تفسير احلام الاربعاء 18/6/2013 باذن الله

1
صاحبتي حلمت انها بتحكيلي علي حلم ليها والحلم ده كان بشاب من منطقتها انه خطبها بعدين انا في الحلم قولتلها انتي قولتي سبحان الله او باذن الله او الحمد لله في الحلم قالتلي اها قولت قولتلها كدة الحلم هيتحقق باذن الله
وخلص الحلم علي كدة مع العلم ان صاحبتي انسة ومش بتفكر في الشاب ده خالص

2

ازيك يا ماما نجية يارب تكونى بخير انا حلمت حلم غريب اوى يا ماما انا متزوجة وبتعلم تركي وكنت اتعرفت علي حد من الاتراك اللي بيعلمونى تركي وحلمت حلم وحضرتك قولتي لي ابعدي عنه افضل ومبقتش اكلمه فعلا حلمت انى في انقره وزي ما يكون حفله راس السنة بس انا مش متاكدة اوى المهم وانا ماشيه لقيت الولد دا قاعد فانا اتضايقت لاني مش حابه اني اشوفه ويقيت اقول في نفسي ما هي انقرة كبيره اشمعنا ميجيش غير هنا ولقيتني يا ماما زي ما يكون بتابعه بنظري من بعيد وبس "انا مستغربه اوى انى عملت كدا لاني في الغالب يا حسلم يا ما حعمل نفسي من بنها وحكمل في طريقي  "  وبعدين لقيت في ايدي كوبايه لبن بشربها وكان طعمها حلو وانا في الغالب مش بشرب لبن 

معلش يا ماما انا تعبتك معايا

الحلم الرابع
حلمت اني بطابور وهناك شخص يمدح جمالي امام الناس وانا امسكه وانا ابتسم ثم زميلي بالمدرسة انا معه بزاوية وهو يريد تقبيلي والناس يقولون قبلها وقبلني واني أمسكه بحب  ونمشي وكنت اشعر بسعادة كبيرة لانه شخص له هيبة لا اعرفه بالحقيقة ودخلنا المقهى وجلسنا بمكان منعزل وأنا أقول لماذا منعزل هل يخجل مني بين نفسي، وقال لي انه سيذهب ليعطي تبرعات للناس ويوجد مجموعه من البنات جلسوا في كرسيه فقلت لهم يوجد طاولات كثيرة وقالوا أبحثي عن صديقاتك  لأنهم يتحدثون عنك  وانتظرت الشاب ولم يأتي، ثم خرجت ولحقت زميلتي بالدراسة الى قاعه يوجد بها محاضرة وقلت لا اريد ان احضر ولم اجد الشاب بالمحاضرة.
فتاة عمري ٢١
وعزباء ولا اعمل

حلم رقم 6
انا انسة متوسطة التدين
الاشخاص المرتبطة بالحلم
1- خالتي امال 2- اختي امنية 3- بنت خالتي هبة 4- و بنت عمتي هبة و امنية و هبة و هبة متجوزين 5- كوافير اسمه على سعد و كوافير اسمه هيما جو بس على سعد ارخص من هيما جو 6- و محمد مرسي 7- محمود اللي كنت بحبه و محمد كان زميلي في الكلية
الحلم: حلمت ان انا فرحي قرب بس مش عارفة اذا كان العريس محمود ولا محمد المهم قلت انه حاجة حلوة بس شعري كان قصير و مكركت و متكعبل المهم روحت لكوافير على سعد عشان اعمل كيراتين عشان يتفرد المهم روحتله فقال للراجل اللي شغال عنده يعملهولي و كانت هبة بنت عمتي و امنية معايا قام الراجل قالي مش محتاج كيراتين قام مسرحهولي بالمشط و بيشده جامد تقوم الكعبلة تفك و و يطول و يبقا جميل بس و هو بيسلكهولي بيقربني جامد عليه لدرجة اني بقيت محرجة من امنية و هبة المهم شعري اتفرد و لفهولي دوامة قلتله بس انا عايزاه كيراتين عشان يفضل حلو على طول قال لالا مانتي عايزة شعرك يبقا حلو في اول شهر في الجواز بس بعد كده هتهملي في نفسك قلتله لا عايزاه يبقا حلو على طول المهم اكتشفت ان هو و الكرافير بس الكوافير ماكنش على سعد كان محمد مرسي المهم اكتشفت انهم كانو رايحين يتغدوا و مستعجلين عند حد المهم سبتهم و قلت هوح لهيما جو و امنية اختي اعترضت و قابلت خالتي امال و احنا نازلين على السلم و كان معانا عروسة لابسة فستان ايض و شعرها كان اصفر و عينيه خضرا كانت قمررر و قولتلها خاتوا عايزة اروح عند هيما جو قالت لي اااااه اللي في سموحة دا حلو اوي روحي يا دعاء قامت امنية قالت لي انتي عارفة دا بكام ب1586 جنيه قولتلها رخيض الكوافيرات غلتت على ايامك اللي ب 400 جنيه يبقا كوافير حلو المهم في الاخر رسيت على هيما جو و كنت بفكر اصبغ شعري ايه عنده و اعمل كيراتين عشان شعري يبقا حلو على طول

بسم الله الرحمن الرحيم
الحلم رقم 7
السلام عليكم ورحمه الله وبركاته

ماما نجيه يا ست الكل كل عام وانتى بخير يارب

عصام ابن عمى حلم انه هو واحمد اخوه كانو رايحين يزورو عمى فاروق

علشان تعبان فلما راحو لقوه اعد تحت بيته فى الشارع وكان مسنود على عمى عثمان الله يرحمه

وكان بيقول كلام مش مفهوم كلام كله خترفه وهو مسنود على عمى عثمان المتوفى

وبس كده الحلم وبشكرك
ملحوظه عمى فاروق هو حالين تعبان
وعمى عثمان متوفى فى شهر اربعه اللى فات

انا يا ماما نيه عوزة اعرف يعنى ايه الحى بيتكى او بيسند على متوفى زى ما عمى فاروق كده حى وعمى عثمان متوفى

وبس

8
حلمت خير يارب ان جنب سريرى فى مصباح بتاعى والمصباح فيه لمبة صغيرة وكانت منورة وبعدين شوية بشوية بدات تنطفى لحد ما اتحرقت ومش بقت تنور ومهما افتحها بالمفتاح مش تنور برده وقلت دى خلاص اتحرقت ومستحيل تنور تانى وبعدين لقيت فجاة فى ايدى مفتاح زى مفتاح الابواب كده فقلت هدخله فى المصباح يمكن ينور وكنت بدخلة وانا فاقدة الامل خالص انه يرجع ينور زى الاول وسبحان الله دخلت المفتاح وبلفه لقيت اللمبة نورت تانى بسبب المفتاح والمصباح بتاعى رجع يضيىء تانى بسبب المفتاح ... بس كده مع العلم ان حاليا نفسيتى سيئة جدا لانى تقريبا بعد مواضيع الارتباط اللى فشلت تماما دى معدش عندى استعداد انى اشوف حد او اخلى حد يدخل حياتى تانى لانى تعبت اوى ومش حاسة انى ممكن احب حد او اعرف ارتبط بحد بعد كده

حلم رقم 10 
ماما نجية ازيك 
في حلم بيتكرر معايا كتير اوي اوي الفترة اللي فاتت دي 
اني ببقي لابسة فستان سواريه وبيبقي عاجبني وفرحانة بيه بس بيبقي قديم 
قديم بمعني انه بتاعي من زمان اوي او الموديل بتاعه قديم 
بس بيبقي عاجبني انا وماما واخواتي