تفسير احلام الاحد 9/6/2013 باذن الله

الحلم رقم (5)
حلمت ان كان عندنا فى البيت نمر بس مش كبير اوى ولا صغير اوى متوسط يعنى وكنا مربيينه معانا كأننا مربيين قطة كان قاعد معانا عادى وبعدين انا واختى قعدنا نقول عليه انه قادر يكسر زجاج الشباك بسهولة وقادر يكسرلنا الحاجات فى البيت وكمان قادر يأكلنا وضحكنا وقلنا لالا هو هادى بس هو كان حزين وعنده ملل شديد قلنا يمكن علشان محبوس فى البيت وهو مابيحبش كده فكرنا نطلعه السطوح بس قلنا بلاش ممكن يمشى وبعدين النمر كان بيلعب بإيده فى التراب فقلنا هو بيحب يلعب فى التراب بس طبعا الشقة مفيهاش تراب فهو متضايق وبعدين انا كنت عايزة اصلى صلاة العشاء فأختى قالت لى اسيبه معاكى فى الاوضة قلت لها لا خديه بره معاكى وبعدين انا رحت على الحيطة وقعدت ازيح فيها لانها كانت حيطة زى الحيطة السرية كده بتتفتح زى الباب وبعدين اتفتحت الحيطة وبصيت بره اختى قالت لى رايحة فين قلت لها متخافيش عادى انا بروح اصلى صلاة العشاء فى المكان ده كتير هو مش مكان دى منطقة فاضية وراء بيتنا وهو فعلا وراء بيتنا منطقة فاضية ارض يعنى وبعدين رحت البس شبشب علشان اروح هناك اصلى

آنسة والحالة الدينية متوسطة
واختى آنسة