصر عليه وهترجع مصر سالمة لكن فيه ناس مسؤلة هتضيع والله يحمى مصر وشعبها

toto كتب:: الحلم رقم (7)
حلمت انى كنت قاعدة انا واختى فى اخر اوضة فى البيت وفجأة سمعنا حد بيخبط على الباب ووالدتى ماكنتش موجودة
لكن الباب كان مفتوح والضيوف دخلوا هما كانوا ستات تقريبا 2 او 3
ولما دخلوا ملقيوش حد موجود فى الصالة فقعدوا يلفوا فى الشقة ويدوروا على اى حد فى البيت
فخرجت لهم اختى وانا قعدت جوه وكان معايا بنطلونى كنت ناوية اغسله
وبعد كده سمعت واحدة من الستات داخلة عندى فأنا استخبيت فى شباك البلكونة وحاولت اقفل الزجاج علشان متشوفنيش
لكن هى شافتنى وابتسمت لى وقالت لى تعالى معايا على المطبخ
قلت لها مش هتحرك من مكانى غير لما تقولى عايزة منى ايه
قالت لى تعالى ساعدى والدتك هديلك شوية اطباق وتغسليهم
قلت لها حاضر روحى وانا جاية وراكى على طول
وبعد كده انا قعدت فى البلكونة وكنت عايزة اخبى البنطلون بتاعى فحطيته فى مكان على ما اغسله لكن فجأة افتكرت شخص صديقى
وقعدت افتكر فى الذكريات اللى بينى وبينه وكنت زعلانة لانه سابنى دلوقتى وده فى الحقيقة كمان هو حاليا مش بيكلمنى
وبعد كده خرجت قعدت فى الصالة لقيت اخويا قاعد بيشرب حاجة زى الكوكاكولا وبيأكل عنب
فأنا خدت كوباية من اللى بيشربه ده وشربتها لكن لقيت طعمها غريب وبتحرق
قلت له ايه ده انت بتشرب خمرة ولا ايه فضحك وقال لا دى كوكاكولا بطعم التفاح فسألته طعمها غريب كده ليه
فقال لى هى كده لما بتتحط فى كوباية بيبقى طعمها غريب لكن لو شربتى من الزجاجة نفسها هتلاقى طعمها عادى
وبعدين لقيت اختى بتعمل كوباية من نفس الكوكاكولا دى وبتحط لها عنب وايس كريم
وحلمت انى لقيت ربع جنيه ورق على الارض فمسكته وحطيته على الكنبة
آنسة والحالة الدينية متوسطة
واختى آنسة
واخويا عازب ومتدين

حبيبتى الضيف بشرى وان شاء الله لكى بشرى بالخطوبة وفيه ناس هتاتى الى بيتك للتعرف عليك وانت هتعرفى وهتفتكرى حب قديم لكن انتهى امره وهتوافقى على هذه الزيجة وفيه حبة قلق لكن هيعدوا على خير وهتخطبى باذن الله والله يبارك لك

المتفائلة دائما كتب:: 8
حلمت اني اشتريت حلق لونه لموني
وخلص الحلم علي كدة مع العلم اني انسة

حبيبتى الحلق عريس باذن الله

ايناس انوسه كتب:: 9

حلمت خير ان لقيت قدام بيتنا عربية زيتى جيب وشكلها كبير وفخم من بره ومنظر يعنى فلما دخلتها لقيت امكانيتها عادية زى اللى العربية اللى بركبها وواخدة عليها بس هى من بره اللى منظرها كبير لكن من جوه سهلة ومألوفة وعادية وكنت فرحانة بيها اوووووى وبركبها بتمكن كده وكنت واخدة ماما جنبى فيها وجيت ابص فى مراية العربية لقيتنى لابسة عباية سوده شيك وطرحتها سودة برده وشكلى حلو بيها وكان شعرى باين من الطرحة نااااااعم وطرى وفيه خصلات مصبوغة وجميل وبعدين جم ولاد خالتى وانا راكبة العربية فلقيت اتنين منهم سلموا عليا والتالت محمد الكبير (متزوج ) مسلمش عليا وتجاهلنى فقلت لماما شوفتى يا ماما تجاهلنى هوه ومراته ازاى واتضايقت كده قالتلى سيبك منهم وملكيش دعوة بيهم فقلت خلاص مش هبصلهم وكنت بقا مركزة فى العربية بتاعتى وخلاص ... بس كده

ومعلش منام تانى قصير اوى
حلمت انى زى ما يكون قمت من النوم لقيت واقف على ايدى حمامة بيضاء جمييييييييلة ووديعة كده فقعدت ابوس فيها واحسس على رقبتها وكنت فرحانة بيها اووووى لانى اتفاجئت بيها واقفة على ايدى كده .. بس كده

حبيبتى ان شاء الله هيتقدم لك عريس بس شكله هيكون مشى ولكن حينما تتكلمى معه هتجديه انسان عادى وان شاء الله هتوافقى عليه وربنا هيسلمك من لسان بعض الحاقدين والله يوفقك اما التانى ان شاء الله فيه بشرى جميلة هتسعدك قريبا

» أدخـــلي أكتبي حلمك >>>> تفسير أحلام يوم الخميـــــــــــــس 19 - 9 - 2013
» أدخـــلي أكتبي حلمك >>>> تفسير أحلام يوم الأربعـــــــــــاء 18- 9 - 2013
» أدخـــلي أكتبي حلمك >>>> تفسير أحلام يوم الثـــــلاثــــاء 3- 9 - 2013
» أدخـــلي أكتبي حلمك >>>> تفسير أحلام يوم الأثنيـــــــــــــن 26- 8 - 2013
» أدخـــلي أكتبي حلمك >>>> تفسير أحلام يوم الجمعـــــــــــة 20 - 9 - 2013