السلام عليكم ورحمة الله وبركاته
ازيك يا ماما نجيه كل سنه وحضرتك طيبه انا انهارده حلمت خير ان شاء الله
هو الحلم كان فيه اكتر من مشهد
شفت فى مشهد انى فى عند بنات عمتى فى البيت وكان بابا موجود وكان فيه حلويات كتيروكنا بناكل فلقيت حد طالع على السلم فقمت مدخله شوية حلويات اعينهم عشان مش يخلصوا فلقيت اللى طالعيبقى جوز خالتى اسمه محمد خيره وهو متوفى وكان معاه ناس برده كبار ودخلوا وقعدوا ياكلوا من الحلويات وعمو محمد دخل البلكونه هو وبابا وانا كنت قعده مع الناس التانيين دوول
وكان فيه مشهد تانى كنت موجوده اودام بيت نينه فى الشارع وكأنى كنت متجوزه الفنان خالد صالح وكنت انا وهو فى الشارع وقعدين نضرب فى بعض وكانت فيه ست فى البلكونه قعده تكلمنا وتسأل وتقولنا بطلوا وانا قعدت اقولها ياريت متتدخليش وومتعمليش زي المثل اللى بيقول يا داخله بين البصله وقشرتها وبعدها كأننا انتقلنا لمكان تانى تقريبا الغردقه وكنا فى بيت وقعدين نتكلم وبيقولى انتى عارفه انى مهندس مدنى قلته ايوه طبعا انت عارف ان كانت امنيه حياتى اتجوز مهندس مدنى وكان فى الحلم احداث تانيه مش فكراها
فيه حلم تانى صغير خالص وقالقنى اووووى معلش يا ماما ممكن تفسريه
انا من كام يوم شفت كأنى لابسه تقويم متحرك وبعدين بحوشه لقيت سنانى بايظه جدا واتخضيت اووووى لقيت 3 سنان على بعض منظرهم بشع وفيه مسافه فاضيه وبعديهم سنه وسنانى ملخبطه كلها فقعدت اعيط جامد وقلت انا لازم اروح لدكتور
انا انسه حالتى النفسيه الفتره اللى فاتت كانت وحشه بس الحمد لله على كل شئ انا بقرأ البقره بقالى مده وكان فيه موضوع ارتباط مع واحد قريبى بس مش عارف ياخد خطوه ايجابيه
انا قبل ما انام كنت بتفرج على مسلسل لخالد صالح وكمان انا فعلا طول عمرى كنت بتمنى اتجوز مهندس مدنى
ياريت تطمنينى يا ماما
وبخصوص الحلم التانى فانا بالفعل كنت عامله تقويم من كام سنه وسنانى اتظبطت الحمد لله وعندى التقويم المتحرك ده بركبه عشان تفضل سنانى ثابته
