تفسير احلام الاحد 28/4/2013 باذن الله

الحلم رقم (2)
حلمت انى رايحة اقابل شخص اعرفه بس دى اول مرة اقابله شخصيا رحت لقيت ناس كتير وكان شغالة اغنية انجليزية منتشرة حاليا وكانوا بيرقصوا واللى عرفته ان الشخص اللى انا رايحه اقابله ده هو اللى عمل الدوشة دى علشان تبقى الدنيا زحمة ومحدش يشوفنا وانا وبتمشى وسط الناس شفت شخص تانى اعرفه فكلمته فى الموبايل وقلت له انا شايفاك فقال لى طيب انتى فين انا عايز اشوفك انا رفضت وضحكت عليه ومخليتهوش يشوفنى والمهم انا كان معايا اختى وهى اعطتنى ورقة مكتوب عليها الحرف ده E وانا رفعت الورقة بحيث ان الشخص اللى رايحه اقابله يشوفنى لكن الحرف اللى كان مكتوب مش حرفه وانا كنت عايزة اكتب حرفه علشان يعرفنى فكرت اكتب رمز يعرفنى بيه لكن معرفتش ففضلت رافعة الورقة والناس تبص وهو ماكنش فيهم فأنا رحت لاختى قلت لها هاتى الكراسة عايزة اخد ورقة واكتب عليها حرف A لكن اختى قالت لى الكراسة لسه واحد واخدها منى دلوقتى فأنا قلت فى نفسى ليه نعمل كده وفى طريقة اسهل من دى وهى انى اكلمه على النت وابعت له صورتى
وحلمت حلم تانى فيه نفس الشخصين حلمت انى كنت نايمة وحسيت انى كنت نايمة فى حضن الشخص الاول وبعدين حسيت انى فى حضن الشخص التانى استغربت لما حسيت انى فى حضن الشخص التانى وبعدين رجعت حسيت انى فى حضن الشخص الاول
يعنى كله احساس ماكنش حد جنبى فى الحلم
وفى الحقيقة الشخصين دول اصدقاء مقربين ليا وزى اخواتى
آنسة والحالة الدينية متوسطة