تفسير احلام الجمعه 24/5/2013 باذن الله

الحلم السادس
ازيك ماما نجيه

الحلم رقم 8

حلم رقم 10
حلمت انى كنت قاعدة قدام بيتنا على المسطبة وانا اول مرة اعمل كده
وانا وقاعدة كده لقيت كام ست جايين على بيتنا تقريبا كانوا تلاتة او اتنين
المهم كان فيه واحدة بتبص لى اوى
وانا كمان بصيت لها بس مكلمتنيش
وبعدين الست التانية قربت منى وسألتنى انتى بنت فلان قلت لها ايوه ابتسمت لى
وقالت لى ايه رأيك تيجى معايا البيت عندنا قلت لها لا
قالت لى ان بيتها قريب وتقريبا فى نفس الشارع
قلت لها لا انا مش بخرج من بيتنا خالص ومبحبش اخرج اصلا
وبعدين هى كانت عايزة تدخل بيتنا وتزور والدتى علشان هى تعرفها
بس هى كانت كبيرة ة فى السن ومحتاجة اللى يسندها هى وبتمشى فأنا سندتها
ودخلتها البيت اول حاجة دخلتها اوضة الضيوف بس مقعدناش فيها
رحت دخلتها الصالة وقعدت ووالدتى كانت فى الحمام
وبعدين انا رحت اقفل باب بيتنا علشان كان مفتوح
بعد ما قفلته كنت راجعة لها اقعد معاها فى الصالة على ما والدتى تيجى لها
لكن لقيتها قامت وقالت انها ماشية ولما وصلنا عند الباب
قالت لى تانى تعالى معايا
قلت لها لا وكنت خايفة تكون زعلت منى فكنت ماسكة ايدها وكنت عايزة
ابوس ايدها علشان اطيب بخاطرها ومتزعلش منى علشان رفضت انى اروح معاها
لكن كنت كل ما اقرب من ايدها علشان ابوسها الاقى ايدها بتبعد حاولت
تانى وبردو بعدت ايدها وبعدين انا قلت لها ياريت ماتكونيش زعلانة منى
قالت لى لا عادى مش مهم انا مش زعلانة
وقالت انا رايحة لابنى شهاب وبعد كده ماتت
انا اتخضيت وسيبت ايدها لان اول مرة حد يموت قدامى
رحت دخلت لقيت حد مش فاكرة واحد ولا واحدة المهم انا كنت بقول له
انى زعلانة اوى علشان محققتش طلب الست دى قبل ما تموت
وكنت خايفة تكون ماتت وهى زعلانة منى وبعدين قلت
يعنى هى مستينة تيجى عندنا وتموت فى بيتنا
كده احنا اللى هنغسلها
وبعدين لقيت والدتى خرجت
من الحمام فقلت لها الحقى الست اللى تعرفيها ماتت
فوالدتى اتخضت ووقعت من طولها انا خفت عليها جدا
ومش عارفة هى اغم عليها ولا ايه قعدت احاول افوقها وكنت هبكى
والحلم خلص على كده
آنسة والحالة الدينية متوسطة
والست اللى كانت معايا فى الحلم معرفهاش

حلم رقم 11

السلام عليكم ورحمه الله وبركاته .. كنت عايزه حضرتك تفسريلى الحلم دا انا حلمت بعد الفجر وكنت مصليه القيام والفجر وقايله اذكار ومستغفره كتير وقايله ايه الكرسى وانا اليومين دول صايمه 13 و14 و15 من شهر رجب ,, وانا يا ماما بقالى فتره كمان بقرأ سوره البقره يمكن بقالى 6 او 7 مرات
المهم انا حلمت انى قاعده مع بنت عمى وجه واحد كدا عجوز زى ما يكون فى اعاقه فى ايده وانا قاعده مع بنت عمى بتدينى اكل بقلها انا صايمه فلاقيت الراجل دا بيقولى ما تصومى لحد العصر قلتله ازاى واحنا مسلمين لازم نصوم للمغرب سكت كدا فقلتله هو أنت ملسم قالى لا انا لا مسلم ولا مسيحى ولا بنى ادم ولاقيت ايديه دى بتتطلع منه كذا ايد وصوابع كتيييييير جدا قعدت اصرخ واجرى وهو بيجرى ورايا وقعدت اقول آيه الكرسى واقول الذكر الى هو الله لا اله الا هو له الملك وله الحمد يحي ويميت وهو على كل شى قدير وبعدين قعدت اجرى على ماما ولاقيت زى صوت طلع منى واحد بيتكلم مش انا وبيقول انا مش هيا وانا فيها وهأذيها ولحد ما وصلت لماما كان الصوت الى جوايا راح والعجوز دا راح وحكيتت لماما الى حصلى قالتلى هجبلك شيخ يقرألك الرقيه الشرعيه
وبس خلص الحلم وانا قمت حاسه بخوووووووووف رهيب وحاسه قلبى وجعنى