تفسير احلام الجمعه 12/4/2013 باذن الله

الحلم رقم (5)
حلمت انى خرجت من البيت بس مش عارفة رايحة فين وانا ماشية فى شارعنا ان فى عربية بتبيع عسل اسود السواق قال لى تعالى اركبى وراء فى العربية هى كانت عربية نص نقل فركبت وراء عند العسل ومشت العربية وبعدين كان فى طفل كان عايز يشترى عسل فوقفنا وانا كنت هجيب العسل للطفل بس السواق قال لى خدى اعطانى حاجة زى الكوباية كده وندانى باسمى انا استغربت ازاى عرف اسمى ونزل وهو اللى جاب العسل انا كنت فاكرة انه اعطانى الكوباية علشان احط بها العسل لكن هو اللى نزل وركب عندى وراء وبعدين جاء رجل يشترى عسل فاتفاجئت انه كلمنى قال لى ازيك قلت له الحمد لله وكنت برد على اد السؤال انا لما بصيت فيه عرفت انه مدرس اعرفه بس لينا فترة مشفناش بعض استغربت انه عرفنى بعد السنين دى وفاكر اسمى كمان قلت فى نفسى يمكن علشان شكلى متغيرش اوى وكان مهتم اوى عايز يعرف اخبارى وعاملة ايه فى حياتى دلوقتى وبعدين قال لى انزلى من عربية العسل وتعالى معايا لمنزلى انا النهاردة خطوبة بنتى تعالى اقعدى مع البنات وافرحى رحت معاه ودخلت البيت كان فيه بنات قاعدين وفجأة لقيت بنات اعرفهم من ايام الدراسة سلمنا على بعض وبعدين انا كنت حاطة فى وجهى كريم اساس فصاحبتى قالت لى ظبطى الكريم علشان بدأ يسيح علشان الجو كان حر انا سألتها هو باين قالت لى ايوه فحاولت اظبطه وبعدين العروسة جات اللى هى خطوبتها يعنى سلمنا عليها وانا سلمت عليها وبوستها وبعد ما سلمت علينا قالوا خلاص كده الاحتفال انتهى انا استغربت ازاى يعنى ده المفروض نبدأ الاحتفال المهم كل الناس كانت بتمشى وانا كنت عايزة ايميل صاحبتى علشان نتواصل بعد كده طلعت ورقة وقلم بس لقيتها ماشية مع اصحابها مشيت وراهم وقعدت احاول الحقهم هما كانوا بعيد عنى شوية حاولت اجرى وامشى شوية بس ملحقتهمش مشيت فى طريق كان فيها طوب واتاخرت فيها شوية ولما طلعت من الطريق دى لقيتهم لسه بعيد فكرت اركب عربية والحقهم بس الحلم خلص على كده

آنسة
والحالة الدينية متوسطة