ماما تسلمى يارب على تفسيرك بس انا معلش كنت نسيت جزء فى الحلم واضفته باللون الازرق معلش ياماما والله نسيت غصب عنى معلش
حلم 1
ازيك ياماما نجيه يارب تكونى بخير
امبارح اتصلوا بى عشان ارجع الشغل تانى ووافقت نمت وحلمت انى روحت الشغل ولقيت صديقة لى فى الشغل اسمها نرمين فى اوضه ومفيهاش ديسكات كان الاطفال بيقعدوا على الارض وفى زى فرش ملايات على الارض وشوفت المشرفة بتاعتنا واسمها ابله سماح وعرفت ان فى تقديم للمدرسه التابعه للبشمهندس صاحب الحضانه وكانت نرمين قالتلى انها قدمت امبارح بس مقالتليش بالضبط قدمت فين وكده وانا عرفت من ابله سماح وروحت ولقيت ناس بتدخل بنات وولاد عشان يقدموا وكنت خايفه من الموقف وقولت لا خلينى فى شغلى احسن عشان خوفت من الامتحان وبعدين لقتنى مش خايفه واتشجعت وقولت انا هقدم وفى تجهيزات قبل التقديم لقتنى بيعملولى مكياج ولابسه فستان ابيض وبيجهزونى كانى عروسه وشعرى بنفس طوله قصير لحد كتفى بس مكوى مفرود خالص لونه اسود وعملولى فيه خصل دهبى وقصه وميك اب حلو اوى وكنت مبسوطه بشكلى وبنفسى اوى وعندى ثقه جامده مع سنة خوف ورهبه وبعدين زى مايكون جه دورى وماما لقتها بتتفرج على ومبسوطه تقريبا ولقتنى سرحت شعرى جبت القصه على اليمين وسبت شعرى ولفيت طرحه وبعدين ابله سماح جت عشان ده دورى وبتكلم ماما بتقولها انى عارفه دورى او بعمل ايه يعنى زى ماتكون بتشكر فى وبتقولها شوفتى عملت شعرها ازاى وبعدين وقتها افتكرت ان لازم اسرحه والمه ففكيت الطرحه ولميت شعرى كحكه ولبست الطرحه وخرجت لقيت واحده جاى بعربيه بيجو وفيها اطفال عشان تقدم لهم وشافنى شاب او راجل داخل من الباب بتاع الشغل وشافنى وتقريبا كان جاى يقدم ودخلت وشوفت البشمهندس صاحب الشغل كانه مبسوط بى وقعدوا الناس يصورونى وانا كنت مبسوطه اوى ومستنيه اشوف الصور وبعدين لقيت الواحده اللى جت عشان تاخد الاطفال بتسال على طفل ولقيت كرسى ناقص فى البيجو وقالت فين واكيد حد اخده جوه قولنالها لا يمكن جيتى بيه كده قالت لا انا كنت جايه بيه كامل انا متاكده وبعدين جت بنتها وماسكه كرسى العربيه ورا ظهرها بايديها كده ودخلت بيه ومامتها دخلت طفله جوه قالتها ادخلى انتى جوه عشان متفتحيش الباب وطلعت البنت اللى كانت جايه بالكرسى على الحرف ناحية الباب اليمين ويمكن اكون ركبت معاهم وبعدين لقتنى فى عربيه مع ماما وخالات بنت عمى وحد قال يسقفولى كانى عروسه يعنى وكده وبعدين واحده قالت لا وبعدين ردت خالة بنت عمى قالت ليه دده احنا يوم سالى عملنا فرح وجه فى بالى او حد قال ان الفرح مزيف مش حقيقى خليها فى الحقيقى وكنت متشوقه اوى اشوف صورى اوى [معلش ياماما نسيت جزء انى لقتنى فى عربيه مع ماما وخالة ريهام بنت عمى وبتقولهم يعنى يسقفولى ويعملوا هيصه عشان انا عروسه وبعدين كان حد قال او انا حسيت انه ده فرح كده وكده مش حقيقى وقالت ده فرح سالى احنا عملنا هيصه كبيره اوى ويمكن عملولى وانا كنت فرحانه سالى بنت خالة ريهام بنت عمى وسالى متجوزه ولسه مش حملت وريهام بنت عمى مخطوبة ] وقولت انى هطلع احلى من اى واحده وشوفت بنات جايين يقدموا الشغل ومشيوا وعرفت ان كلهم مش نجحوا ودخلت اوضة التقديم وانا فرحانه وعندى ثقه فى نفسى زى ما اكون نجحت وصحيت مبسوطه
انا فعلا كنت بفكر فى الشغل وبوقل ارجع عشان انا لما اخدت الاجازه بقيت بنام الصبح والهالات رجعتلى وكده
ابله سماح متزوجه وعندها طفلين وكانت تعبانه عملت عمليه من فتره ولسه تعبانه عندها الغدة الدرقيه نشاطها عالى وكلمتنى امبارح
ونرمين صاحبتى مش مخطوبة وعرفتها فى الشغل حالتها الدينيه اعتقد بتصلى النفسيه مش عارفه
وماما الحمدلله حالتها الدينيه كويسه وبتصلى الحمدلله
البشمهندس راجل كبير وهو مهندس وشوفته اكتر من مره بيتوضى فى الشغل وعنده المدرسه والحضانه
وانا الحمدلله صليت امبارح وحالتى النفسيه مرتاحه مستقره الحمدلله
ونمت وانا بدعى ربنا بالزوج الصالح
وكان فى كذا فرصه اقدم فى مدارس خاصه بدل الحضانه ومروحتش معرفش ليه مع انى نفسى اشتغل فى مدرسه خاصه بس فعلا بخاف من الاختبارات عشان مليش خبره خالص
حبيبتى فيه حد بينك وبينه خصومة وهيحدث تسامح وتصالح وهترجعى شغلك ان شاء الله وفيه خطوبة لك ان شاء الله بس هتحصل فيه مشكلة لكن هترجع مرة اخرى وربنا هيتم لك على خير
