تفسير احلام الخميس 8\8\2013 باذن الله عىد سعيد

حلم رقم 3

انا حلمت انى شفت سيدنا عيسى عليه السلام وكان كأنه ملك كده ومتحلى باساور بذهب ولابس تاج ذهب وكان ماسك عصايا عامله زى عصايه الملوك

حلم 4
كل سنه و انتي طيبه و عيلتك كلها بخير يا ماما نجية 
حلمت حلم كدا حااساه غريب و ملخبط  مش عارفه ليه معني ولا لأ بس قلت أكتبه لحضرتك 
حلمت خير يارب 
إني مخطوبه و عروسه و بجهز انا و خطيبي للفرح ( و خطيبي في الحلم كان واحد متقدملي من شهور من طرف ناس و اترفض لإنه ماكنش مناسب و الموضوع مش في بالي خاااالص ولا كنت بفكر قبل ما انام )  و بعدين في الحلم  قبل الفرح بيوم ظهرت عيوب للعريس كتيير و كنت مش قابلاه خالص و قلت مش حاتجوزه و بعدين لقيت نفسي ماشيه في مكان حلو كدا زي حديقة و فيها كراسي  و كنت لابسه لبس حلو زي فستان و كان ملون و كنت حاطه منيكير في رجلي و كنا الصبح و كنت ماشيه و حواليا ناس قاعده عادي و بعدين لقيت طيارات فوقينا شكلها طيارتات حربية ولا إيه مش عارفه , طيارات صوتها عالي كدا و شكلها زي الحربيه  و الناس اللي قاعدين بصوا كدا و استغربوا بس ا قالوا عادي دي طيارات عاديه مافيش قلق و بعدين لقيت نفسي زي مايكون في عربيه و يعدين قطر و بجري ورا واحده اعرفها  مش فاكره أختي ولا مين و على أساس اننا راكبين مع بعض و لحقتهم و لقيتهم قرايبي في الحقيقة و اللي كانت ظاهره ليا في الحلم  واحده اسمها في الحقيقة راوية و هيا ست متوسطه العمر  و لقيت تليفون جالها و أنا حطيت إيديا الاتنين على خدودي على اساس انه تليفون خضنا و عشان هيا شكلها كان مخضوض زي  مايكون بتسمع خبر وحش و قالولها مامتك ماتت مع العلم إن مامتها في الحقيقة ميته من زمان الله يرحمها 
و خلص الحلم على كدا 
معلش إني طولت عليكي 
آنسه و ملتزمة الحمد لله

الحلم رقم 5
أخويا حلم إنه فى عدد 2 قط برى شكلهم زى الفهد بيهاجموه هو و مجموعة ناس معاه أخويا دافع عن نفسه بكراسى وكان بينادى على الناس يتجمعوا علشان يخوفوهم ويبعدوا وهجموا على واحد من أصحابه وأوشكوا على إنهم يفترسوه الا ان أخويا ضربهم وعمل ليهم زى مشنقة من حبل وعلّقهم فيها وفضل هو و أصحابه يضربوا فيهم بس اكتشف انهم واحد بس والتانى مش لاقيه وشاف ان القط البرى ده عبارة عن أسد شعره كثيف فعرف إنه ذكر الأسد وان اللى هرب ده ممكن يكون الانثى ومش فاكر من أصحابه غير واحد اسمه السعيد ، وضرب الاسد اللى متعلّق ده بكرسى وحديد فى رقبته وساح فى دمه لغاية ما دبحه و أخده بعدها فى بيتنا وطبخه وأكله والمفروض إننا أكلنا منه ووزعنا من لحمته وماما قالت لأخويا يتصل بواحد معين معرفه لينا ويديله من لحمة الاسد . وخلال الحلم أخويا كان بيسأل نفسه هل أكل لحم الأسد حلال ولا حرام وقال لنفسه انه حرام أكل كل ما يستخبث طعامه بس رجع وقال إنه الأسد مش بياكل الفريسه غير لما يدبحه يبقى كده اكله حلال . يا ترى إيه التفسير يا ماما نجية

6
كل سنة وانتى طيبة يا جميل وربنا يعيد عليكى الايام بخير يارب 
حلمت حلم قصير خير ان الداعية معز مسعود قاعد عندنا فى البيت وكان قاعد بيسأل اسئلة فمحدش رفع ايده من الموجودين غيرى فجاوبت عليه وكنت خايفة اجابتى متعجبوش او تبقى غلط مع انى كنت متأكده منها بس الحمد لله لقيته اتبسط من اجابتى ولقيته بيقولى الاجابة صح بس انا عارف اسمك من قبل كده بس معلش قوليهولى تانى قلتله اسمى بالكامل قاللى ايوه صح وراح مكرره معايا وقايله معايا وعرفنى كويس فقولتله ما انت لازم كنت تبقى عارف اسمى لانك لما بتيجى دايما تسأل سؤال انا الوحيدة اللى برد عليك فابتسم كده  

7
السلام عليكم ورحمه الله
كل سنه وانتي بالف صحه وسلامه ...
انتي وحشاني اووووي يا ماما نجيه .. انا عارفه اني اختفيت في رمضان بس الدنيا قلبت المواجع علي اوووي وكانت عندي مشاكل كبيره اوووي وانهرت كتيير لانها كتييره اوووي علي ... وضغط اهلي مش سايبني .. نفسيا الحمدلله تحت الصفر الحمدلله

انا حلمت من حوالس 10 ايام كده ان جالي تلفون من سيد بيسالني هتنزلي مصر امتى .ز لان انا نازل اخر السنه دي هرفه عن نفسي واشوف اهلي ولو كده تنزلي مصر انتي كمان .. وانا قلت انا كمان نفسي انزل .. ومش فاكره ايه اللي حصل بعد كده .ز وبعدين لقيت نفسي في جروب من ناس  في قصر رئاسي او قصر كبيييييييييييير جدااا وضخم اووي وكلهم اجانب وكان فيه واحد مصور وواحد عايزين يعملو معايا لقاء .ز والمشرفه علينا سمحتلي اتكلم معاهم لان انا المصريه الوحيده اللي كنت موجوده .. وحسيت بتكريم وكرامه

انا انسه
سيد .. شخصيه فيها الحاجات اللي نفسي فيها الزوج المستقبل .. بس هو في ولايه تانيه
الحلم ده من زمان .. لسه عارفه امبارح انو انا لازم ارجع مصر قبل 18 فبراير السنه الجايه ..

الحلم ٨


 حلمت اني بالشارع ورأيت منزلا ورديا ودخلته ويوجد داخله طاولة تدور وطعام لذيذ وأخذت طعامي وخرجت.