تفسير احلام الاربعاء 9/4/2013 باذن الله

الحلم الاول
لو سمحتى ماما نجيه .اختى حلمت لى انا حلم وهو انى كان عندى ملابس قمت بخياطه الاكمام (نصف كم)على ايدى وبعدين هى قالت للعامل اللى شغال عندها واسمه احمد ان ياخذ الملابس للخياط لتصليحها.وبعدين رحت معاها للخياط وكان في دور ارضي في بيت في حاره ومليان بالارانب والطيور.
مع العلم انى انسه وفي انتظار عقد العمل

الحلم رقم (3)
حلمت انى كنت فى المدرسة كنا فى الفصل ومش فاكرة كان علينا درس ايه المهم كان عندنا مشكلة ان احنا قربنا على الامتحانات ومفيش مدرس لغة عربية ومخدناش ولا حاجة فى منهج اللغة العربية وبعدين خرجنا وقت الفسحة فى حوش المدرسة نزلنا وكنت بتمشى مع واحدة صاحبتى ولقينا بنت الدموع فى عينيها قلنا مالها دى وصعبت علينا وفى واحدة قربت منها علشان تسألها مالك راحت قالت لها ابعدى عنى محدش لى دعوة وبعدين لقينا بنتين صغيرين توأم حوالى 9 سنين بيبكوا جامد اوى والناس بتسألهم مالكم وهما مش عارفين يتكلموا من شدة البكاء بس تقريبا كانوا بيبكوا على حد مات بس مش عارفة مين وبعدين لقينا الطلاب داخلين الفصل قلنا يلا بينا احنا كمان وفجأة لقينا الطلاب راجعين لحوش المدرسة وبيقولوا ان المدرسين رجعوهم علشان نعمل طابور الاول رحت انا وصاحبتى على مكان الطابور بتاعنا بس كان المكان لسه فاضى وفى طفل سألنى ده مكانكم قولتلوا ايوه وسألنى تانى قال لى انتى فى سنة كام انا ابتسمت لانى كنت ناسية وبعدين افتكرت وقلت له انا فى سنة 3 ثانوى وابتسم لى وابتسمت له ومشى وبعدين طلبوا مننا نقف صفوف بالعرض وقفنا زى ما طلبوا وفجأة قالوا ان فى احتفال بتاريخ 25 /3 انا قلت مفيش مناسبة فى اليوم ده اصلا المهم عملوا استعراض بنات دخلت رقصوا رقص خفيف كده زى التمارين كده واحنا كنا بنسقف لهم وبعدين شغلوا عرض على التليفزيون العرض ده كان عن حفلة قامت بها المدرسة فبتفرج لقيت شخص اعرفه كان فى الرحلة دى ركب دراجة علشان ياخد بيها لفة بس الكاميرا كانت مركزة اوى على ايده الشمال هو كان لابس 3 دبل دهب فى صوابعه الخنصر والبنصر والوسطى استغربنا ان الكاميرا مركزة فى ايده كده بس قلنا يمكن علشان الدبل الكتير اللى فى ايده وبعدين اتكلم شوية وقال انا بحب اركب الدراجات من وانا صغير بس كان صوته صغير وهو اصلا كبير انا استغربت قلت ليه صوته صغير كده وبعدين قلت ليه محدش سمع عن الرحلة دى ولا عملوا اعلانات عنها علشان نشترك فيها لانى انا كان نفسى اروح الرحلة دى

آنسة
والحالة الدينية متوسطة
والشخص اللى كان لابس 3 دبل عازب ومتدين

7

السلام عليكم

انا حلمت انى وواحده صحبتى سافرنا قطر روحنا عند ناس جيرانى وبعدين قالو مفيش طيران لمصر لازم ترانزيت للسعوديه وبعدين لمصر
فروحنا السعوديه عند صاحبتنا (هى متزوجه حديثا) وطالبنا منهم يحجزولنا طيران لمصر واتصلت بمامتى وقالتالها ان احنا وصلنا يوم السبت ومفيش طيران غير يوم الثلاثاء وبعدين قالتلهم ان فيه شنطه ناقصه انا كان معايا 2 سالونى فيها ايه قالتلهم فيها فلوس وكنت متنرفزة جدااا انها ضاعت قاعده اقول اكيد جارنا وهو بيخلص الاوراق ماخدتش بالو وضاعت وكان نفسى اروح اعمل عمرة بس عامله اقول عييب اطلب وزى ما يكونو اتفسحنا فى البلد معاهم
المهم رجعنا مصر واستقبلتنا بنت عمى(متزوجه وعندها بنت) حكتالها ان شنطتى ضاعت قالتلى طب انا حكلم ناس يدولوك عليهااا وبعدين ابن عمى سالنى هى فيها كام قالتله حوالى 20 ال جنيه او اقل بحجاه بسيطه رااح قالى عندك كل الفلوس دى قالتله طبعااا (انا طبعا فى الحقيقه معييش 20 جنيه هههه) المهم جوز بنت عمى اول ما شافنى ادانى 100 جنيه كانت 2 50 وراحت هى كمان اديتنى وانا اخدتهم منهم زى ما تكون عيديه (علاقتى ببنت عمى وجوزاها علاقه عاديه جدااااا ومفيش بينا كلام غير فى المناسبات)

انا انسه 26 سنه غير مرتبطه وبشتغل

صحبتى 26 سنه غير مرتبطه

الحاله الدينيه متوسطه للجميع