تفسير احلام الاحد11/8/2013 باذن الله

السلام عليكم ازيك يا ماما نجية كل سنة وانتى طيبة وبالصحة والسعادة 
حلمت خير اللهم اجعله خير انى فى شارع انا وماما وشفنا بت خالتى اميرة وجات معانا وبعد كدا كنت بوقفلها تكس علشان يوصلها وكانت معاها شيل وعربية بيبى وقفت تاكس لقيته معاه ناس كتير وزحمة رحت اخدها وقلتلها هاخدلك تاكس تانى وقفت تاكس تانى وكان فى ناس ورا قاعدها قدام جمب السواق ومعاها حاجتها بعد كدا هلاقى شنطتى اتسرقت وفيها موبايل وفلوسى وحاجتى وهاكون مدايقة اوى وزعلانة فى ناس هايقلولى على مكان شنطة وهاروح وهاخدها ولاقى حاجتى فيها وافارح بيها بعد كدا هلاقى نفسى بصلى فى جامع جماعة مع ناس بس كان فى واحدة جامبى عمالة تتحرش بيا واتلزق فيا وانا كنت خايفة منها اوى وحاسة هى كانت عايزة عايزة تعملى عمل وكدا واحنا بنسجد هالقيها بتسجد عاليا وزى بتخنقنى وبعد كدا هاسبها وهاروح مكان تانى فى المسجد وبعد كدا فى واحدة هاتتخانق معايا وبعد كدا هلاقى نفسى وقفت جمب الست الاولى تانى بس المرة دى خوفى بيزيد بعد كدا هانزل وهارب فى شارع

4

ماما نجيه انا كتبت ده في احلام يوم السبن وحضرتك مشفتيهوش وبكتبه لحضرتك تانى




هو مش حلم اوى اد ماهو استفسار بصراحه انا حلمت ان في شخص قريبى يعنى انا فتحت الكمبيوتر بتاعو ولاقيته انه كاتب على صورى حبيبتى وبحبك وانا كنت متخيله من الاسم من بره انه مش انا واتفاجأت لم عرفت انه ليا انا وفرحت بصراحه والشخص ده انا مش حاسه انه بيحبنى خالص في الحقيقه ولا انا حطاه في بالى اصلا بس هو كان بيعمل حاجات كده وقريبى كانو بيقولولى انه يعنى بيتقرب منى بس الغريبه انى بقالى فتره مشفتوش ولا كلمته وانا حبيت اتأكد لانى حاسه انها اضغاث احلام او عقل باطن بس قلت اتأكد من حضرتك

حلم 5


السلام عليكم ورحمة الله وبركاتة



كيف حالك يا ماما نجية ...كل سنة وانتى بخير وصحة وسعادة



شفت نفسى فى شارع واسع كنت بالنهار ومنور وحلو وفيه شجر شكلة حلو وجديد ولون الخضار فاتح وكنت واقفة بجانب بناء دائرى فى وسط الشارع بارتفاع كتفى وحاطة ايدى علية وعلى اساس انى سكنت فى المنطقة اللى فيها الشارع دة حديثا  وعايزة اتصاحب على واحدة من المنطقة ففى واحدة انا مشفتهاش جابت لى واحدة (انا اعرف اللى جابتها اسمها نهى وكانت صاحبتى بس من فترة كبيرة جدا والوقتى مش بشوفها )وكانت جميلة وكأنها صغيرة حتى انا كأنى صغيرة فى سن العشرين واحنا الاتنين فى عمر واحد تقريبا وتقريبا قالت لى اصاحبها فكنت بكلم صاحبتى وعرفت منها ان  البيت عندها كمان محتاج ترفية او صحوبيات او كدة فقلت لها روحى هاتيهم هنا واقفوا مع بعض عشان يرفهوا عن نفسهم يعنى فجابتهم لكن مامتها متقدرش تنزل لان رجليها تعبانة ونزل باباها وخالتها ووقفوا مع بعض وقلت تروح تقف  معاهم (عشان يتبسطوا قصدى)وكانوا مبسوطين جدا  لكن باباها كان بيحط ايدة على اكتاف خالتها وحسيت الحكاية كدة مش عجبانى وظنيت ان باباها وخالتها مش كويسين لكن نهى كويسة




ملحوظة : الحالة النفسية : قلقانة ومضايقة



كنت بقول لصاحبتى تقف معاهم على اساس انى ملتزمة ومش هينفع اقف مع راجل واتكلم براحتى وكدة ...وهما التلاتة كانوا حلوين وبشرتهم بيضا (بس انا اعرف ان نهى بس اللى كانت بيضا وجميلة )انما خالتها انا معرفهاش فى الحقيقة

انتهى ..وادعى لى كتير

حلم 11
انا حلمت انى كنت موجودة ف مكان عندنا ف اسكندرية والمكان دة قريب  من مكان بيتى فكنت واقفة مستنية مواصلة توصلنى بيتى فببص جنبى
لقيت واحد قريبنا واقف جنبى ولقيت واحدة صحبتى م ايام الثانوى  اسمها منال كانت واقفة فبقيت قريبى دة بيعاكس ف صحبتى دى  فانا ببص كدة فمستغربة ازاى قريبى دة يعاكس صحبتى المهم انا كنت بدور ع مواصلة فلقيت معيا ف ايدى 5 جنية و75 قرش فانا قولت هى الفلوس دى هتكفى حق التاكس  طب خلاص هوقف مشروع يوصانى مكان قريب مش هياخد فلوس كتير واكمل  بتاكسى هتبقى المسافة قصيرة اوى فوقفت تاكسى وسالت واحد راكب تاكس فبقولة هو مشوا يالتاكس من ها لحد بيتى ييجى كام قالى ييجى 3 جنية او 3 جنية ونص بالكتير  فقولت خلاص هوقف تاكسى واروح والفلوس اللى معايا هتكفى والحلم انتهى وانا لسة بدور ع تاكسى
مع العلم ان قريبى دة عندة 60 سنة اسمة سيد
وصحبتى دى  قدى عندها 25 سنة وماليش علاقة بها واسمها منال

هبه من الله كتب:

السلام عليكم ازيك يا ماما نجية كل سنة وانتى طيبة وبالصحة والسعادة 
حلمت خير اللهم اجعله خير انى فى شارع انا وماما وشفنا بت خالتى اميرة وجات معانا وبعد كدا كنت بوقفلها تكس علشان يوصلها وكانت معاها شيل وعربية بيبى وقفت تاكس لقيته معاه ناس كتير وزحمة رحت اخدها وقلتلها هاخدلك تاكس تانى وقفت تاكس تانى وكان فى ناس ورا قاعدها قدام جمب السواق ومعاها حاجتها بعد كدا هلاقى شنطتى اتسرقت وفيها موبايل وفلوسى وحاجتى وهاكون مدايقة اوى وزعلانة فى ناس هايقلولى على مكان شنطة وهاروح وهاخدها ولاقى حاجتى فيها وافارح بيها بعد كدا هلاقى نفسى بصلى فى جامع جماعة مع ناس بس كان فى واحدة جامبى عمالة تتحرش بيا واتلزق فيا وانا كنت خايفة منها اوى وحاسة هى كانت عايزة عايزة تعملى عمل وكدا واحنا بنسجد هالقيها بتسجد عاليا وزى بتخنقنى وبعد كدا هاسبها وهاروح مكان تانى فى المسجد وبعد كدا فى واحدة هاتتخانق معايا وبعد كدا هلاقى نفسى وقفت جمب الست الاولى تانى بس المرة دى خوفى بيزيد بعد كدا هانزل وهارب فى شارع

حبيبتى انت خايفة  من حاجات  كثيرة وفعلا  فيه  امل لك ضاع بطلاقك  ولكن  ان شاء الله  هتجدى نفسك  وفيه جمع  فى خير ان شاء الله تكون خطبة  لك  بس هتخافى  من ان حد يعمل لك  سحر  ولكن ان شاء الله  ربنا هيحميك  وهيتم لك امرك  بس عليك  بقراءة  سورة البقرة  يوميا  والله يوفقك

^بكرة أحلى^ كتب:

 2

ماما نجية ده حلم على لسان صحبتي و هي آنسه 

حلمت امبارح وانا اصلا نايمة مضايقة حلمت انى بقفل باب شقة بالمفتاح لاقيت المفتاح بيلف على الفاضى والباب بردوا مفتوح روحت قفلت الباب بالقفل والباب اقفل بس رجعت فتحت القفل تانى

حبيبتى  فيه موضوع لك  هتحاولى قفله  وهتتعبى شوية لكن  هتتمكنى من القفل ولكن هتفتحى  الموضوع تانى   والله معك

moslima online كتب:

٣

حلمت من يومين إني نايمة جنب خلتو واحنا الاتنين حوامل وانا حامل في بنت وقربت أولد فقلت في نفسي الحمدلله اديني اتجوزت وخلفت قبل ما أكمل التلاتين

 

حبيبتى انت حاملة هم  شئ  لكن فيه فرج  قريب لك ان شاء الله

sasoloveyou كتب:

4

ماما نجيه انا كتبت ده في احلام يوم السبن وحضرتك مشفتيهوش وبكتبه لحضرتك تانى




هو مش حلم اوى اد ماهو استفسار بصراحه انا حلمت ان في شخص قريبى يعنى انا فتحت الكمبيوتر بتاعو ولاقيته انه كاتب على صورى حبيبتى وبحبك وانا كنت متخيله من الاسم من بره انه مش انا واتفاجأت لم عرفت انه ليا انا وفرحت بصراحه والشخص ده انا مش حاسه انه بيحبنى خالص في الحقيقه ولا انا حطاه في بالى اصلا بس هو كان بيعمل حاجات كده وقريبى كانو بيقولولى انه يعنى بيتقرب منى بس الغريبه انى بقالى فتره مشفتوش ولا كلمته وانا حبيت اتأكد لانى حاسه انها اضغاث احلام او عقل باطن بس قلت اتأكد من حضرتك

حبيبتى  هى فعلا اطغاث احلام   ياسوسو

عائشة كتب:

حلم 5


السلام عليكم ورحمة الله وبركاتة



كيف حالك يا ماما نجية ...كل سنة وانتى بخير وصحة وسعادة



شفت نفسى فى شارع واسع كنت بالنهار ومنور وحلو وفيه شجر شكلة حلو وجديد ولون الخضار فاتح وكنت واقفة بجانب بناء دائرى فى وسط الشارع بارتفاع كتفى وحاطة ايدى علية وعلى اساس انى سكنت فى المنطقة اللى فيها الشارع دة حديثا  وعايزة اتصاحب على واحدة من المنطقة ففى واحدة انا مشفتهاش جابت لى واحدة (انا اعرف اللى جابتها اسمها نهى وكانت صاحبتى بس من فترة كبيرة جدا والوقتى مش بشوفها )وكانت جميلة وكأنها صغيرة حتى انا كأنى صغيرة فى سن العشرين واحنا الاتنين فى عمر واحد تقريبا وتقريبا قالت لى اصاحبها فكنت بكلم صاحبتى وعرفت منها ان  البيت عندها كمان محتاج ترفية او صحوبيات او كدة فقلت لها روحى هاتيهم هنا واقفوا مع بعض عشان يرفهوا عن نفسهم يعنى فجابتهم لكن مامتها متقدرش تنزل لان رجليها تعبانة ونزل باباها وخالتها ووقفوا مع بعض وقلت تروح تقف  معاهم (عشان يتبسطوا قصدى)وكانوا مبسوطين جدا  لكن باباها كان بيحط ايدة على اكتاف خالتها وحسيت الحكاية كدة مش عجبانى وظنيت ان باباها وخالتها مش كويسين لكن نهى كويسة




ملحوظة : الحالة النفسية : قلقانة ومضايقة



كنت بقول لصاحبتى تقف معاهم على اساس انى ملتزمة ومش هينفع اقف مع راجل واتكلم براحتى وكدة ...وهما التلاتة كانوا حلوين وبشرتهم بيضا (بس انا اعرف ان نهى بس اللى كانت بيضا وجميلة )انما خالتها انا معرفهاش فى الحقيقة

انتهى ..وادعى لى كتير

حبيبتى  ان شاء الله  ربنا هيهدى  طريقك  وهينوره  وهترزقى خيرا ان شاء الله  وفيه موضوع  قديم  هيرجع  وهتفرحى به  لكن هيحدث حبة قلق  هيخوفوك  شوية  وربنا هيبعده عنك  باذن الله  والله يفرح قلبك

محلوة كتب:

 6


السلام عليكم


ماما حلمت حلم غريب 


حلمت اني قاعدة فوق فسطحنا ولقيت لعبة عبارة عن ارنبة ولا معزة صوف مش فاكرة بالضبط بس اعتقد ارنبة اخدتها بايدي كدى وقعدت ابص عليها وكنت خايفة منها وحاسة انها حتتحرك بعد شوية تحركت فعلا وبقت كائن حي يعني مش لعبة وبقت معزة صغيرة لون شعرها اسود وكنت ااكلها ردة في ايدي وبصيت على جردل المية لقيته مليان علشان تشرب منه وبعدين قعدت العب معاها واجري في السطح وهي تجري ورايا وكنت فرحانة بيها جدا وكنت مسمياها توتا وانده عليها يلا يا توتا اجري وبعدها المعزة دي لقيتها بنوتة صغيرة وجميلة عندها سنة ونص ولا سنتين يعني لسه ما بتمشيش وكنت شيلاها على ذراعي وافرجها فوق من شباك السطح على الشارع وكنت حباها جدا وعجباني لقيت بنت بتشاور لي بره واما بصيت عليها لقيتها زميلة في دراسة ايام الابتدائي ماشفتهاش من وقت دراسة اسمها سامية قالت لي انتي حضرتي الحصة الفلانية ولا لا ماعرفش رديت عليها قلت لها ايه وخلص منام على كدى


جزاكي الله كل خير يا ماما

حبيبتى  اعرفى  ان الله قادر على كل  شئ وقادر انه هيغير  حياتك  كلية  وان شاء الله حياتك  هتتغير الى الاحسن  قريبا  وهترزقى  بدنيا  جديدة  وجميلة  من حيث لاتحتسبى ان شاء الله

cappuccino كتب:

(7)

ازيك ياماما كل سنة وحضرتك طيبة , حلمت خير يارب انى فى مكان مع حد وان فى امتحان وانا مش مذاكرة وبعيط ومكنتش اعرف ان فى امتحان وقال انا شايلة 3 مواد ومستغربه وعمالة اقول ازاى واعيط واقولهم ينفع اجل الامتحان انا والله ماكنت اعرف ان فى امتحان وفضلت اعيط وخايفه وكان فى واحد او واحده معايا وبتمتحن بردو بس زى مايكون ياماما فى صحرا او مكان كده مفتوح ومره واحده وانا قاعده مهمومه مش عارفه اعمل ايه جه زى راجل كبير اوى ضخم يعنى ويمكن يكون بالونه منفوخه هوا مش عارفه وكانه طاير ووقع ناحيتى وسمعت حد بينادينى باسمى وبيقولى امسك الراجل ده ورجله كان ملفوف فيها ورق وفيها بلالين رجله بردو وكانها بتقولى ان الورق ده فيه الحل وانا فرحت اوى وكانى قبلها كنت بشتكى لها وقالتلى اسكتى متقوليش كده هنبقى فى مكان مفتوح وهنساعد بعض وكده احسن وقعدت اقولها انا سقطت فى 3 مواد ومكنتش اعرف ومسكت الورق وفتحته لقيته ورق زى مايكون ورق مصحف صغير مكتوب فى ناحيه والناحيه التانيه بيضا خالص ومكتوب فيه قران زى سور نفس شكل المصحف ياماما لما تفتحيه على سورة الفاتحه واول ورقه من سورة البقرة بيكون مزخرف كده اهو انا شوفته كده ولونه اخضر وقولت ده قران مفيهوش الاجابه وبفر فيه لقيت الاجابه وزى ما اكون ارتحت ولقتنى مره واحده فى البيت وبعمل عجينه ومعايا ماما ومحمد اخويا وكان محمد بيقطعلى العجينة بالكوبايه وبنحطها تستوى فى الفرن وزى مانكون سوينا حاجتنا الاول وبعدين كان محمد قاعد معانا فى البيت فى اوضه هو ومراته بس شكل مراته مش زى الحقيقه بس اسمها زى الحقيقه وكان ماما مضايقه منهم ومش عايزه تديهم من العجين بتاعنا وكان بيسوى العجين بتاعه تحت الشوايه بشكل غريب كده فى الفرن كان صاج بيتحط تحت الشوايه على طول وله طريقه كده وانا كنت بعملهوله ويمكن محمد اكل من العجين بعد ما استوى ويمكن كانت خالتى عندنا مش متاكده ياماما


انا ياماما حالتى الدينية الحمدلله قربت من ربنا اوى ورضيت ربنا وسبت الشخص اللى كنت بكلمه تماما الحمدلله وامبارح انا كنت برتب ورقى وبقول لازم اذاكر عشان الماجيستير لازم اعمل الرساله وشوفت ورقه فيها درجاتى انا واصحابى من زمان
وماما كانت منكده على اوى امبارح والشيطان قعد يقولى اكلم الشخص اللى كنت بكلمه بس انا استعذت بالله كتير وعيطت ونمت وعلما انى كل مره بسيبه ومش بكلمه وبسبب ماما برجع اكلمه وده على مدار 3 سنين بس المره دى غيرت رقمى ومش ناويه خالص اكلمه ياماما وكان فى كمان حاجات من ايام زمان رميتها وفى نيتى انى بخلص منها رضاء لله وعشان ربنا يكرمنى ويرضى عنى ونمت وانا بدعى ربنا بالزوج الصالح
اخويا مراته حامل وهما فى نكد بسبب مشاكل ربنا يهديه وهما مش عايشين معانا وبابا زعلان منه بسبب كلام قاله علينا زعلان منه اوى
وامتحاناتى انا معنديش امتحانات فى الكلية مفروض اعمل رسالة الماجيستير بس
اخويا اسمه محمد وماما بدر ومرات اخويا اسمها حسناء وانا وهى قربنا من بعض اوى وبقيت بحبها اوى وبتصعب على
ولما الشيطان قعد يقولى اكلم الشخص ده واشتكيله قعدت استغفر وافتكرت ان بقالى 3 سنين بعمل كده ومش ناويه اعمل كده تانى ودعيت ربنا يثبتنى لو كان ده اختبار لى ويرزقنى بالزوج الصالح
يارب ياماما تطمنينى

حبيبتى  انت بتتعرضى لمحنة  ولكن  ربنا هيقف بجوارك  وهيعديها معك  على خير  وموضوع هذا  الشخص  انتهى  وربنا هيرزقك  احسن منه باذن الله  بس تقربى الى الله اكثر  وادعى كثيرا وان شاء الله  ربنا هيتقبل دعائك   اما اخوك  فالدنيا معجونة  من تجاهه  لكن  ربنا هيصلح  حاله معكم  باذن الله    وربنا يوفقك

toto كتب:

 الحلم رقم (9)
حلمت ان والدى كان معاه موبايل من نوع الموبايلات الجديدة الغالية اللى بتشتغل باللمس
وكان شايله معاه طول الوقت حتى وهو نايم
علشان محدش يمسكه
المهم هو كان قاعد واختى كانت قاعدة جنبه وهو كان بيسألها عن حاجة فى الموبايل
فأختى قالت له انها لازم تشوف الموبايل علشان تجاوبه على سؤاله
فهو ضحك علشان مش عايزها تبص فى الموبايل
وهى كمان قعدت تضحك على تصرفاته دى
فقالت له هشوف الحاجة اللى بتسألنى وعليها وبس
فوافق بس حط ايده على جزء من
شاشة الموبايل
علشان فى حاجة مش عايز اختى تشوفها
واختى شافت الحاجة الى سألها عليها وجاوبت على سؤاله وخلص الحلم على كده
أنا آنسة والحالة الدينية متوسطة
واختى آنسة

حبيبتى  فيه خبر جديد  حلو  سوف ياتى لوالدك  وهيقول  لاختك  على  جزء من تلك  الخبر وهيحتفظ  بباقى الخبر  والله اعلم

mayoo كتب:

 حلم رقم 10
السلام عليكم ازيك يا ماما نجيه كل سنه وحضرتك طيبه
انا حلمت انى على سريرى وماسكه مصحف وبقراء فيه ودخل حمايا السابق سلم عليا بايده وابتسم وانا مكنتش عايزه ابتسم له بس ابتسمت بالعافيه وبعده دخل طليقى وبرضه سلم باليد وانتهى الحلم 

 حبيبتى  فيه  موقف بينك  وبين  طليقك  واهله  وهتراعى فيه الله  وهتسلمى من شرهم  واحتمال  يطلبوا  صلح  والله يصلح حالك

سوسو كتب:

 الحمد لله ياماما نجيه نجحت وخلصت واتخرجت الحمد لله :)

الف مبروك  يا حبيبتى  وقريبا ان شاء الله  ابارك لك  بالخطوبة  الجميلة ان شاء الله

ronyrosa كتب:

11
السلام عليكم يا ماما نجيه و كل سنة وحضرتك طيبه يارب.
انا حلمت النهارده الصبح انى انا و بابا دخلنا محل اقمشة تنجيد . وبابا كان بيسال عن قماش تنجيد صالونات و كان عايز اللون الاخضر و فضل البياع يوريه انواع من الاقمشه بس ملقاش النوع اللي عايزة و الراجل قله هيجي بعد كزا يوم.

كمان شوفت انى برجع بس الترجيع كان لونه احمر فاتح قوي زي الجيلي و كنت بشده بايدي عشان اطلعه. اكتر من مره في الحلم لحد مارحت عند حوض ابيض و فضلت اتف و بعدين اتمضممت بالماء و نشفت فمي.

انا انسه

 

حبيبتى  فيه امر لبابا  هيؤجل  تنفيذه  شوية   اما التانى  هتتراجعى  فى امر ما 

ميوش كتب:

حلم 11
انا حلمت انى كنت موجودة ف مكان عندنا ف اسكندرية والمكان دة قريب  من مكان بيتى فكنت واقفة مستنية مواصلة توصلنى بيتى فببص جنبى
لقيت واحد قريبنا واقف جنبى ولقيت واحدة صحبتى م ايام الثانوى  اسمها منال كانت واقفة فبقيت قريبى دة بيعاكس ف صحبتى دى  فانا ببص كدة فمستغربة ازاى قريبى دة يعاكس صحبتى المهم انا كنت بدور ع مواصلة فلقيت معيا ف ايدى 5 جنية و75 قرش فانا قولت هى الفلوس دى هتكفى حق التاكس  طب خلاص هوقف مشروع يوصانى مكان قريب مش هياخد فلوس كتير واكمل  بتاكسى هتبقى المسافة قصيرة اوى فوقفت تاكسى وسالت واحد راكب تاكس فبقولة هو مشوا يالتاكس من ها لحد بيتى ييجى كام قالى ييجى 3 جنية او 3 جنية ونص بالكتير  فقولت خلاص هوقف تاكسى واروح والفلوس اللى معايا هتكفى والحلم انتهى وانا لسة بدور ع تاكسى
مع العلم ان قريبى دة عندة 60 سنة اسمة سيد
وصحبتى دى  قدى عندها 25 سنة وماليش علاقة بها واسمها منال

 حبيبتى  فيه امل لك فى شئ  هيتاخر  شوية  لكن ان شاء الله  هتنالى مناك  وهتصلى الى ما تريدى باذن الله

حلم 12
ماما الحلم ده لاخويا
هو حكاه لبابا وبابا قالهولى قال انه كان بيصلى ورا امام ولقى بابا فى الصف الاول والامام كان بيقرا بصوت حلو اووووووووووى وبعد ماخلص الامام بص لاخويا وابتسم او ضحك وقاله هو ده اللى كنت عايزه


يارب يكون خير
اخويا متزوج واسمه محمد وبابا اسمه جمال
اخويا منتظر شغل
حالته النفسية والدينية مش عارفه والله